કંગનાએ પોતાના ઘરમાં કરી શિવલિંગની સ્થાપના, એક્ટ્રેસનું મંદિર જોઈને થઈ જશો મંત્રમુગ્ધ, જુઓ વીડિયો

બોલિવુડ એક્ટ્રેસ કંગના રનૌત કોઈને કોઈ કારણોસર ચર્ચામાં રહે છે. આ દરમિયાન કંગનાએ તેના ઈન્સ્ટા પર એક ધાર્મિક વીડિયો શેર કર્યો છે, જેના કારણે તે ચર્ચામાં આવી છે. આ વીડિયોમાં કંગનાએ તેના મનાલી ઘરના મંદિરની ઝલક બતાવી છે, જેમાં શિવલિંગ સહિત અનેક દેવી-દેવતાઓ દેખાય છે. તેને પોતાના ઘરના મંદિરમાં એક રંગીન વિન્ટેજ દરવાજો પણ લગાવ્યો છે, જે ખૂબ જ સુંદર છે.

કંગનાના મંદિરનો દરવાજો ખૂબ જ અનોખો

કંગના રનૌત ભલે મોટી સ્ટાર બની ગઈ હોય, પરંતુ તે પોતાની સંસ્કૃતિને ક્યારેય ભૂલતી નથી. તે અવારનવાર દેશ અને વિદેશમાં ધાર્મિક સ્થળોની મુલાકાત લેતી જોવા મળે છે. નવા વર્ષના ખાસ અવસર પર પણ એક્ટ્રેસે ભગવાનની ભક્તિમાં લીન જોવા મળી હતી. નવા વર્ષના આગમન પર એક્ટ્રેસે તેના મનાલીના ઘરમાં શિવલિંગની સ્થાપના કરી છે, જેની ઝલક તેણે શેર કરેલા વીડિયોમાં જોઈ શકાય છે. આ વીડિયોમાં મંદિરનો દરવાજો લોકોનું ધ્યાન પોતાની તરફ ખેંચી રહ્યો છે, જેને જૂના મંદિરોની જેમ સુંદર રીતે રંગવામાં આવ્યો છે, તેના પર ઘણા હિંદુ દેવી-દેવતાઓના ફોટા જોવા મળે છે. વીડિયો જોઈને એવું લાગે છે કે આપણે મંદિરની અંદર છીએ. કંગનાએ તેના મંદિરમાં ભગવાન ગણેશની મૂર્તિ, મા દુર્ગાની મૂર્તિ સાથે અન્ય ઘણા દેવતાઓની મૂર્તિ સ્થાપિત કરી છે. તેમના મંદિરની દિવાલ પર ભગવાન ગિરિરાજની ફ્રેમ પણ દેખાય છે.

View this post on Instagram

A post shared by Kangana Ranaut (@kanganaranaut)

કંગના રનૌતે પોતાના ઘરે કરી છે શિવલિંગની સ્થાપના

આ વીડિયોમાં સૌથી શાનદાર વસ્તુ છે શિવલિંગ, ભગવાનની મૂર્તિની સામે શિવલિંગ મૂકવામાં આવ્યું છે જેના પર ધૂપ સળગી રહી છે અને શિવલિંગની સામે આરતીની થાળી જોવા મળી રહી છે. આ સિવાય બેકગ્રાઉન્ડમાં વાગતું ‘અચ્યુતમ કેશવમ’નું ભજન આ વીડિયોને વધુ આકર્ષક બનાવી રહ્યું છે. કંગનાની આ પોસ્ટ હાલમાં સોશિયલ મીડિયા પર વાયરલ થઈ રહી છે. જો એક્ટ્રેસના વર્ક ફ્રન્ટની વાત કરીએ તો તે ટૂંક સમયમાં એક એક્શન ફિલ્મમાં જોવા મળશે અને એવું પણ અનુમાન લગાવવામાં આવી રહ્યું છે કે તે રાજકારણમાં પણ આવી શકે છે અને 2024ની લોકસભાની ચૂંટણી લડી શકે છે તેવી ચર્ચા થઈ રહી છે.

આ પણ વાંચો: ક્યાં છે અને શું કરી રહી છે આમિર ખાનની પહેલી પત્ની રીના દત્તા?

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો