Kerala Assembly Election Result 2021: પલક્કડ બેઠક પરથી મેટ્રો મેન ઇ. શ્રીધરનની હાર, કોંગ્રેસના શફી પરમબિલની જીત

Kerala Assembly election Result 2021 : કેરળની પલક્કડ બેઠક પરથી ભાજપના ઇ. શ્રીધરનની હાર થઈ છે. જેમાં મેટ્રો પ્રોજેક્ટ્સની ગતિને કારણે મેટ્રો મેન તરીકે ઓળખાતા શ્રીધરન માટે રાજકીય પ્રયોગ સફળ રહ્યો નથી. આ વખતે કેરળમાં ભાજપે ચૂંટણી પ્રચારમાં ઘણો ભાર મૂક્યો હતો.

  • tv9 webdesk33
  • Published On - 17:22 PM, 2 May 2021
Kerala Assembly Election Result 2021: પલક્કડ બેઠક પરથી મેટ્રો મેન ઇ. શ્રીધરનની હાર, કોંગ્રેસના શફી પરમબિલની જીત
Metro Man E Sreedharan loses in Palakkad in Kerala ( File Photo)

Kerala ની પલક્કડ બેઠક પરથી ભાજપના ઇ. શ્રીધરનની હાર થઈ છે. મેટ્રો મેન તરીકે ઓળખાતા શ્રીધરન માટે રાજકીય પ્રયોગ સફળ રહ્યો નથી. આ વખતે કેરળમાં ભાજપે ચૂંટણી પ્રચારમાં ઘણો ભાર મૂક્યો હતો. Kerala માં મુખ્ય હરિફાઈ કોંગ્રેસના નેતૃત્વવાળી યુડીએફ અને ડાબેરી મોરચાના એલડીએફ વચ્ચે હતી. જો કે, આ વખતે ભાજપે પણ આ રાજ્યમાં ઘણો ભાર મૂક્યો છે. જેમાં પીએમ મોદી અને ગૃહ પ્રધાન અમિત શાહ સહિતના ભાજપે રાજ્યમાં પ્રચાર માટે ઘણા કેન્દ્રીય મંત્રીઓને મોકલ્યા હતા. વર્ષ 2016 માં ભાજપને કેરળમાં 1 બેઠક મળી હતી.

આ વખતે Kerala માં ભાજપને એક્ઝિટ પોલમાં 1 થી 5 બેઠકો મળવાનું અનુમાન હતું. જેમાં એક બેઠક પલક્કડ પણ હતી. અહીંથી ભાજપે ચૂંટણીમાં ઇ. શ્રીધરનને મેદાનમાં ઉતાર્યા હતા. તેમજ મેટ્રો જેવી ગતિએ કેરળને વિકાસના રસ્તે આગળ વધારવાનું વચન આપનાર ઈ શ્રીધરન પ્રથમ વખત ચૂંટણી લડયા હતા. તેમની વિરુદ્ધ કોંગ્રેસના શફી પરંબિલ હતા. વર્ષ 2016માં તેમણે ચૂંટણી ભાજપના શોભા સુરેન્દ્રનને હરાવ્યા હતા. શફી પરમબિલને 2016 માં આ બેઠક પર 41.77 ટકા મતો મળ્યા હતા.