Gujarat Election 2022 : ભાજપ માટે મત માંગવા હવે NRI મેદાને, ગામડે ગામડે જઈને પીએમ મોદીની આંતરરાષ્ટ્રિય લોક ચાહનાનો પ્રચાર કરી મત માંગશે

ગુજરાત વિધાનસભા ચૂંટણીને હવે ગણતરીના દિવસો બાકી રહ્યા છે ત્યારે જુદા જુદા રાજકીય પક્ષો મતદારોને રીઝવવા માટે જુદી જુદી રીત અપનાવી રહ્યા છે ત્યારે ભારતીય જનતા પાર્ટી માટે અનેક NRI રાજ્યના જુદા જુદા ગ્રામ્ય વિસ્તારોમાં જઈને ભારતીય જનતા પાર્ટી માટે મત માંગશે.

Gujarat Election 2022 : ભાજપ માટે મત માંગવા હવે NRI મેદાને, ગામડે ગામડે જઈને પીએમ મોદીની આંતરરાષ્ટ્રિય લોક ચાહનાનો પ્રચાર કરી મત માંગશે
Gujarat NRI Campaign Voting Bjp
Ronak Varma

| Edited By: Chandrakant Kanoja

Nov 22, 2022 | 4:44 PM

ગુજરાત વિધાનસભા ચૂંટણીને હવે ગણતરીના દિવસો બાકી રહ્યા છે ત્યારે જુદા જુદા રાજકીય પક્ષો મતદારોને રીઝવવા માટે જુદી જુદી રીત અપનાવી રહ્યા છે ત્યારે ભારતીય જનતા પાર્ટી માટે અનેક NRI રાજ્યના જુદા જુદા ગ્રામ્ય વિસ્તારોમાં જઈને ભારતીય જનતા પાર્ટી માટે મત માંગશે. જેમાં પ્રધાનમંત્રી નરેન્દ્ર મોદીએ આંતરરાષ્ટ્રીય કક્ષાએ વિશેષ છબી ધરાવે છે અને વિશ્વની અનેક સત્તાઓ હવે નરેન્દ્ર મોદીને પૂછીને અનેક નિર્ણયો લેતી થઈ છે ત્યારે આ પ્રવૃત્તિઓથી પ્રેરાઈને વિદેશમાં વસતા ભારતીય અને ખાસ ગુજરાતીઓ વિધાનસભા ચૂંટણી પૂર્વે ગુજરાતમાં આવ્યા છે. સમગ્ર મામલે વિદેશથી આવેલા ગુજરાતીઓએ TV9 સાથે વાત કરતા જણાવ્યું હતું કે હાલમાં જ G20 સમિટ માં ભારત દેશને અધ્યક્ષતા કરવાનો મોકો મળ્યો છે, G20 સમિટમાં ભારતની અધ્યક્ષતાથી વૈશ્વિક સ્તર અને ખાસ ભારત દેશ માટે ખૂબ મોટી વાત છે આગામી સમયમાં જી-20 દેશોના અનેક લોકો ભારતમાં આવશે અને જુદી જુદી જગ્યાએ ફરશે તેનાથી દેશવાસીઓને અનેક લાભ થશે.

તાજેતરમાં જ ગુજરાત સરકાર અને એક ખાનગી કંપની વચ્ચે થયેલા MoU વિશે જણાવતા એન આર આઈ એ કહ્યું કે સેમિકન્ડક્ટર ચીપ માટે ગુજરાત સરકાર વચ્ચે કરાર થયા તે ખૂબ જ મહત્વની વાત છે અત્યાર સુધી માટે ચીન જેવા દેશો ઉપર નિર્ભર રહેવું પડતું હતું પરંતુ આ પ્રકારની ચીપ કે જે દરેક મોબાઈલ, ગાડી અને અગત્યની વસ્તુઓમાં વપરાય છે તેની વૈશ્વિક સ્તરે ખૂબ માંગ હોય છે અને આ પ્રકારની ચીપ હવે ગુજરાત અને ગ્રામ્ય વિસ્તારમાં તેના પ્લાન્ટ નખાતા આસપાસના લોકોને રોજગારીની મોટી તકો ઊભી થશે.

આ પ્રકારે ભારતીય જનતા પાર્ટીની જુદી જુદી વાતો ગુજરાતના ગામડાઓ સુધી આ એન આર આઈ હવે પહોંચાડશે અને તે જ મામલે ભારતીય જનતા પાર્ટીની સરકાર બને તે માટે મત પણ માંગશે.

ગુજરાતમાં બે તબક્કામાં થશે મતદાન

ગુજરાતમાં  આગામી  ચૂંટણી બે તબક્કામાં યોજાશે. જેમાં પ્રથમ તબક્કાનું મતદાન 1 ડિસેમ્બરના રોજ  તથા બીજા તબક્કાનું મતદાન  5 ડિસેમ્બરના રોજ યોજાશે. તેમજ મતગણતરી 8  ડિસેમ્બરના રોજ  હાથ ધરવામાં આવશે.

ગુજરાત વિધાનસભા ચૂંટણી બે તબક્કામાં યોજાશે. પહેલા તબક્કામાં 89 બેઠક પર મતદાન પ્રક્રિયા હાથ ધરવામાં આવશે, જેમાં કચ્છ,સૌરાષ્ટ્રના  મોરબી, પોરબંદર, રાજકોટ, જુનાગઢ, અમરેલી, ભાવનગર, ભરૂચ અને દેવભૂમિ દ્વારકા સહિત દક્ષિણ ગુજરાતના કેટલાક જિલ્લાઓનો સમાવેશ થાય છે. જ્યારે બીજા તબક્કામાં   93 બેઠકો પર મતદાન કરવામાં આવશે. જેમાં ઉત્તર ગુજરાત અને મધ્ય ગુજરાતના જિલ્લાઓનો સમાવેશ થાય છે.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati