‘Ganapath’માં અમિતાભ બચ્ચન ટાઇગર શ્રોફના પિતાની ભૂમિકા ભજવશે? જાણો શું છે મેકર્સનો પ્લાન
ટાઇગર શ્રોફ અને કૃતિ સેનનની ફિલ્મ ‘ગણપથ’ મોસ્ટ અવેટેડ ફિલ્મોમાંની એક છે. તાજેતરમાં જ સમાચાર આવ્યા હતા કે ફિલ્મના નિર્માતાઓ જેકી શ્રોફને ટાઇગરના પિતા તરીકે કાસ્ટ કરવા માગે છે.
ટાઇગર શ્રોફ અને કૃતિ સેનનની ફિલ્મ ‘ગણપથ’ મોસ્ટ અવેટેડ ફિલ્મોમાંની એક છે. તાજેતરમાં જ સમાચાર આવ્યા હતા કે ફિલ્મના નિર્માતાઓ જેકી શ્રોફને ટાઇગરના પિતા તરીકે કાસ્ટ કરવા માગે છે. જો કે હજુ સુધી આ વાતની પુષ્ટિ થઈ નથી. દરમિયાન, બીજી એક રસપ્રદ વાત સામે આવી છે કે, મેકર્સ આ ફિલ્મ માટે અમિતાભ બચ્ચનને કાસ્ટ કરવાની યોજના બનાવી રહ્યા છે.
એવું માનવામાં આવે છે કે, ટાઇગર શ્રોફના પિતાની ભૂમિકા માત્ર અમિતાભ બચ્ચન ભજવી શકે છે. જો કે, ફિલ્મના નિર્માતાઓ અને અમિતાભ બચ્ચન તરફથી કોઈ પુષ્ટિ કરવામાં આવી નથી. એક રિપોર્ટ અનુસાર, ફિલ્મના મેકર્સ ટાઈગરના પિતાના રોલ માટે અમિતાભ બચ્ચનના સંપર્કમાં છે. રિપોર્ટમાં સૂત્રોના હવાલાથી કહેવામાં આવ્યું છે કે, ટાઈગર ફિલ્મમાં બોક્સરની ભૂમિકા ભજવતો જોવા મળશે, જ્યારે તેના ઓનસ્ક્રીન પિતા પણ તેના શરૂઆતના દિવસોમાં બોક્સર તરીકે જોવા મળશે.
શું અમિતાભ બચ્ચન આ વાર્તાનો ભાગ હશે?
રિપોર્ટ અનુસાર, આ પાત્ર સ્ક્રિપ્ટનો મહત્વનો ભાગ છે અને મેકર્સ આ ભૂમિકા માટે અમિતાભ બચ્ચનને કાસ્ટ કરવા આતુર છે. જો કે, ફિલ્મ નિર્માતાઓએ હજુ સુધી એ જાણવાનું બાકી છે કે, અમિતાભ બચ્ચનની તારીખો મળી શકે તેમ છે કે નહીં અને કેટલીક અન્ય ઔપચારિકતાઓ અંગે પણ ચર્ચા થવાની છે. દરમિયાન, ફિલ્મનો મોટો હિસ્સો ઇંગ્લેન્ડમાં શૂટ કરવામાં આવશે અને ટાઇગર અને કૃતિ બંને લંડન પહોંચી ગયા છે. શૂટિંગ લગભગ બે મહિના સુધી ચાલે તેવી ધારણા છે.
જો બધું ફિલ્મના નિર્માતાઓની યોજના અનુસાર ચાલે છે, તો અમિતાભ બચ્ચન અને ટાઇગર શ્રોફ પ્રથમ વખત ઓનસ્ક્રીન સાથે જોવા મળશે. જો કે અમિતાભ આ સ્ટોરીનો હિસ્સો બનશે કે નહીં તે હજુ સુધી કહી શકાય તેમ નથી.
જણાવી દઈએ કે 2014 માં તેમની પ્રથમ હિન્દી ફિલ્મ હિરોપંતીમાં સાથે દેખાયા બાદ ગણપતમાં ટાઈગર અને કૃતિને ફરી રોમાન્સ કરતા જોવા મળશે. રસપ્રદ વાત એ છે કે, ટાઇગર તાજેતરમાં ક્વીન્સ સિટીમાં હીરોપંતિના બીજા ભાગનું શૂટિંગ કરી રહ્યો હતો અને હવે ગણપત માટે ફરી પાછો ગયો છે.
આ પણ વાંચો: IBPS Clerk 2021: ક્લાર્કના 7858 પદ માટે અરજી કરવાની છેલ્લી તારીખ નજીક, આ રીતે કરો અરજી