Dunki : શાહરૂખ ખાનની ફિલ્મ ‘ડંકી’એ રિલીઝ પહેલા જ કર્યો કરોડોનો બિઝનેસ, 155 કરોડમાં વેચાયા ડિજિટલ રાઇટ્સ!

Dunki : વર્ષની સૌથી મોટી બ્લોકબસ્ટર પઠાણ બાદ હવે શાહરુખ ખાનની આગામી ફિલ્મને લઈ સૌ કોઈ રાહ જોઈ રહ્યા છે. શાહરુખ ખાન 2 મોટા બજેટ વાળા પ્રોજકેટ પર કામ કરી રહ્યા છે. જેમાં પ્રથમ ફિલ્મ છે જવાન જે 7 સપ્ટેમ્બરના રોજ સિનેમાઘરોમાં રિલીઝ થશે. તેની બીજી ફિલ્મ છે ડંકી, જેમાં શાહરુખ ખાન અને રાજકુમાર હિરાણી એક સાથે કામ કરતા જોવા મળશે. આ ફિલ્મ ક્રિસમસ અને નવા વર્ષે રિલીઝ થશે.

આ પણ વાંચો : Viral Video : અક્ષય કુમારે શેર કર્યો એક ખાસ વીડિયો, કેપ્શને જીત્યું ફેન્સનું દિલ

આ ફિ્લ્મની અત્યાર સુધીની સૌથી મોટી ડીલ

રિપોર્ટ અનુસાર ડંકીએ રિલીઝ પહેલા જ 155 કરોડ રુપિયા કમાઈ લીધા છે. માનવામાં આવી રહ્યું છે કે, ફિલ્મના ઓટીટી રાઈટ્સ મુકેશ અંબાણીની રિલાયન્સ JioCinemaને તગડી રકમમાં વેંચી નાંખ્યા છે. અહેવાલોનું માનીએ તો માત્ર એક જ ભાષમાં રિલીઝ થનારી આ ફિ્લ્મની અત્યારસુધીની સૌથી મોટી ડીલ છે. તેની પાછળ શાહરુખ ખાન અને રાજકુમાર હિરાણીની સાથે આવવાનું કારણ માનવામાં આવી રહ્યું છે.

View this post on Instagram

A post shared by Shah Rukh Khan (@iamsrk)

(Shah Rukh Khan: Instagram)

રિપોર્ટનું માનીએ તો 2 મોટા સેલિબ્રિટી જ્યારે સાથે આવશે તો તે પળ શાનદાર હશે. આ ફિલ્મને લઈ અંદાજો લગાવવામાં આવી રહ્યો છે કે, ડંકી બોક્સ ઓફિસ પર તમામ રેકોર્ડ તોડી નાંખશે. ડંકીથી રાજકુમાર હિરાણી 5 વર્ષ બાદ નિર્દેશનમાં પરત ફરી રહ્યો છે. આ પહેલા તેમણે સંજય દત્તની સાથે મુન્ના ભાઈ એમબીબીએસ, લગે રહો મુન્ના ભાઈ, આમિર ખાનની સાથે 3 ઈડિયટ્સ અને પીકે અને રણબીર કપૂર સાથે સંજુ જેવી બ્લોકબસ્ટર ફિલ્મો આપી છે.

આ પણ વાંચો : Tom Cruise Hindi : ટોમ ક્રૂઝને પરફેક્ટ હિન્દી બોલતા જોઈને ફેન્સ થયા ઇમ્પ્રેસ, Video થયો Viral

ટુંક સમયમાં જ મેકર્સ ફિલ્મનું ટ્રેલર રિલીઝ કરશે

રાજકુમાર હિરાણીની ફિલ્મ હંમેશા એક સામાજીક સંદેશ આપે છે. એવું માનવામાં આવી રહ્યું છે કે, ડંકી સાથે પણ તે કાંઈ અલગ જ કરતો જોવા મળશે. તો શાહરુખ ખાનની જવાન અવાર નવાર ચર્ચામાં રહે છે. ટુંક સમયમાં જ મેકર્સ ફિલ્મનું ટ્રેલર રિલીઝ કરશે. ત્યારે આને લઈ ચાહકોમાં પહેલાથી જ ઉત્સાહ જોવા મળી રહ્યો છે. શાહરુખ ખાનના ચાહક પઠાણ બાદ તેની આગામી બ્લોકબસ્ટર ફિલ્મ પર નજર રાખીને બેઠા છે.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો