ભાજપે ‘આ ગુજરાત મેં બનાવ્યું’ કેમ્પેઈન લોન્ચ કર્યું, પાટીલે કહ્યુ, ‘PM મોદીના પરિશ્રમના કારણે ગુજરાત અહીં સુધી પહોંચ્યું’
ભાજપ (BJP) દ્વારા 'આ ગુજરાત મેં બનાવ્યું છે' કેમ્પેઇન શરુ કરવામાં આવ્યુ છે. એટલે કે ક્યાકને કયાંક એમ કહેવાનો પ્રયત્ન કરવામાં આવ્યો છે કે ગુજરાત ગુજરાતીઓ દ્વારા જ કેવી રીતે આગળ વધારવામાં આવ્યુ છે. કેવી રીતે ગુજરાતની ધરોહરને સાચવવામાં આવી છે.
ગુજરાત વિધાનસભાની ચૂંટણીના પડઘમ વાગી રહ્યાં છે. ચૂંટણીની તારીખ પણ જાહેર થઇ ગઇ છે. ત્યારે ભારતીય જનતા પાર્ટી જોર શોરથી મતદારોને રીઝવવાના કામે લાગી ગઇ છે. ભાજપ દ્વારા એક પછી એક કાર્યક્રમ કરીને મતદારો સુધી વધુને વધુ પહોંચવાનો પ્રયાસ કરવામાં આવી રહ્યો છે. અગાઉ ભાજપ દ્વારા “અગ્રેસર ગુજરાત કેમ્પેઇન”નો પ્રારંભ કરવામાં આવ્યો છે. જેના દ્વારા ગુજરાતની જનતાના સૂચનો લેવામાં આવી રહ્યા છે. તો આ જ રીતે આજથી ભાજપનું ‘આ ગુજરાત મેં બનાવ્યું છે’ કેમ્પેઇન શરુ કરવામાં આવ્યુ છે. ભાજપ પ્રદેશ અધ્યક્ષ સી.આર. પાટીલ દ્વારા ગાંધીનગરથી આ કેમ્પેઇનની શરુઆત કરવામાં આવી છે.
‘આ ગુજરાત મેં બનાવ્યું છે’ કેમ્પેઇન શરુ
ભાજપ દ્વારા ‘આ ગુજરાત મેં બનાવ્યું છે’ કેમ્પેઇન શરુ કરવામાં આવ્યુ છે. એટલે કે ક્યાકને કયાંક એમ કહેવાનો પ્રયત્ન કરવામાં આવ્યો છે કે ગુજરાત ગુજરાતીઓ દ્વારા જ કેવી રીતે આગળ વધારવામાં આવ્યુ છે. કેવી રીતે ગુજરાતની ધરોહરને સાચવવામાં આવી છે. કઇ રીતે ગુજરાતમાં છેલ્લા 25 વર્ષમાં ભાજપ સરકાર દ્વારા કામ કરવામાં આવ્યુ છે. નર્મદાના પાણીની વાત હોય કે પછી હોનારત બેઠુ થયેલુ ગુજરાત હોય કે સ્મોલ મીડિયમ સ્કેલની કંપનીઓની વાત હોય કે પછી ગુજરાતના ઉદ્યોગોની વાત હોય આ તમામમાં ગુજરાતને કેવી રીતે આગળ વધારવામાં આવ્યુ છે. પ્રાથમિક જરુરિયાતો હોય કે શિક્ષણની વાત હોય, જનતાના સ્વાસ્થયની વાત હોય આ તમામ બાબતમાં સરકાર દ્વારા કરાયેલા કામ હોય તે તમામ મુદ્દા આ કેમ્પેઇનમાં આવરી લેવામાં આવ્યા છે.
ગુજરાતીઓએ શા માટે ભાજપ સરકાર પર ભરોસો મુકવો તે જણાવવા માટે આ કેમ્પેઇન લોન્ચ કરવામાં આવ્યુ છે. વિકાસની રાજનીતિમાં ગુજરાત દેશમાં ક્યાં ઊભુ છે જે આ મુદ્દાઓ થકી જણાવવામાં આવ્યુ છે.
મહત્વનું છે કે ગઇકાલે 6 નવેમ્બરે ગુજરાત વિધાનસભા ચૂંટણીની જાહેરાત બાદ પીએમ મોદી પ્રથમ વખત ગુજરાત આવ્યા હતા. જેમાં આજે તેમણે વલસાડથી ચૂંટણી પ્રચારની શરૂઆત કરી હતી. જેમાં પીએમ મોદીએ લોકોને સંબોધતા આ જ એક નવો નારો આપ્યો હતો. તેમણે લોકોને ” આ ગુજરાત મેં બનાવ્યું છે ” નો નવો નારો આપ્યો છે. પીએમ મોદીએ કહ્યું કે પ્રત્યેક ગુજરાતીએ ગુજરાત બનાવ્યું છે. પ્રત્યેક ગુજરાતીએ ખૂબ મહેનત કરીને લોહી- પસીનો એક કરીને ગુજરાત બનાવ્યું છે. એટલે આજે પૂરી દુનિયામાં એક જ સંદેશો છે. આ ગુજરાત મે બનાવ્યું છે.
Latest News Updates
