UP Board Exam માં કોપી કરતા પકડાશે તો લગાવાશે NSA, ટીચર સામે પણ થશે FIR

UP Board Exam 2023: યુપી બોર્ડની પરીક્ષાની તૈયારી કરી રહેલા વિદ્યાર્થીઓ માટે મહત્વપૂર્ણ સૂચના જાહેર કરવામાં આવી છે. બોર્ડની પરીક્ષામાં કોપી કરનારાઓ સામે મોટી કાર્યવાહી કરવામાં આવશે. કોપી કરતા પકડાશે તો નેશનલ સિક્યુરિટી એક્ટ એટલે કે NSA લાગુ કરવામાં આવશે. મીડિયા રિપોર્ટ્સ અનુસાર, કેન્દ્ર વ્યવસ્થાપક અને રૂમ નિરીક્ષક વિરુદ્ધ પણ FIR દાખલ કરવામાં આવશે. જણાવી દઈએ કે યુપી બોર્ડની 10મી અને 12મીની પરીક્ષા 16 ફેબ્રુઆરીથી શરૂ થશે. યુપી બોર્ડ 10માં અને 12માંની પરીક્ષા 4 માર્ચ સુધી ચાલશે.

ઉત્તર પ્રદેશ માધ્યમિક શિક્ષણ બોર્ડ દ્વારા જાહેર કરવામાં આવેલા નોટિફિકેશન મુજબ યુપી બોર્ડની 10મી અને 12મીની પરીક્ષા 16 ફેબ્રુઆરીથી 4 માર્ચ સુધી ચાલશે. યુપી બોર્ડ હાઈસ્કૂલની પરીક્ષાઓ 13 દિવસ ચાલશે, જ્યારે ધોરણ 12ની પરીક્ષાઓ 14 દિવસ ચાલશે. 16 ફેબ્રુઆરીએ હાઈસ્કૂલ હિન્દી અને પ્રાથમિક હિન્દીની પરીક્ષાઓ લેવાશે.

આ પણ વાંચો : Gujarat PSI Preliminary Examination Result : ગુજરાતમાં પીએસઆઈની પ્રિલીમનરી પરીક્ષાનું પરિણામ જાહેર, કટ ઓફ માર્કની યાદી પણ જાહેર કરવામાં આવી

UP Board Copyમાં હશે બારકોડ

નકલ કર્યા વગર બોર્ડની પરીક્ષા લેવા માટે કોપીઓમાં બારકોડ હશે. પ્રથમ વખત દરેક પાના પર બારકોડ સિસ્ટમ લાગુ કરવામાં આવશે. મીડિયા રિપોર્ટ્સ અનુસાર, ત્રણ કરોડ કોપીમાં પહેલીવાર બારકોડનો ઉપયોગ કરવામાં આવશે. નકલ માફિયાઓથી બચવા માટે યુપી બોર્ડે આ પગલું ભર્યું છે. પરીક્ષા બાદ નકલોનું રેન્ડમ ચેકિંગ થશે.

હોળી પહેલા એક્ઝામ થશે પૂરી

યુપી બોર્ડની હાઈસ્કૂલ અને ઈન્ટરમીડિયેટમાં 58 લાખ 67 હજાર 329 ઉમેદવારો છે. હાઈસ્કૂલની પરીક્ષામાં 31 લાખ 16 હજાર 458 ઉમેદવારો જ્યારે ઈન્ટરમીડિયેટની પરીક્ષામાં 27 લાખ 50 હજાર 871 ઉમેદવારો બેસશે. આ વર્ષે યુપી બોર્ડની 10મા અને 12માની પરીક્ષા હોળી પહેલા પૂરી થઈ જશે.

UP Board Practical પરીક્ષા શરૂ

આ વખતે યુપી બોર્ડે 2023ની 10મી અને 12મી બોર્ડની પરીક્ષા માટે 8,752 પરીક્ષા કેન્દ્રો બનાવ્યા છે. ગયા વર્ષ 2022 બોર્ડ પરીક્ષામાં 8,373 પરીક્ષા કેન્દ્રો બનાવવામાં આવ્યા હતા. યુપી બોર્ડની હાઈસ્કૂલ અને ઈન્ટરમીડિયેટની પ્રેક્ટિકલ પરીક્ષાઓ બે તબક્કામાં શરૂ થઈ ગઈ છે. વિદ્યાર્થીઓ UPMSP- upmsp.edu.in ની ઓફિશિયલ વેબસાઇટની મુલાકાત લઈને ડેટશીટ ચકાસી શકે છે.