Bigg Boss 14 : Salman Khan વિકેન્ડ કા વારમાં ન જોવા મળ્યા, Sonali Phogat શોમાંથી બહાર નીકળી ગઈ
બિગ બોસ 14 ની વિકેન્ડ વારના આ સપ્તાહના એપિસોડમાં સ્પર્ધકો માટે ખરાબ સમાચાર આવ્યા છે, કારણ કે આ અઠવાડિયા માટેનો એલિમિનેશનનો સમય હતો. જો કે શોના હોસ્ટ સલમાન ખાન આ વીક એન્ડમાં દેખાયા ન હતા.
બિગ બોસ 14 ની વિકેન્ડ વારની આ સપ્તાહના એપિસોડમાં સ્પર્ધકો માટે ખરાબ સમાચાર આવ્યા છે કારણ કે આ અઠવાડિયા માટેનો એલિમિનેશનનો સમય હતો. જોકે શોના હોસ્ટ સલમાન ખાન આ વીકએન્ડમાં દેખાયા ન હતા, તેમ છતાં શોમાં આવેલા મહેમાનોએ સ્પર્ધકો સાથે વાતચીત કરી હતી. ગત સીઝનના વિજેતા સિદ્ધાર્થ શુક્લાએ પણ કેટલીક ઘટનાઓ માટે કન્ટેસ્ટન્ટની ખબર લીધી હતી.
સિદ્ધાર્થે દરેક સ્પર્ધક માટે પ્રેક્ષકોનો ફોન લીધો અને પછી કોલર દ્વારા ઉભા કરવામાં આવતા મુદ્દાઓ પર સવાલ કર્યા. એક કોલરે રાહુલ વૈદ્યને સમજાવવા કહ્યું કે તે શા માટે વારંવાર અભિનવ શુક્લાને મર્દ બનવાનું કહે છે. તેના જવાબમાં રાહુલે કહ્યું, “અભિનવ પાછળથી ઉશ્કેરવાનો પ્રયત્ન કરે છે. ખાસ કરીને સોનાલી ફોગટ જીને, તેથી મને લાગે છે કે જે વ્યક્તિ પાછળથી વાત કરે છે તે મર્દ ન હોઈ શકે.”
સલમાને અગાઉ કર્યું તેમ સિદ્ધાર્થે અભિનવને પત્ની રુબીના દિલાઇક વતી લડવાનું ટાળવાની સલાહ પણ આપી હતી. બીજી એક રસપ્રદ ઘટનામાં, મહેમાન તરીકે શોમાં આવેલા હર્ષ લિંબાચિયાએ દાવો કર્યો હતો કે જાસ્મિન ભસીન અલી ગોનીની રીંગનું સાઇઝ શોધવા માંગતી હતી. આ પછી, વિકાસ ગુપ્તાના સૂચનો પર, અલીએ તેની વીંટી કાઢી અને હર્ષને આપી. ટાસ્ક દરમિયાન, વિકાસ એ એમ પણ કહ્યું હતું કે તે અભિનવ સાથે તેની તુલના કરવાથી રાખીથી ઘણો નારાજ હતો. રાખી પણ નારાજ હતી પણ બાદમાં તેણે સમાધાન કરી લીધું હતું.
શોના મહેમાનો ઘરની બહાર જતા પહેલા સોનાલી ફોગાટની એલિમિનેશનની ઘોષણા કરવામાં આવી હતી. ત્યારબાદ તેણે ઘરની બહાર જતી વખતે અલી માટે ગીત ગાયું હતું.