Gujarat Election 2022: મહેસાણામાં ચૂંટણીની કામગીરીમાં ફરજ પર મૂકાયેલા પ્રોફેસરનું મોત
Gujarat Election: મહેસાણામાં ચૂંટણી કંટ્રોલ રૂમમાં ફરજ પર મૂકાયેલા પ્રોફેસરનું તેમના ઘરે હાર્ટએટેકથી મોત થયું છે. તેઓ કુકસ ગામે આવેલા જિલ્લા શિક્ષણ અને તાલીમ ભવનમાં પ્રોફેસર તરીકેની ફરજ બજાવતા. વિધાનસભાની ચૂંટણીને લઈને તેઓ કેટલાક દિવસ પહેલા જ કુકસ આવ્યા હતા.
ગુજરાત એસેમ્બલી ઇલેકશન 2022 : ગુજરાત વિધાનસભા ચૂંટણીને લઇને રાજકીય પક્ષોને સાથે ચૂંટણી પંચ પણ તૈયારીઓમાં લાગી ગયુ છે. અત્યારે ઠેર ઠેર વિવિધ રાજકીય પક્ષોની રેલીઓ ચાલી રહી છે. જેમાં પોલીસ કર્મચારીઓને તહેનાત કરવામાં આવ્યા છે. તો ચૂંટણીની કામગીરીને લઇને પણ કેટલાક કર્મચારીઓને જવાબદારીઓ સોંપવામાં આવી છે. મહેસાણામાં ચૂંટણી કંટ્રોલ રૂમ માટે એક પ્રોફેસરને કેટલીક જવાબદારી સોંપવામાં આવી હતી. ત્યારે મળતી માહિતી પ્રમાણે આ પ્રોફેસરને હાર્ટ એટેક આવવાથી તેમનું મોત થયુ છે.
ગુજરાત ઇલેકશન 2022 : ચૂંટણી કંટ્રોલ રૂમમાં ફરજ પર મૂકાયેલા પ્રોફેસરનું મોત
મહેસાણામાં ચૂંટણી કંટ્રોલ રૂમમાં ફરજ પર મૂકાયેલા પ્રોફેસરનું તેમના ઘરે હાર્ટએટેકથી મોત થયું છે. તેઓ કુકસ ગામે આવેલા જિલ્લા શિક્ષણ અને તાલીમ ભવનમાં પ્રોફેસર તરીકેની ફરજ બજાવતા. વિધાનસભાની ચૂંટણીને લઈને તેઓ કેટલાક દિવસ પહેલા જ કુકસ આવ્યા હતા. 42 વર્ષીય અનિલ વેકરિયા રાજકોટના ગોંડલ તાલુકાના મહેતા ખંભાળિયા ગામના વતની હતા. ગઈકાલે સવારે 6થી બપોરે 2 કલાક સુધીની તેમની ફરજ હોવાથી તેઓ ઘરેથી તૈયાર થઈને ડ્યુટી પર જવા નીકળતા હતા. તે સમયે અચાનક જ હાર્ટએટેક આવતા મોત નીપજ્યું હતું. પરિવારજનો હોસ્પિટલ લઈ જતાં ડૉક્ટરોએ તેમને મૃત જાહેર કર્યા હતા. કર્મચારીના આકસ્મિક મોતને પગલે મહેસાણા મામલતદાર, અન્ય અધિકારીઓ અને સરકારી કર્મચારીઓમાં શોકની લાગણી પ્રસરી ગઇ છે.
42-year-old professor, who was on election control room duty died of cardiac attack #Mehsana #GujaratElections2022 #TV9News pic.twitter.com/5LPERgQ0ES
— Tv9 Gujarati (@tv9gujarati) November 24, 2022
ગુજરાત ઇલેકશન 2022 : મહિલા પોલીસ બેભાન થતા PMએ રોક્યુ સંબોધન
તો ગઇકાલે પણ એક આ પ્રકારની જ ઘટના મહેસાણામાં જ સામે આવી હતી. વડાપ્રધાન નરેન્દ્ર મોદી મહેસાણામાં સભા સંબોધી રહ્યા હતા. જે દરમિયાન વડાપ્રધાનના સ્ટેજ પાસે જ એક મહિલા પોલીસ કર્મચારી બેભાન થઇ ગઇ હતી. આ મહિલા પોલીસ કર્મચારી સ્ટેજ પાસે ફરજ પર હતી. ત્યારે તેને બેભાન થયેલી જોઇને વડાપ્રધાન મોદીએ તેમની સભામાં અચાનક સંબોધન રોક્યુ હતુ અને આસપાસના વ્યક્તિઓને મહિલા માટે પાણી લાવવા જણાવ્યુ હતુ. જે પછી કેટલાક લોકોએ મહિલાને પાણી પીવડાવ્યુ હતુ. જે પછી મહિલાને સારવાર માટે લઇ જવાઇ હતી. મહિલાને લઇ જવાયા બાદ જ વડાપ્રધાને ફરીથી પોતાની સભામાં સંબોધન શરુ કર્યુ હતુ.
Latest News Updates
