Year Ender 2021: આ સેલેબ્સે 2021માં બંધાયા લગ્નગ્રંથીથી, કેટરીના-વિક્કીથી લઈને વરુણ-નતાશા સુધી છે લિસ્ટમાં સામેલ
Year Ender 2021: 2021માં ઘણા એવા બૉલીવુડ-ટેલિવિઝન સેલેબ્સ છે જેઓ લગ્નગ્રંથિથી જોડાયા છે.
લગ્ન એ સાત ફેરાથી બંધાયેલ અતૂટ બંધન છે. જે પ્રેમ, સાથ અને વિશ્વાસ પર જીવનભર ટકે છે. લગ્નએ કોઈપણ વ્યક્તિ માટે જીવનની સૌથી યાદગાર ક્ષણો પૈકી એક હોય છે. વર્ષ 2021ની શરૂઆત કોરોના મહામારીની બીજી લહેર સાથે થઈ હતી. પરંતુ વર્ષના છેલ્લા કેટલાક મહિનાઓ ઘણા સેલેબ્સ માટે ખુશીઓ લઈને આવ્યા હતા. આ વર્ષે ટીવી અને ફિલ્મ જગતના ઘણા સ્ટાર્સે લગ્ન કરીને પોતાના જીવનની નવેસરથી શરૂઆત કરી છે. અહીં અમે તમને એવા તમામ સ્ટાર્સ વિશે જણાવવા જઈ રહ્યા છીએ જેઓ વર્ષ 2021માં લગ્નના બંધનમાં બંધાઈ ચુક્યા છે.
અંકિતા લોખંડે અને વિક્કી જૈન
ટીવી અભિનેત્રી અંકિતા લોખંડેએ તેના બોયફ્રેન્ડ વિક્કી જૈન સાથે 14 ડિસેમ્બર 2021ના રોજ લગ્ન કર્યા હતા. અંકિતા અને વિક્કી છેલ્લા 3 વર્ષથી રિલેશનશિપમાં હતા. આ કપલે મુંબઈની ‘ગ્રાન્ડ હયાત’ હોટલમાં શાહી અંદાજમાં લગ્ન કર્યા હતા. તેના લગ્ન સ્થળની સજાવટથી લઈને બ્રાઈડલ એન્ટ્રી અને અભિનેત્રીના લુક સુધી બધું જ એકદમ રોયલ હતું. તેના ખાસ દિવસે અભિનેત્રીએ ડિઝાઇનર મનીષ મલ્હોત્રા દ્વારા ડિઝાઇન કરેલો ગોલ્ડન લહેંગા પહેર્યો હતો. જેને બનાવવામાં 16 કલાકનો સમય લાગ્યો હતો. તે જ સમયે વિક્કી જૈન પણ ક્રીમ રંગની શેરવાનીમાં ખૂબ જ સુંદર લાગતો હતો.
રાહુલ વૈદ્ય અને દિશા પરમાર ટીવી ઈન્ડસ્ટ્રીના પાવર કપલ રાહુલ વૈદ્ય અને દિશા પરમારે 16 જુલાઈ 2021ના રોજ લગ્ન કર્યા હતા. રાહુલ અને દિશાએ મુંબઈની ગ્રાન્ડ હયાત હોટલમાં લગ્ન કર્યા હતા. બંને એક મ્યુઝિક આલ્બમના કારણે એકબીજાને મળ્યા હતા. પરંતુ ‘બિગ બોસ 14’ ના ઘરમાં તેનાથી દૂર રહીને દિશા માટે રાહુલના પ્રેમનો અહેસાસ થયો હતો. ‘બિગ બોસ’ ના ઘરમાંથી બહાર આવ્યા બાદ બંનેએ એકબીજાને ડેટ કરવાનું શરૂ કર્યું હતું.
