Cyber Fraud: ફિલ્મ નિર્માતા બોની કપૂરના ક્રેડિટ કાર્ડનો થયો દુરુપયોગ, ગુમાવ્યા આટલા રૂપિયા
પોલીસ અધિકારીઓને શંકા હતી કે કોઈ સમયે બોની કપૂરે (Boney Kapoor) કાર્ડનો ઉપયોગ કર્યો હશે, તે સમયે કોઈએ તેનો ડેટા મેળવી લીધો હશે. પોલીસને માહિતી મળી છે કે આ પૈસા બોની કપૂરના કાર્ડમાંથી ગુરુગ્રામની એક કંપનીના ખાતામાં ગયા છે.
ફિલ્મ નિર્માતા બોની કપૂરના (Boney Kapoor) ક્રેડિટ કાર્ટનો ઉપયોગ કરીને લગભગ 4 લાખ રૂપિયાની છેતરપિંડી (Fraud Transaction) કરવામાં આવી છે. ફરિયાદ મુજબ 9 ફેબ્રુઆરીએ બોની કપૂરના ખાતામાંથી 5 છેતરપિંડીના વ્યવહારો દ્વારા 3.82 લાખ રૂપિયા ટ્રાન્સફર કરવામાં આવ્યા હતા. આ અંગે બુધવારે મુંબઈના અંબોલી પોલીસ સ્ટેશનમાં આઈટી એક્ટની કલમો હેઠળ ફરિયાદ નોંધવામાં આવી છે.
ફિલ્મ નિર્માતા બોની કપૂર સાયબર ફ્રોડનો શિકાર બન્યા
બોની કપૂરના કહેવા પ્રમાણે તેમને ખબર પડી કે તેમના બેંક ખાતામાંથી પૈસા ઉપાડી લેવામાં આવ્યા છે, જેના વિશે તેમણે બેંકમાં પૂછપરછ કરી અને ત્યારબાદ તેમણે પોલીસને લેખિત ફરિયાદ પણ કરી. જાહ્નવી કપૂરના પિતા બોની કપૂરે પોલીસને જણાવ્યું કે ન તો કોઈએ તેમની પાસેથી ક્રેડિટ કાર્ડની માહિતી માંગી અને ન તો તેમને આ સંબંધમાં કોઈનો ફોન આવ્યો. પોલીસ અધિકારીઓને શંકા હતી કે કોઈ સમયે બોની કપૂરે કાર્ડનો ઉપયોગ કર્યો હશે, તે સમયે કોઈએ તેનો ડેટા મેળવી લીધો હશે. પોલીસને માહિતી મળી છે કે આ પૈસા બોની કપૂરના કાર્ડમાંથી ગુરુગ્રામની એક કંપનીના ખાતામાં ગયા છે.
બોની કપૂર બોલિવૂડના મોટા ફિલ્મ નિર્માતા છે. હાલમાં જ તેણે સાઉથના સુપરસ્ટાર થાલા અજિતની ફિલ્મ ‘વલીમાઈ’નું નિર્માણ કર્યું હતું. જો કે, આ ફિલ્મ બોક્સ ઓફિસ પર કંઈ ખાસ બતાવી શકી ન હતી, પરંતુ અજિતની એક્ટિંગને લોકોએ ખૂબ વખાણી હતી. આ પહેલા બોનીએ મિસ્ટર ઈન્ડિયા, નો એન્ટ્રી, જુદાઈ, વોન્ટેડ સહિત ઘણી ફિલ્મો બનાવી છે અને શ્રીદેવીની છેલ્લી ફિલ્મ ‘મોમ’ પણ હતી.
બોની કપૂર લવ રંજનની ફિલ્મથી બોલિવૂડમાં ડેબ્યૂ કરશે
બોની કપૂર ટૂંક સમયમાં લવ રંજનની ફિલ્મમાં જોવા મળશે. આ ફિલ્મમાં તે રણબીર કપૂરના પિતાની ભૂમિકામાં જોવા મળશે. આ ઉપરાંત બોની કપૂરની પણ આ ડેબ્યુ ફિલ્મ હશે. આ ફિલ્મમાં રણબીર કપૂર સાથે શ્રદ્ધા કપૂર પણ જોવા મળશે. બોની પહેલીવાર કોઈ ફિલ્મમાં કામ કરવા જઈ રહ્યા છે. તે આ ફિલ્મને લઈને ખૂબ જ ઉત્સાહિત છે, પરંતુ તેના બાળકો જાહ્નવી કપૂર, ખુશી કપૂર, અંશુલા કપૂર અને અર્જુન કપૂર તેના કરતાં વધુ ઉત્સાહિત છે. બોની કપૂરને લોકોએ અત્યાર સુધી ફિલ્મો બનાવતા જોયા છે, પરંતુ તે પહેલીવાર તેને પડદા પર પિતાના રોલમાં જોવા મળશે, જે તેના માટે પણ કોઈ સરપ્રાઈઝથી ઓછું નહીં હોય.
Latest News Updates
