NEET 2021 Entrance Exam : નીટ યૂજી માટે જાહેર કરવામાં આવ્યુ પરીક્ષા કેન્દ્રોનુ લિસ્ટ, જુઓ ડિટેલ
NTA NEET 2021 Exam Center : NEET UG માટે ઉપસ્થિત થનારા વિદ્યાર્થીઓ પરીક્ષા કેન્દ્રનું શહેર સત્તાવાર વેબસાઇટ neet.nta.nic.in પર ચકાસી શકે છે.
નેશનલ ટેસ્ટિંગ એજન્સીએ 12 સપ્ટેમ્બરે યોજાનાર નેશનલ એલિજિબિલિટી કમ એન્ટ્રસ ટેસ્ટ (NEET UG 2021) માટે પરીક્ષા કેન્દ્રના શહેરોની જાહેરાત કરી દીધી છે. NEET અરજી ફોર્મ ભરતી વખતે પસંદ કરેલા શહેરોના આધારે વિદ્યાર્થીઓને પરીક્ષા કેન્દ્ર ફાળવવામાં આવ્યા છે. NEET UG માટે ઉપસ્થિત થનારા વિદ્યાર્થીઓ પરીક્ષા કેન્દ્રનું શહેર સત્તાવાર વેબસાઇટ neet.nta.nic.in પર ચેક કરી શકે છે.
હવે વિદ્યાર્થીઓ પરીક્ષાના એડમિટ કાર્ડની (Admit card) રાહ જોઈ રહ્યા છે. NTA અનુસાર NEET પરીક્ષાનું એડમિટ કાર્ડ પરીક્ષાના 3 દિવસ પહેલા આપવામાં આવશે. આ પ્રમાણે NEET નું એડમિટ કાર્ડ 9 સપ્ટેમ્બરે આપવામાં આવશે. 9 સપ્ટેમ્બરથી વિદ્યાર્થીઓ તેમના એડમિટ કાર્ડ ડાઉનલોડ કરી શકશે.
ઉમેદવારોએ એડમિટ કાર્ડ સાથે સેલ્ફ ડિકલેરેશન ફોર્મ (Self Declaration Form) સાથે રાખવાનું રહેશે. ઉમેદવારોએ સેલ્ફ ડિકલેરેશન ફોર્મમાં તેમના તાજેતરના આરોગ્ય અને મુસાફરીના ઇતિહાસનો ઉલ્લેખ કરવો પડશે. કોવિડ -19 ના સંક્રમણને રોકવા માટે એનટીએ દ્વારા શરૂ કરાયેલા આ પગલાંઓમાંથી એક છે.
NEET 2021 એડમિટ કાર્ડ આ સ્ટેપ્સ સાથે ડાઉનલોડ કરવામાં આવશે
1. સૌ પ્રથમ સત્તાવાર વેબસાઇટ neet.nta.nic.in પર જાઓ.
2. વેબસાઇટ પર આપેલ એડમિટ કાર્ડની લિંક પર ક્લિક કરો
.3. હવે તમારો એપ્લિકેશન નંબર અને પાસવર્ડ સબમિટ કરીને લોગઇન કરો.
4.તમારું એડમિટ કાર્ડ સ્ક્રીન પર દેખાશે
.5. હવે તેને ડાઉનલોડ કરો.
NEETની પરીક્ષામાં મળી શકે છે છૂટ
NEET અંગે તમિલનાડુના મુખ્યમંત્રી એમ કે સ્ટાલિને કહ્યું છે કે સરકાર પરીક્ષામાં મુક્તિ માટે વિધાનસભા બિલ પસાર કરશે.સ્ટાલિને કહ્યું કે સરકાર રાજ્યના આર્થિક રીતે નબળા વર્ગોના વિદ્યાર્થીઓ પર NEET ની અસર અંગેના તેના અહેવાલમાં જસ્ટિસ એકે રાજન દ્વારા કરવામાં આવેલી ભલામણોના કાયદાકીય પાસાઓનો અભ્યાસ કરી રહી છે. તેમણે કહ્યું કે જસ્ટિસ એકે રાજને રજૂ કરેલા રિપોર્ટની કાયદાકીય રીતે તપાસ કરવામાં આવી રહી છે.
આ પછી સત્રમાં ડ્રાફ્ટ લાવવામાં આવશે. આ બીજી વખત હશે જ્યારે તમિલનાડુ વિધાનસભા NEET માંથી છૂટની માંગતું બિલ પસાર કરશે. અગાઉ 2017 માં પણ એક બિલ પસાર કરવામાં આવ્યું હતું જોકે રાષ્ટ્રપતિ રામનાથ કોવિંદે તે સમયે તેને મંજૂરી આપી ન હતી.
આ પણ વાંચો : IAF AFCAT Admit Card 2021: કોમન એડમિશન ટેસ્ટનું એડમિટ કાર્ડ થયું જાહેર, આ સરળ સ્ટેપ્સ દ્વારા કરો ડાઉનલોડ
આ પણ વાંચો : GUJCET Result 2021 Updates : ગુજકેટનું પરિણામ જાહેર થયું, કહી ખુશી કહી ગમનો માહોલ