જાહ્નવી કપૂર તેની માતા શ્રીદેવીને કરે છે યાદ, કહ્યું- નામ તો રોશન કરવું પડશે
બોલિવૂડ એક્ટ્રેસ જાહ્નવી કપૂરે (Janhvi Kapoor) જણાવ્યું કે જ્યારે તેણે તેની માતા શ્રીદેવીને ફિલ્મોમાં આવવાના નિર્ણય વિશે જણાવ્યું ત્યારે તેણે કેવું રિએક્શન આપ્યું. શ્રીદેવીનું 2018માં નિધન થયું હતું.
બોલિવૂડ એક્ટ્રેસ જાહ્નવી કપૂરે (Janhvi Kapoor) જણાવ્યું છે કે ફિલ્મોમાં આવવાને લઈને તેની માતા શ્રીદેવીનું (Sridevi) વલણ કેવું હતું. જ્યારે તેણે ફિલ્મોમાં આવવાનું નક્કી કર્યું, ત્યારે તેની માતાએ તેને કેવી રીતે સમજાવી. જાહ્નવીની કરિયરને હજુ સુધી બહુ લાંબો સમય થયો નથી. તેની માત્ર 2 ફિલ્મો જ થિયેટરોમાં રિલીઝ થઈ છે, બાકીની 3 ફિલ્મો OTT પ્લેટફોર્મ પર રિલીઝ થઈ છે. હાલમાં જ તેની ફિલ્મ ગુડ લક જેરી રિલીઝ થઈ છે.
શ્રીદેવી નહોતી ઈચ્છતી કે ફિલ્મોમાં આવે જાહ્નવી
જાહ્નવીએ ‘ઈટાઈમ્સ’ને એક ઈન્ટરવ્યુ આપ્યો છે. જ્યારે તેમને પૂછવામાં આવ્યું કે જ્યારે તમે તમારી માતા શ્રીદેવીને કહ્યું કે તમે એક્ટર બનવા માંગો છો ત્યારે તેમનું રિએક્શન શું હતું0? તેના પર એક્ટ્રેસે કહ્યું કે તેણે કહ્યું કે તેમાં પડશો નહીં. મેં આખી જિંદગી કામ કર્યું છે, જેથી હું મારા બાળકોને કમ્ફર્ટેબલ લાઈફ આપી શકું અને તે કમ્ફર્ટેબલ લાઈફ નથી, તો તમે તમારી જાતને આમાં શા માટે મૂકવા માંગો છો? મેં કહ્યું કે મને ફિલ્મો ગમે છે. હું એક્ટ્રેસ બન્યા વિના રહી શકતી નથી. પછી તેણે કહ્યું કે તને આટલું ગમે છે તો સારું. પણ તેણે કહ્યું કે તમે બહુ ભોળા અને નરમ દિલના છો, તમે ભ્રમિત થઈ જાવ છો. તમને બહુ ખરાબ લાગશે. અહીં તમારે અલગ રીતે સખત બનવું પડશે અને હું નથી ઈચ્છતી કે તમે એવા બનો.
એક્ટ્રેસે કહ્યું કે તે મારા માટે પ્રોટેક્ટિવ છે અને કહ્યું કે લોકો મારી 300 ફિલ્મ સાથે તમારી પહેલી ફિલ્મની તુલના મારી સાથે કરશે. તમે આ સાથે કેવી રીતે ડીલ કરી શકશો? હું જાણતી હતી કે તે ખૂબ જ મુશ્કેલ હશે, પરંતુ હું જાણતી હતી કે જો હું એક્ટિંગ નહીં કરું તો હું મારા બાકીના જીવન માટે દુખી રહીશ.
શ્રીદેવી સાથે કેવો હતો જાહ્નવીનો સંબંધ
જાહ્નવીને એવો સવાલ પૂછવામાં આવ્યું કે તમને શ્રીદેવી વિશે સૌથી વધુ શું યાદ છે? તો તેણે કહ્યું કે હું તેને યાદ કરું છું. જ્યાં સુધી મમ્મા મને જગાડે નહીં ત્યાં સુધી હું મારી પથારીમાંથી બહાર નીકળતી ન હતી. મારું એલાર્મ વાગતો રહેતો તો પણ હું મમ્માને બોલાવતી. હું તેનો ચહેરો જોયા વિના રૂમમાંથી બહાર આવી શકતી ન હતી અને તેને ગુડ નાઈટ કહ્યા વિના સૂઈ શકતી ન હતી.
2018માં થયું હતું શ્રીદેવીનું નિધન
શું શ્રીદેવીની પુત્રી હોવાને કારણે તેની વધુ ટીકા થઈ રહી છે? આ સવાલના જવાબમાં તેણે કહ્યું કે હા બિલકુલ, લોકો મારી પહેલી 4 ફિલ્મોની સરખામણી તેની 300 ફિલ્મો સાથે કરી રહ્યા છે. હું બીજું કંઈ જાણતી નથી, પરંતુ હું તેમના માટે મારું કરિયર બનાવવા માંગુ છું. નામ તો રોશન કરવું જ છે. હું આ રીતે છોડી શકતી નથી. 24 ફેબ્રુઆરી 2018માં શ્રીદેવીનું દુબઈમાં અવસાન થયું હતું.
Latest News Updates
