Gujarat Election 2022 Phase 1 Voting : લોકશાહીના ઉત્સવનો પ્રારંભ, 25 હજાર ઉપરાંત મતદાન મથકો ઉપર થશે વેબકાસ્ટિંગ

ગુજરાત એસેમ્બલી ઇલેક્શ 2022:  ચૂંટણીના પ્રથમ તબક્કામાં  આજે સૌરાષ્ટ્ર-કચ્છ સહિત દક્ષિણ ગુજરાતના 19 જિલ્લાની 89 બેઠકો પર મતદાનની શરૂઆત થઈ છે.  1 ડિસેમ્બરને ગુરૂવારે  સવારે 8થી સાંજે 5 વાગ્યા સુધી મતદાન યોજાશે.  ચૂંટણીના પ્રથમ તબક્કામાં કુલ 788 ઉમેદવારોનું ભાવી નક્કી થશે. પ્રથમ તબક્કામાં 39 રાજકીય પક્ષો વચ્ચે જંગ છે . જેના માટે 2 કરોડ 39 લાખથી વધુ મતદારો મતદાન કરશે. જ્યારે   6 લાખ મતદારો પ્રથમ વાર મતાધિકારનો ઉપયોગ કરશે  પ્રથમ તબક્કા માટે 25 હજાર 430 મતદાન મથકો રહેશે અને કુલ 34,324 EVM અને 38,749 VVPAT મશીનોમાં મતદાન થશે ચૂંટણી પંચની દેખરેખમાં તમામ બેઠકો પર શાંતિપૂર્ણ માહોલમાં  પૂર્ણ થાય તે માટેની તમામ વ્યવસ્થા  કરવામાં આવી છે.  મતદાન માટે કુલ 1 લાખ 6 હજાર 963 કર્મીઓ તૈનાત રહેશે  મતદાન બુથ પર વેબ કાસ્ટીંગ માટે વિશેષ સ્ટાફ પણ તૈનાત રહેશે. ત્યારે બહોળી સંખ્યામાં મતદાન થાય તે માટે ચૂંટણી પંચે ગુજરાતની જનતાને અપીલ કરી છે.

ગુજરાત ચૂંટણી 2022 : આ જિલ્લામાં થશે પ્રથમ  તબક્કાનું મતદાન, કુલ 788 ઉમેદવારોનું ભાવિ થશે નક્કી

1. કચ્છ, સૌરાષ્ટ્ર અને દક્ષિણ ગુજરાતના 19 જિલ્લામાં મતદાન
2. પ્રથમ તબક્કામાં 718 પુરૂષ અને 70 મહિલા ઉમેદવાર
3. પ્રથમ તબક્કામાં 39 રાજકીય પક્ષો વચ્ચે થશે ટક્કર
4. 2 કરોડ 39 લાખથી વધુ મતદારો કરશે મતદાન
5. 6 લાખ મતદારો પ્રથમ વાર કરશે મતદાન
6. કુલ 34,324 EVM અને 38,749 VVPATમાં નો થશે ઉપયોગ
7. 25 હજાર 430 મતદાન મથકો રહેશે
8. 9,014 શહેરી વિસ્તારોમાં અને 16,416 ગ્રામ્ય મતદાન મથકો

પ્રથમ તબક્કાની ચૂંટણીમાં કુલ   1,06,963 કર્મચારીઓ અને  અધિકારીઓ બજાવી રહ્યા છે ફરજ

• પ્રથમ તબક્કાની ચૂંટણીની મતદાન પ્રક્રિયામાં એક લાખ કરતાં વધુ કર્મચારીઓ જોડાશે.
• 27,978 પ્રિસાઈડીંગ ઑફિસર્સ
• 78,985 પોલીંગ સ્ટાફ

કુલ મતદાન મથકો  25,430 રહેશે જે પૈકી 89 મોડલ મતદાન મથકો

• 9,014 શહેરી વિસ્તારોમાં
• 16,416 ગ્રામ્ય મતદાન મથકો
• વિશિષ્ટ મતદાન મથકો પૈકી 89 મોડલ મતદાન મથકો
• 89 દિવ્યાંગ સંચાલિત મતદાન મથકો,
• 89 ઈકો ફ્રેન્ડલી મતદાન મથકો,
• 611 સખી મતદાન મથકો,
• 18 યુવા સંચાલિત મતદાન મથકો

પ્રથમ તબક્કામાં કુલ 89 મોડલ મતદાન મથક અને 89 દિવ્યાંગ સંચાલિત મતદાન મથક છે. 89 ઈકો ફ્રેન્ડલી મતદાન મથક અને 611 સખી મતદાન મથક છે. જેમાં 18 યુવા સંચાલિત મતદાન મથક છે.

EVM-VVPAT વિશેની માહિતી

પ્રથમ તબક્કાના મતદાન માટે કુલ EVM-VVPATનો ઉપયોગ કરવામાં આવશે. મતદાન માટે કુલ 34,324 BU, 34,324 CU અને 38,749 VVPATનો ઉપયોગ કરવામાં આવશે. આ ચૂંટણીમાં મોરબીની 65-મોરબીમાં 17 ઉમેદવારો હોવાથી 02 બેલેટ યુનિટ તથા, સુરતના લિંબાયતમાં 44 ઉમેદવારો હોવાથી 03 બેલેટ યુનિટ વપરાશે.

મતદાન સ્ટાફની વિગત

પ્રથમ તબક્કાના મતદાન માટે કુલ 1,06,963 કર્મચારી/અધિકારી ખડેપગે રાખવામાં આવશે. તો 27,978 પ્રિસાઈડીંગ ઑફિસર્સ અને 78,985 પોલીંગ સ્ટાફને ફરજ પર રાખવામાં આવશે.