Raj Kundra ની ઓફીસની ‘ગુપ્ત તિજોરી’માંથી શિલ્પાની સહી સાથે મળ્યા ચોંકાવનારા ડોક્યુમેન્ટ્સ, જાણો શું હતો કંપનીનો પ્લાન
રાજ કુંદ્રાની ઓફિસ પર ક્રાઈમ બ્રાંચે દરોડા પાડ્યા હતા. જ્યાં તેમને એક ગુપ્ત તિજોરી મળી હતી. હવે આ ગુપ્ત તિજોરીમાંથી અશ્લીલ ફિલ્મોની સ્ક્રિપ્ટો અને અન્ય દસ્તાવેજો મળી આવ્યા છે.
રાજ કુંદ્રા પોર્નોગ્રાફી કેસમાં (Raj Kundra Case) મુંબઇ પોલીસની ક્રાઈમ બ્રાંચને દરરોજ નવા નવા પુરાવા મળી રહ્યા છે. રાજ કુંદ્રાના કાનપુર કનેક્શન અને સટ્ટાબાજીને લગતી માહિતી પ્રકાશમાં આવ્યા બાદ હવે એક અન્ય મહત્વપૂર્ણ સમાચાર બહાર આવી રહ્યા છે. ગુરુવારે રાજ કુંદ્રાની ઓફિસ પર ક્રાઈમ બ્રાંચે છાપો માર્યો હતો. જ્યાં તેમને એક ગુપ્ત તિજોરી મળી હતી. હવે આ ગુપ્ત તિજોરીમાંથી અશ્લીલ ફિલ્મોની સ્ક્રિપ્ટો અને અન્ય દસ્તાવેજો મળી આવ્યા છે.
શિલ્પાના માટે ફરી લટકતી તલવાર
આ બધા પુરાવા એ વાત સાબિત કરી રહ્યા છે કે રાજ કુંદ્રાની ધરપકડ કરવામાં આવી હોવા છતાં પણ તેની કંપની શૂટિંગ ચાલુ રાખવા માંગતી હતી. આ ગુપ્ત તિજોરીમાંથી આવી જ એક અશ્લીલ ફિલ્મની સ્ક્રીપ્ટ પણ મળી આવી છે. આમાંથી મળેલા મોટાભાગના દસ્તાવેજો પર શિલ્પા શેટ્ટીએ (Shilpa Shetty) સહી કરેલી છે. આવી સ્થિતિમાં માનવામાં આવી રહ્યું છે કે, આ મામલે શિલ્પા શેટ્ટીની ફરીથી પૂછપરછ કરવામાં આવી શકે છે.
તિજોરીમાંથી મળી સ્ક્રિપ્ટ
મુંબઇ પોલીસના ક્રાઈમ બ્રાંચના સૂત્રોના જણાવ્યા અનુસાર રાજ કુંદ્રાની ધરપકડ થયા પછી પણ તેમની કંપની એડલ્ટ કન્ટેન્ટ બનાવવાનું વિચારી રહી હતી. હિન્દીમાં અશ્લીલ ફિલ્મની તાજી સ્ક્રિપ્ટ કુંદ્રાની છૂપી તિજોરીમાંથી મળી આવી છે. આ સ્ક્રિપ્ટ રોમન અને દેવનાગરી એમ બંનેમાં લખેલી છે. એવી સંભાવના છે કે આ કંપની ગુપ્ત રીતે આવી સામગ્રીનું નિર્માણ કરી રહી હોય.
ખાનગી સમાચાર સંસ્થાના અહેવાલમાં સૂત્રોના જણાવ્યા અનુસાર શિલ્પા શેટ્ટી અને ગેહના વશિષ્ઠના હોટશોટ અને અન્ય એપ્સની સામગ્રી અશ્લીલ નહીં શૃંગારિક હોવાના દાવાની તપાસ માટે નિષ્ણાતોની મદદ લેવામાં આવી રહી છે. ટૂંક સમયમાં તે પણ સ્પષ્ટ થઈ જશે કે કાયદા અનુસાર સામગ્રી કઈ શ્રેણી હેઠળ આવે છે.
શિલ્પા શેટ્ટીની માતા પણ કંપનીના ડિરેક્ટર હતાં!
તપાસમાં એવું પણ બહાર આવ્યું છે કે અભિનેત્રી શિલ્પા શેટ્ટીની માતા સુનંદા સુરેન્દ્ર શેટ્ટી પણ આ કંપનીમાં સપ્ટેમ્બર 2020 સુધી ડિરેક્ટર પદે હતા. તપાસ દરમિયાન ધરપકડ કરાયેલા લોકોએ આ વાતની કબૂલાત આપી છે. તેમજ તેની તપાસ કરવામાં આવી રહી છે. તપાસમાં બહાર આવ્યું છે કે થોડા મહિના પહેલા સુધી શિલ્પા શેટ્ટી તેના પતિ કુંદ્રાની કંપની જેએલ સ્ટ્રીમને પ્રમોટ કરતી હતી. આ તે કંપની છે કે જેના પર અશ્લીલ સામગ્રી બનાવવાનો આરોપ મૂકાયો છે.
દિવાલની પાછળ મળી તિજોરીમાં સિક્રેટ્સ
વિયાન કંપનીના એક કર્મચારીએ શનિવારે મુંબઇ પોલીસની ક્રાઈમ બ્રાંચને જણાવ્યું હતું કે સિક્રેટ બધા કુંદ્રાની ઓફિસની દિવાલમાં રહેલી ગુપ્ત અલમારી છે. આ પછી અશ્લીલતા મામલે દરોડા પાડવામાં આવ્યા હતા. દરોડા બાદ હાથ ધરવામાં આવેલી તપાસમાં તે રહસ્યમય તિજોરી પોલીસને મળી. દરોડા બાદ પોલીસે જણાવ્યું હતું કે તેઓએ તિજોરી અને કેટલાક બોક્સ કબજે કર્યા છે. અશ્લીલ ફિલ્મોના આ વ્યવસાય સાથે સંબંધિત મહત્વપૂર્ણ પુરાવા આ કપડામાંથી મળી આવ્યા છે.
Latest News Updates
