2022ની ઈદ માટે તૈયાર છે John Abraham,આ દિવસે રિલીઝ થશે ‘એક વિલન રિટર્ન્સ’
ફિલ્મ 'એક વિલન'માં આપણે સિદ્ધાર્થ મલ્હોત્રા (Sidharth Malhotra) અને શ્રદ્ધા કપૂર (Shraddha Kapoor) ને જોયા હતા, જ્યારે હવે' એક વિલન રિટર્ન્સ' (Ek Villain Returns)માં આપણે મોટી સ્ટારકાસ્ટ જોવા જઈ રહ્યા છીએ.
જે સિનેમા ઘરો 2020માં કોરોના રોગચાળાને કારણે બંધ કરવામાં આવ્યા હતા, તેમને હવે ખોલવાનો નિર્ણય લેવામાં આવ્યો છે. મહારાષ્ટ્ર સરકારે 22 ઓક્ટોબરે રાજ્યમાં તમામ થિયેટરો ખોલવાની મંજૂરી આપી છે. આ પરવાનગી પછી ફિલ્મોની રિલીઝ તારીખ સતત બહાર આવી રહી છે.
આવી સ્થિતિમાં હવે ફિલ્મ ‘એક વિલન રિટર્ન્સ’ (Ek Villain Returns)ની રિલીઝ ડેટ પણ જાહેર કરવામાં આવી છે. થોડા સમય પહેલા ફિલ્મની અભિનેત્રી દિશા પટણી (Disha Patani) એ આ ફિલ્મનું નવું પોસ્ટર શેર કરતા કહ્યું છે કે આ ફિલ્મ આગામી વર્ષે 8 જુલાઈ, 2022ના રોજ રિલીઝ થશે.
જ્યારે ફિલ્મની અગાઉની કડીમાં આપણે સિદ્ધાર્થ મલ્હોત્રા (Sidharth Malhotra) અને શ્રદ્ધા કપૂરને (Shraddha Kapoor) જોયા હતા, હવે આપણે ‘એક વિલન રિટર્ન્સ’ (Ek Villain Returns)માં મોટી સ્ટારકાસ્ટ જોવા જઈ રહ્યા છીએ, જેમાં અર્જુન કપૂર (Arjun Kapoor), દિશા પટણી (Disha Patani), તારા સુતારિયા (Tara Sutaria)ની સાથે આ ફિલ્મમાં આપણને જોન અબ્રાહમ (John Abraham) પણ જોવા મળશે.
તમને જણાવી દઈએ કે આ ફિલ્મ માટે નિર્માતાઓએ 2022ની ઈદ બુક કરી છે. જે ફિલ્મ માટે ખૂબ જ સારી સાબિત થવાની છે. છેલ્લા ઘણા દિવસોથી મેકર્સ આ ફિલ્મ માટે ઉત્સાહિત હતા. જ્યાં હવે ફિલ્મની રિલીઝ ડેટ બહાર આવ્યા બાદ ફિલ્મની ટીમ કામે લાગી ગઈ છે. થોડા દિવસો પહેલા ફિલ્મની ટીમે જોન અને દિશાની તસ્વીરો બ્લેક જેકેટમાં શેર કરી હતી, જેને ચાહકોએ સારો પ્રતિસાદ આપ્યો હતો.
Iss baar eidi villain dega! Tareek aap yaad rakhna – 8th July 2022.#EkVillainReturns on EID 2022#BhushanKumar @ektarkapoor @mohit11481 #ShobhaKapoor @RuchikaaKapoor @TheJohnAbraham @arjunk26 @TaraSutaria @amul_mohan @TSeries @balajimotionpic #BalajiMotionPictures pic.twitter.com/TGNAdVC7qI
— Disha Patani (@DishPatani) September 29, 2021
આ ફિલ્મના નિર્માતા ભૂષણ કુમાર છે, જ્યારે આ ફિલ્મના નિર્દેશક મોહિત સૂરી છે. મોહિતે તાજેતરમાં જ મીડિયાને કહ્યું હતું કે “હું એક વિલન રિટર્ન્સના શૂટિંગને લઈને ખૂબ જ ઉત્સાહિત છું, ભલે આ ફિલ્મનું શૂટિંગ રોગચાળાને કારણે મોડું થયું હોય, પરંતુ હવે અમે આ ફિલ્મના શૂટિંગ પર પાછા ફર્યા છીએ, જેને લઈ હું ખૂબ ખુશ છું.”
2022માં રિલીઝ થશે ઘણી મોટી ફિલ્મો
હવે બોલિવૂડના તમામ નિર્માતાઓ ફિલ્મ રિલીઝ કરવા માટે ખૂબ જ ઉત્સાહિત છે. જ્યાં સલમાન ખાન (Salman Khan)થી લઈને અક્ષય કુમાર (Akshay Kumar) સુધી તમામ મોટા સ્ટાર્સ પોતાની ફિલ્મો રજૂ કરવાના છે. ઘણા નિર્માતાઓ ઈચ્છે છે કે તેમની ફિલ્મોને થિયેટર માલિકો દ્વારા મહત્તમ સંખ્યામાં સ્ક્રીન આપવામાં આવે, જેના કારણે ઘણા નિર્માતાઓ સતત સિંગલ સ્ક્રીન સિનેમા પર પણ દબાણ લાવવાનો પ્રયાસ કરી રહ્યા છે.
જોવાનું રહેશે શું છે જનતાનો મૂડ
જ્યાં સરકારે એક બાજુ થિયેટરો ખોલવાનો નિર્ણય કર્યો છે, ત્યાં જ શું આ કોરોના સમયગાળા દરમિયાન લોકો થિયેટરોમાં જઈને ફિલ્મો જોવાનું પસંદ કરશે, તે જોવું પણ એક બાબત હશે કારણ કે કોરોનાના દર્દીઓ હજુ પણ દેશમાં સતત સામે આવી રહ્યા છે.
આ પણ વાંચો :- Bigg Boss 14 ફેમ નિક્કી તંબોલીએ કાળી સાડીમાં મચાવ્યો કહેર, બોલ્ડ લુકના ચાહકો થયા દિવાના
આ પણ વાંચો :- Expensive: પૂજા હેગડેએ પહેર્યું હતું થાઈ-સ્લિટ રફલ્ડ ગાઉન, નહીં આંકી શકો તમે તેની કિંમત