Big News: Salman Khanએ લીધુ ભાડા પર ડુપ્લેક્સ, ભાડું જાણીને દંગ રહી જશે ચાહકો
સલમાન ખાન સાથે જોડાયેલા સમાચાર જાણવા માટે ચાહકો હંમેશા આતુર હોય છે. આવી સ્થિતિમાં, તાજેતરમાં સમાચાર આવ્યા છે કે અભિનેતાએ ડુપ્લેક્સ માટે રેન્ટ એગ્રીમેન્ટ ફાઈનલ કર્યું છે.
બોલિવૂડ સુપરસ્ટાર સલમાન ખાન (Salman Khan) હંમેશા તેમના ચાહકોમાં છવાયેલા રહે છે. લાંબા સમયથી સલમાન ફિલ્મો દ્વારા પોતાના ચાહકોનું મનોરંજન કરી રહ્યા છે. આટલા મોટા સુપરસ્ટાર બન્યા પછી પણ સલમાન બાંદ્રામાં ગેલેક્સી એપાર્ટમેન્ટમાં તેમના પરિવાર સાથે રહે છે, પરંતુ તેમની મુંબઈમાં ઘણી મિલકતો છે. એક અંગ્રેજી અખબારના સમાચાર અનુસાર હવે સલમાન ખાન નવું ઘર લેવા જઈ રહ્યા છે. સમાચાર અનુસાર તાજેતરમાં સલમાન ખાને તેમના બાંદ્રાના ઘરની નજીક એક ડુપ્લેક્સ માટે રેન્ટ એગ્રીમેન્ટ ફાઈનલ કર્યું છે.
સલમાન ખાને મકાન ભાડે લીધુ
તમામ સુવિધાઓથી ભરપૂર સલમાન ખાનનું ડુપ્લેક્સ ખૂબ જ ખાસ હશે. આ માટે તેઓ એક મહિનામાં 8.25 લાખ રૂપિયા (Salman Khan Duplex Rent) ચૂકવશે. હા, રિપોર્ટ અનુસાર, સલમાન ખાન દર મહિને 8 લાખથી વધુ ભાડું ચૂકવશે.
સમાચાર અનુસાર સલમાન ખાન વેન્ચર્સ પ્રાઈવેટ લિમિટેડે બાંદ્રામાં મક્બા હાઈટ્સના 17માં અને 18માં માળે ડુપ્લેક્સ માટે ભાડા કરાર રિન્યુ કર્યો છે. એવું કહેવામાં આવી રહ્યું છે કે આ પ્રોપર્ટીના માલિક બાબા સિદ્દીકી અને ઝીશાન સિદ્દીકી છે. તમને જણાવી દઈએ કે સલમાન ખાનનો પણ બાબા સિદ્દીકી સાથે ખૂબ જ સારો સંબંધ છે.
એવું કહેવામાં આવી રહ્યું છે કે સલમાને આ ઘર લગભગ એક વર્ષ માટે જ ભાડે લીધું છે. વાસ્તવમાં સલમાન ખાને તેમના ફર્મ માટે કામ કરતા લેખકના પેડ તરીકે ઉપયોગ કરવા માટે લીધુ છે. સલમાન હજુ પણ તેના માતા -પિતા સાથે રહે છે.
અંતિમને લઈને છવાયેલા છે સલમાન
હાલમાં સલમાન ખાન તેમની આગામી ફિલ્મ ‘અંતિમ: ધ ફાઈનલ ટ્રુથ’ (Antim: The Final Truth)માં વ્યસ્ત છે. તાજેતરમાં જ આ ફિલ્મની રિલીઝ ડેટ જાહેર કરવામાં આવી હતી. મહેશ માંજરેકર (Mahesh Manjrekar) આ ફિલ્મનું નિર્દેશન કરવા જઈ રહ્યા છે.
અંતિમ ફિલ્મ 26 નવેમ્બર, 2021ના રોજ રિલીઝ થશે. આ ફિલ્મમાં સલમાન ખાન(Salman Khan)ના સાથે બનેવી આયુષ શર્મા (Aayush Sharma) પણ છે. આ ફિલ્મ બોક્સ ઓફિસ પર જોન અબ્રાહમ (John Abraham)ની ફિલ્મ ‘સત્યમેવ જયતે 2’ (Satyameva Jayate 2) સાથે સીધી ટક્કર કરશે.
આ સિવાય તે ટાઈગર 3 (Tiger 3)ના શૂટિંગમાં પણ વ્યસ્ત છે. તાજેતરમાં જ તેઓ ટાઈગર 3નું શૂટિંગ કરીને પાછા આવ્યા છે. હવે ફિલ્મના બાકીના ભાગનું શૂટિંગ મુંબઈમાં કરવામાં આવશે. આ ફિલ્મમાં સલમાન ખાન ઉપરાંત કેટરીના કૈફ (Katrina Kaif) પણ જોવા મળશે. સલમાન ખાન પાસે ‘કભી ઈદ કભી દિવાળી’ (Kabhi Eid Kabhi Diwali) અને ‘કિક 2’ (Kick 2) ફિલ્મો પણ છે.
આ પણ વાંચો:- Katrina Kaif સાથે સગાઈના સમાચાર પર વિક્કી કૌશલે તોડ્યું મૌન, જાણો શું કહ્યું