વરુણ ધવન અને નતાશા દલાલ બોલિવૂડ એક્ટર વરુણ ધવન અને નતાશા દલાલે 24 જાન્યુઆરી 2021ના રોજ લગ્ન કર્યા હતા. બંને લાંબા સમયથી એકબીજાને ડેટ કરી રહ્યાં હતાં. આ કપલના લગ્ન અલીબાગના ‘ધ મેન્શન હાઉસ’ માં કરવામાં આવ્યા હતા અને ફિલ્મ ઈન્ડસ્ટ્રીના ખાસ સ્ટાર્સ પણ તેમના લગ્નમાં સામેલ થયા હતા. લગ્ન બાદ વરુણે પોતાના અને નતાશાના લગ્નની તસવીર પોતાના ઈન્સ્ટાગ્રામ હેન્ડલ પર શેર કરી અને કેપ્શનમાં લખ્યું, ‘જીવનનો પ્રેમ હવે ઓફિશિયલ થયો છે.’
દિયા મિર્ઝા અને વૈભવ રેખી બોલિવૂડની પ્રખ્યાત અભિનેત્રી દિયા મિર્ઝાએ તેના બોયફ્રેન્ડ અને બિઝનેસમેન વૈભવ રેખી સાથે 15 ફેબ્રુઆરી 2021ના રોજ લગ્ન કર્યા હતા. લગ્નમાં કપલના માત્ર નજીકના મિત્રો, સંબંધીઓ અને પરિવારના સભ્યોએ જ હાજરી આપી હતી. અભિનેત્રી વર્ષ 2021માં જ પુત્ર અવયાનની માતા બની હતી અને હવે તે પોતાના પરિવાર સાથે આનંદ માણી રહી છે.
નીલ ભટ્ટ અને ઐશ્વર્યા શર્મા ‘ગમ હૈ કિસી કે પ્યાર મેં’ ફેમ નીલ ભટ્ટે તેની કો-સ્ટાર ઐશ્વર્યા શર્મા સાથે 30 નવેમ્બર 2021ના રોજ લગ્ન કર્યા હતા. બંનેના લગ્ન ઉજ્જૈનમાં થયા હતા. બંનેના લગ્નની તસવીરો સોશિયલ મીડિયા પર જોરદાર વાયરલ થઈ હતી. તેણીના ખાસ દિવસે જ્યાં અભિનેત્રીએ પરંપરાગત લાલ બાંધણી લહેંગા પહેર્યો હતો. નીલે સફેદ ધોતી અને કુર્તા પહેર્યા હતા. માથા પર પાઘડી બાંધી હતી.
યામી ગૌતમ અને આદિત્ય ધર
બોલિવૂડ એક્ટ્રેસ યામી ગૌતમે તેની ફિલ્મ ‘ઉરીઃ ધ સર્જિકલ સ્ટ્રાઈક’ના દિગ્દર્શક આદિત્ય ધર સાથે 4 જૂન 2021ના રોજ ગુપ્ત રીતે લગ્ન કર્યા હતા. તે લગભગ ત્રણ વર્ષથી આદિત્યને ડેટ કરી રહી હતી. ડેટિંગના આનંદ માણ્યા પછી યામીએ હિમાચલ પ્રદેશમાં તેના હોમટાઉનમાં ખૂબ જ સાદગીપૂર્ણ રીતે લગ્ન કર્યા. યામીએ પોતાની એક ઈન્સ્ટાગ્રામ પોસ્ટ દ્વારા તસવીરો શેર કરીને પોતાના લગ્ન વિશે જણાવ્યું હતું. આ કપલના લગ્નની તસવીરો સોશિયલ મીડિયા પર વાયરલ થઈ હતી. તેનો પરંપરાગત અવતાર પણ ફેન્સને ઘણો પસંદ આવ્યો હતો.
