Aryan Khan Case: 3000 પાનાના રિપોર્ટમાં ઘણા સવાલો, અધિકારીઓ પર થશે કાર્યવાહી
મીડિયા રિપોર્ટ્સ અનુસાર હવે SIT (સ્પેશિયલ ઇન્વેસ્ટિગેશન ટીમ)એ આ તપાસમાં કેટલાક અધિકારીઓના ધ્યાન પર સવાલ ઉઠાવ્યા છે. આર્યન ખાનને નાર્કોટિક્સ કંટ્રોલ બ્યુરોએ મુંબઈના ક્રૂઝ ટર્મિનલ પરથી ધરપકડ કરી હતી.
હવે આર્યન ખાન ડ્રગ કેસમાં (Aryan Khan Case) NCB અધિકારીઓની તપાસ પર સવાલો ઉઠી રહ્યા છે. એનસીબીના સૂત્રો પાસેથી મળેલી માહિતી અનુસાર કોડ્રિલિયા ડ્રગ્સ કેસની તપાસમાં એનસીબી દ્વારા રચાયેલી એસઆઈટીએ 3000 પાનાનો પોતાનો રિપોર્ટ NCB ડીજીને સોંપ્યો છે. શાહરૂખ ખાનના પુત્ર આર્યન (Aaryan Khan) સાથે જોડાયેલો આ કિસ્સો આખા વર્ષ દરમિયાન ઘણી ચર્ચામાં રહ્યો હતો. મીડિયા રિપોર્ટ્સ અનુસાર હવે SIT (સ્પેશિયલ ઇન્વેસ્ટિગેશન ટીમ)એ આ તપાસમાં કેટલાક અધિકારીઓના ધ્યાન પર સવાલ ઉઠાવ્યા છે. આર્યન ખાનને નાર્કોટિક્સ કંટ્રોલ બ્યુરોએ મુંબઈના ક્રૂઝ ટર્મિનલ પરથી ધરપકડ કરી હતી. NCBએ આ કેસમાં SITની રચના કરી હતી. SIT ટીમ દ્વારા કરવામાં આવેલા રિપોર્ટમાં લખવામાં આવ્યું છે કે આર્યન ખાન કેસમાં અનિયમિતતા દેખાઈ રહી છે.
શરૂ થઈ કાર્યવાહી
આ રિપોર્ટમાં એવું પણ લખવામાં આવ્યું છે કે NCBએ 65 લોકોના નિવેદન નોંધ્યા છે, પરંતુ આમાંથી કેટલાક લોકોએ 3થી 4 વખત પોતાના નિવેદન બદલ્યા છે. કહેવામાં આવી રહ્યું છે કે આ સમગ્ર મામલાને લઈને ડિટેલ રિપોર્ટ દિલ્હી મોકલી દેવામાં આવ્યો છે. આ રિપોર્ટમાં કેટલાક લોકો સામે માત્ર સિલેક્ટિવ હોવાની વાત પણ લખવામાં આવી છે. એનસીબીના 7 જેટલા અધિકારીઓની ભૂમિકા પર સવાલો ઉભા થયા છે. સૂત્રોનું માનીએ તો NCBમાં કામ કરતા અધિકારીઓ સામે ખાતાકીય કાર્યવાહીની ભલામણ આ રિપોર્ટમાં કરવામાં આવી છે અને તેની શરૂઆત થઈ ચૂકી છે. તે જ સમયે જે અધિકારીઓ હાલમાં અન્ય એજન્સીઓ સાથે પ્રતિનિયુક્તિ પર જોડાયેલા છે, તેમના અહેવાલો તેમના સંવર્ગના વડાઓને આપવામાં આવ્યા છે, જેથી તેઓ યોગ્ય કાર્યવાહી કરી શકે.
આર્યન ખાનને મળી હતી ક્લીનચીટ
તમને જણાવી દઈએ કે શાહરૂખ ખાનના પુત્ર આર્યનને NCBએ આ ડ્રગ્સ કેસમાં ક્લીનચીટ આપી હતી. આર્યનને ક્લીનચીટ મળ્યા બાદ હવે આ કેસની તપાસમાં સામેલ અધિકારીઓ સામે કાર્યવાહી કરવાના આદેશ સરકાર દ્વારા આપવામાં આવ્યા છે. આ કેસમાં આર્યનને 22 દિવસ જેલમાં પસાર કરવા પડ્યા હતા. 22 દિવસ બાદ તેને જામીન મળી ગયા હતા.
જો સૂત્રોનું માનીએ તો આ અહેવાલ NCB માટે અરીસો દર્શાવવા જઈ રહ્યો છે, જેમાં આખરે NCBની મીડિયા નીતિના કાર્યપ્રવાહમાં ફેરફારો સૂચવવામાં આવ્યા છે. આર્યન ખાનને NCBએ થોડા દિવસ પહેલા ડ્રગ કેસમાંથી નિર્દોષ જાહેર કર્યો હતો. પ્રભાકર સેલે, જે તે સમયે તેના કેસમાં સાક્ષી હતા, તેણે NCB સામે બોલિવૂડ અભિનેતા શાહરૂખ પર તેના પુત્રને છોડાવવા માટે ખંડણી માંગવાનો આરોપ મૂક્યો હતો. એવો પણ આક્ષેપ કરવામાં આવ્યો હતો કે NCB અધિકારીઓ કઈ રીતે કેટલાક લોકોને પોતાની સાથે જોડીને આ આયોજન કરી રહ્યા હતા.
આર્યનને સોશિયલ મીડિયાથી રહે છે દૂર
આર્યન જેલમાંથી છૂટ્યા બાદ સોશિયલ મીડિયાથી દુર થઈ ગયો છે. શાહરૂખ ખાન પણ મીડિયાથી પણ દૂર રહેતો હતો, જોકે, હવે ક્લીનચીટ મળ્યા બાદ ખાન પરિવાર ફરી એકવાર ચર્ચામાં આવી ગયો છે. ટૂંક સમયમાં આર્યન બોલીવુડની દુનિયામાં પદાર્પણ કરવા જઈ રહ્યો છે. શાહરૂખ ખાનની પુત્રી સુહાના પણ અભિનય ક્ષેત્રે ડેબ્યુ કરતી જોવા મળશે.
Latest News Updates
