Gujarat Election 2022: વર્ષ 2002થી આ બેઠક પર છે ભાજપનો દબદબો, આ વખતે કેવા હશે સત્તાના સમીકરણ, જાણો સાબરમતીના મતદારોનો મિજાજ
સાબરમતી બેઠકના રાજકીય ઈતિહાસ પર નજર કરીએ તો અહીં વર્ષ 1962થી 2017 સુધી 12 વખત ચૂંટણી (Election) યોજાઈ હતી. વર્ષ 1995માં પ્રથમવાર ભાજપે સત્તાનો સ્વાદ ચાખ્યો હતો. આટલા વર્ષોમાં 6 વખત ભાજપ અને 3 વખત કોંગ્રેસ જીતી હતી. 1990 સુધી સાબરમતીની બેઠક ઉપર કોંગ્રેસનો દબદબો રહ્યો હતો.
ગુજરાત વિધાનસભા ચૂંટણી જાહેર થઈ ગઈ છે ત્યારે, દરેક રાજકીય પાર્ટી પ્રચાર અને પ્રસાર થકી મતદારોને રીઝવી રહી છે, ત્યારે TV9ની વિશેષ રજૂઆતમાં વાત એક એવી વિધાનસભા બેઠકની વાત કરીએ જ્યાં એક સમયે કોંગ્રેસની સત્તા હતી, પરંતુ છેલ્લા કેટલાય વર્ષોથી ભાજપનો દબદબો છે. અમદાવાદ જિલ્લાની સાબરમતી વિધાનસભા બેઠક ઉપર વર્ષ 2002થી ભાજપનો દબદબો છે વર્ષ 2002થી 2017 સુધી અહીં ભાજપનું જ શાસન રહ્યું છે ત્યારે આ બેઠકના રાજકીય ઈતિહાસ પર નજર કરીએ તો વર્ષ 1995 અને 1998માં ભાજપના યતીન ઓઝા ચૂંટાયા હતા.
ત્યારબાદ પ્રથમવાર ભાજપે સત્તાનો સ્વાદ ચાખ્યો હતો. જોકે બેઠક ખાલી પડતા અહીં પેટાચૂંટણી યોજાઈ હતી અને કોંગ્રેસના નરહરિ અમીને ભાજપને ઝટકો આપી, પરંપરાગત બેઠક કબજે કરી હતી. જોકે મોદી લહેરની અસર અહીં જોવા મળી અને 2002 વિધાસનભા ચૂંટણી બાદ ભાજપની જીતની પરંપરા શરૂ થઈ હતી. એટલે કે 2002થી 2017 સુધી અહીં ભાજપનું રાજ છે.
જાણો સાબરમતી બેઠકનો રાજકીય ઈતિહાસ
સાબરમતી બેઠકના રાજકીય ઈતિહાસ પર નજર કરીએ તો અહીં વર્ષ 1962થી 2017 સુધી 12 વખત ચૂંટણી યોજાઈ હતી. વર્ષ 1995 પ્રથમવાર ભાજપે સત્તાનો સ્વાદ ચાખ્યો હતો. આટલા વર્ષોમાં 6 વખત ભાજપ અને 3 વખત કોંગ્રેસ જીતી હતી. 1990 સુધી સાબરમતીની બેઠક ઉપર કોંગ્રેસનો દબદબો રહ્યો હતો, ત્યારબાદ પરિવર્તનની લહેર આવી અને વર્ષ 1995 અને 1998માં ભાજપના યતીન ઓઝા અહીં જીતી ગયા હતા.
2001ની પેટાચૂંટણીમાં કોંગ્રેસના નરહરી અમીન જીત્યા હતા. જોકે છેલ્લી 4 ટર્મથી સતત ભાજપનો ભગવો અહીં લહેરાઈ રહ્યો છે. છેલ્લી 2 ટર્મથી ભાજપના અરવિંદ પટેલ સાબરમતી બેઠક પરથી ધારાસભ્ય છે. જોકે 2022માં સત્તાના સમીકરણો બદલાયા છે. ભાજપે આ વખતે પાટીદાર ચહેરો એવા હર્ષદ પટેલને મેદાને ઉતાર્યા છે તો કોંગ્રેસે દિનેશ મહિડાને આગળ કર્યા છે. ત્યારે 2022ની ચૂંટણીમાં કેવા રાજકીય સમીકરણો રચાય છે તે જોવું રહ્યું.
વર્ષ 2017ની ચૂંટણી અંગેની વિગતો
- ભાજપના અરવિંદ પટેલને 1,13,503 મત મળ્યા હતા. કોંગ્રેસના જિતુ પટેલને 44,693 મત મળ્યા હતા, ભાજપના અરવિંદ પટેલ 68,810 મતે જીત્યા હતા.
2012ની ચૂંટણીનું પરિણામ
- ભાજપના અરવિંદ પટેલને 1,07,036 મત મળ્યા હતા અને કોંગ્રેસના ભરત પટેલને 39,453 મત મળ્યા હતા તો ભાજપના અરવિંદ પટેલ 67,583 મતે જીત્યા હતા.
જાણો ક્યારે કોણ જીત્યુ
2017 વિધાનસભા – ભાજપના અરવિંદ પટેલ જીત્યા 2012 વિધાનસભા – ભાજપના અરવિંદ પટેલ જીત્યા 2007 વિધાનસભા – ભાજપના ગીતા પટેલ જીત્યા 2002 વિધાનસભા – ભાજપના જીતુ પટેલ જીત્યા 2001 પેટાચૂંટણી – કોંગ્રેસના નરહરિ અમીન જીત્યા -1998 વિધાનસભા – ભાજપના યતીન ઓઝા જીત્યા