શ્રદ્ધા આર્ય અને રાહુલ નાગલ
લોકપ્રિય ટીવી સિરિયલ ‘કુંડલી ભાગ્ય’ ફેમ એક્ટ્રેસ શ્રદ્ધા આર્યાએ 16 નવેમ્બર 2021 ના રોજ નેવી ઓફિસર રાહુલ નાગલ સાથે લગ્ન કર્યાં. લગ્નના થોડા દિવસો પહેલા બંને એકબીજાને ડેટ કરી રહ્યા હતા. શ્રદ્ધાનો પતિ રાહુલ દિલ્હીનો રહેવાસી છે.
શિરીન મિર્ઝા અને હસન સરતાજ યે હૈ મોહબ્બતેં ફેમ અભિનેત્રી શિરીન મિર્ઝાએ તેના બોયફ્રેન્ડ હસન સરતાજ સાથે 23 ઓક્ટોબર 2021ના રોજ લગ્ન કર્યા હતા. શિરીન અને હસન તેમના લગ્ન પહેલા કેટલાક મહિનાઓ સુધી એકબીજાને ડેટ કરી રહ્યા હતા. બંનેએ જયપુરમાં ધામધૂમથી લગ્ન કર્યા. ટીવી ઈન્ડસ્ટ્રી સાથે જોડાયેલા કેટલાક ખાસ મિત્રોએ પણ તેના લગ્નમાં હાજરી આપી હતી. શિરીનનો પતિ હસન સરતાજ દિલ્હીનો રહેવાસી છે.
રાજકુમાર રાવ અને પત્રલેખા
બોલિવૂડ એક્ટરે રાજકુમાર રાવ અને તેની લાંબા સમયની ગર્લફ્રેન્ડ અને અભિનેત્રી પત્રલેખાએ 15 નવેમ્બર 2021 ના રોજ લગ્ન કર્યા હતા. બંને 11 વર્ષથી એકબીજા સાથે રિલેશનમાં હતા. આ કપલ તેમના અદ્ભુત બોન્ડિંગને કારણે ફેન્સ દ્વારા ખૂબ જ પસંદ કરવામાં આવે છે. રાજકુમાર અને પત્રલેખાના લગ્નના ફોટા સોશિયલ મીડિયા પર વાયરલ થયા હતા.
વિક્કી કૌશલ અને કેટરીના કૈફ બોલીવુડની જાણીતી એક્ટ્રેસ કેટરિના કૈફ અને અભિનેતા વિક્કી કૌશલે 9 ડિસેમ્બર 2021 ના રોજ રાજસ્થાનના સિક્સ સેન્સ ફોર્ટમાં શાહી શૈલીમાં લગ્ન કર્યા. મીડિયા રિપોર્ટ્સ અનુસાર આ કપલ ઘણા સમયથી એકબીજાને ડેટ કરી રહ્યા હતા. બંનેએ સિક્રેટ સ્ટાઈલમાં લગ્ન કર્યા હતા, જેમાં તેમના પરિવારના અમુક જ સભ્યો અને નજીકના મિત્રોએ હાજરી આપી હતી. પરંતુ બાદમાં કપલે તેમના સોશિયલ મીડિયા પર તેમના લગ્નના ફોટા પોસ્ટ કર્યા હતા. જેને તેમના ફેન્સ દ્વારા ખૂબ જ પસંદ કરવામાં આવ્યા હતા. લગ્ન પછી વિક્કી અને કેટરિનાએ તેમના પ્રી-વેડિંગ અને પોસ્ટ-વેડિંગ રિવાજોની ઝલક પણ ચાહકો સાથે શેર કરી હતી.
આ પણ વાંચો : Year Ender 2021 : અમેરિકાથી લઈને કુવૈત અને ઈન્ડોનેશિયા સુધી આ વર્ષે મહિલાઓએ હાંસલ કરી અનેરી સિદ્ધિ
આ પણ વાંચો : સુન્ની વક્ફ બોર્ડે કહ્યું, “બેટ દ્વારકાના બે ટાપુ અમારા”, હાઈકોર્ટે અરજી ફગાવી લગાવી ફટકાર
Latest News Updates
