હંસિકા મોટવાનીનો મહેંદી સેરેમનીનો વીડિયો થયો વાયરલ, એક્ટ્રેસની સોહેલ સાથે ગ્રાન્ડ એન્ટ્રી
Hansika Motwani Sohael Khaturiya Wedding: એક્ટ્રેસ હંસિકા મોટવાની (Hansika Motwani Wedding) અને સોહેલ કથૂરિયાની વેડિંગ સેરેમની શરૂ થઈ ગયા છે. શુક્રવારે સૂફી નાઈટનું આયોજન કરવામાં આવ્યું હતું, જેમાં કપલે હાથ પકડીને ગ્રાન્ડ એન્ટ્રી કરી હતી. હંસિકા મોટવાનીના પ્રી-વેડિંગ ફંક્શનનો વીડિયો વાયરલ થયો છે.
એક્ટ્રેસ હંસિકા મોટવાની તેના લગ્નને લઈને સતત ચર્ચામાં છે. હંસિકા મોટવાની 4 ડિસેમ્બર એટલે કે રવિવારે લગ્ન કરવા જઈ રહી છે. હંસિકા તેના બોયફ્રેન્ડ અને બિઝનેસ પાર્ટનર સોહેલ કથૂરિયા સાથે સાત ફેરા લેશે. હંસિકા મોટવાની અને સોહેલના પ્રી વેડિંગ ફંક્શન શરૂ થઈ ગયા છે. ગુરુવારે મહેંદી ફંક્શનનું આયોજન કરવામાં આવ્યું હતું, જેનો સુંદર વીડિયો સોહેલે તેના ઈન્સ્ટાગ્રામ પર શેયર કર્યો છે. ગઈકાલે એટલે કે શુક્રવારે સૂફી નાઈટનું આયોજન કરવામાં આવ્યું હતું, જેમાં હંસિકા મોટવાણી અને સોહેલ કથૂરિયાએ ખૂબ જ સુંદર અને ગ્રાન્ડ એન્ટ્રી કરી હતી. હંસિકા અને સોહેલનો હાથ પકડીને એન્ટ્રી કરી હતી, બંને ખૂબ જ સુંદર લાગી રહ્યા હતા.
ખૂબ જ સુંદર લાગી રહી હતી હંસિકા મોટવાની
સૂફી નાઈટના ફંક્શનમાં હંસિકા અને સોહેલની જોડી ખૂબ જ સુંદર લાગી રહી હતી. હંસિકા અને સોહેલે આઈવરી કલરના પોતાના આઉટફિટનું ટ્વિનિંગ કર્યું હતું. બ્રાઈડ હંસિકાએ મિરર-એમ્બેલિશ્ડ શરારા પહેર્યું હતું જેમાં તે ખૂબ જ સુંદર દેખાતી હતી. તેના સુંદર આઉટફિટ સાથે હંસિકાએ નેકલેસ, મેચિંગ ઈયરરિંગ્સ, માંગ ટીક્કા પહેરીને પોતાના લૂકને કમ્પલીટ કર્યો છે. હંસિકા અને સોહેલનો આ વીડિયો સોશિયલ મીડિયા પર વાયરલ થયો છે. આ વાત સોહેલે પોતાના ઈન્સ્ટાગ્રામ પર શેયર કરી છે.
View this post on Instagram
આજે થઈ શકે છે કોકટેલ પાર્ટી
રિપોર્ટ મુજબ હંસિકા મોટવાની અને સોહેલ કથૂરિયા આજે એક શાનદાર કોકટેલ પાર્ટી કરી શકે છે. વેડિંગ ફંક્શન ગ્રાન્ડ અને પ્રાઈવેટ હશે, જેમાં ફક્ત ફેમિલી મેમ્બર્સ અને કેટલાક નજીકના મિત્રો જ સામેલ થશે. પરંતુ ફેન્સ હંસિકા મોટવાની અને સોહેલના લગ્નના ફોટાની રાહ જોતા રહેશે.
4 ડિસેમ્બરે થશે હંસિકા અને સોહેલના લગ્ન
તમને જણાવી દઈએ કે હંસિકા મોટવાની અને સોહેલ આવતીકાલે એટલે કે 4 ડિસેમ્બરે લગ્ન કરશે. વેડિંગ સેલિબ્રેશન રાજસ્થાનના જયપુરમાં મુંડોટ્ટા ફોર્ટ અને પેલેસમાં ચાલી રહી છે. લગ્ન પહેલા હંસિકાએ તેના પ્રપોઝલના કેટલાક ફોટા સોશિયલ મીડિયા પર શેયર કર્યા હતા. જેમાં સોહેલ કથૂરિયા પેરિસના એન્ફિલ ટાવરની સામે ઘૂંટણ પર બેસીને હંસિકાને પ્રપોઝ કરી રહ્યો છે. આ તસવીરની સાથે જ હંસિકાએ તેની સગાઈની એનાઉન્સમેન્ટ કરી હતી.