આ રાજ્યમાં સૌથી વધુ સંકટમાં ડાંગરની ખેતી, જાણો કયા રાજ્યમાં ઘટાડો થયો અને ક્યાં વાવેતર વધ્યું
કેન્દ્રીય કૃષિ અને ખેડૂત કલ્યાણ વિભાગના અહેવાલ મુજબ, આ ખરીફ સિઝનમાં દેશની અંદર ડાંગરનું વાવેતર ગયા વર્ષની સરખામણીએ 23.44 લાખ હેક્ટર ઓછું છે. વિભાગના નવા સાપ્તાહિક અહેવાલ મુજબ, ગયા વર્ષે દેશની અંદર ડાંગરનો કુલ વાવેતર વિસ્તાર 425 લાખ હેક્ટર હતો.
ખરીફ સીઝન પીક પર છે. જે અંતર્ગત આ દિવસોમાં ખરીફ સિઝનના મુખ્ય પાક ડાંગરની વાવણીની કામગીરી લગભગ પૂર્ણ થઈ ગઈ છે, પરંતુ આ વખતે ચોમાસાની અનિયમિતતા ડાંગરની ખેતી (Paddy Farming)પર ભારી પડી છે. પરિણામે, દેશની અંદર ડાંગરની ખેતી હેઠળના કુલ વિસ્તારમાં ગયા વર્ષની સરખામણીમાં વ્યાપક ઘટાડો નોંધાયો છે. કેન્દ્રીય કૃષિ અને ખેડૂત કલ્યાણ વિભાગના ડેટા અનુસાર, ચોમાસાની અનિયમિતતાને કારણે દેશમાં સૌથી વધુ ડાંગરનું વાવેતર (Paddy cultivation)ઝારખંડમાં થયું છે. જોકે, ઘણા રાજ્યોમાં ગયા વર્ષની સરખામણીમાં આ વર્ષે ડાંગરના વાવેતર હેઠળના વિસ્તારમાં વધારો થયો છે.
જણાવી દઈએ કે ગયા વર્ષની સરખામણીમાં આ વર્ષે ડાંગરના વાવેતર હેઠળના વિસ્તારમાં ઘટાડો થયો છે. આમાં ઝારખંડમાં વાવેતર હેઠળનો વિસ્તાર કેટલો ઘટ્યો છે અને અન્ય કયા રાજ્યો આ યાદીમાં છે. આ સાથે જે રાજ્યોમાં ડાંગરનું વાવેતર વિસ્તાર વધ્યો છે અહીં છે તેનો વિગતવાર અહેવાલ.
ડાંગરનું વાવેતર ગત વર્ષ કરતાં 23.44 લાખ હેક્ટર ઓછું
કેન્દ્રીય કૃષિ અને ખેડૂત કલ્યાણ વિભાગના અહેવાલ મુજબ, આ ખરીફ સિઝનમાં દેશની અંદર ડાંગરનું વાવેતર ગયા વર્ષની સરખામણીએ 23.44 લાખ હેક્ટર ઓછું છે. વિભાગના નવા સાપ્તાહિક અહેવાલ મુજબ, ગયા વર્ષે દેશની અંદર ડાંગરનો કુલ વાવેતર વિસ્તાર 425 લાખ હેક્ટર હતો, જ્યારે આ ખરીફ સિઝનમાં અત્યાર સુધીમાં દેશની અંદર ડાંગરનો વાવેતર વિસ્તાર 401.56 લાખ હેક્ટર છે, આમ ડાંગરના વિસ્તારમાં ગત વર્ષની સરખામણીમાં 23.44 લાખ હેક્ટરનો ઘટાડો નોંધાયો છે.
માત્ર ઝારખંડમાં જ વાવેતર વિસ્તારમાં 40 ટકાનો ઘટાડો
એકલા ઝારખંડમાં જ ગયા વર્ષની સરખામણીમાં ડાંગરના વિસ્તારમાં 40 ટકાનો ઘટાડો થયો છે. કૃષિ અને ખેડૂત કલ્યાણ મંત્રાલયના સાપ્તાહિક અહેવાલ મુજબ, ગયા વર્ષની સરખામણીમાં દેશની અંદર કુલ ડાંગરના ક્ષેત્રમાં 23.44 લાખ હેક્ટરનો ઘટાડો નોંધવામાં આવ્યો છે. જેમાંથી એકલા ઝારખંડમાં 9.32 લાખ હેક્ટર વિસ્તારમાં ડાંગરની ઘટોડો નોંધાયો છે.
ઝારખંડ પછી એમપી અને પશ્ચિમ બંગાળ ટોચ પર
ખરીફ સિઝનમાં ઓછા વરસાદને કારણે ઝારખંડમાં ડાંગરનું વાવેતર ઓછું થયું છે. તો આ યાદીમાં ઝારખંડ બાદ એમપી અને પશ્ચિમ બંગાળ ટોચ પર છે. ગયા વર્ષની સરખામણીમાં મધ્યપ્રદેશમાં ડાંગરના વિસ્તારમાં 6.32 લાખ હેક્ટરનો ઘટાડો થયો છે. તો ત્યારે પશ્ચિમ બંગાળમાં 3.65 લાખ હેક્ટર જમીનની અછત સર્જાઈ છે.
આ યાદીમાં આગળ ઉત્તર પ્રદેશ 2.48 લાખ હેક્ટર, બિહાર 1.97 લાખ હેક્ટર, આસામ 0.95 લાખ હેક્ટર, આંધ્ર પ્રદેશ 0.75 લાખ હેક્ટર, છત્તીસગઢ 0.63 લાખ હેક્ટર, ત્રિપુરા 0.27 લાખ હેક્ટર, મેઘાલય 0.21 લાખ હેક્ટર, ઓડિશા 0.21 લાખ હેક્ટર, નાગાલેન્ડ 0.21 લાખ હેક્ટર, પંજાબ 0.12 લાખ હેક્ટર સામેલ છે.
હરિયાણા સહિત આ રાજ્યોમાં ધાનના વાવેતર વિસ્તાર વધારો
આ ખરીફ સિઝનમાં, જ્યાં ઘણા રાજ્યોમાં ડાંગરના વાવેતર હેઠળના વિસ્તારમાં ઘટોડો નોંધાયો છે, ત્યારે હરિયાણા સહિત ઘણા રાજ્યોમાં ધાન હેઠળનો વિસ્તાર વધ્યો છે. ઉદાહરણ તરીકે, હરિયાણામાં ડાંગર હેઠળના વિસ્તારમાં 0.94 લાખ હેક્ટરનો વધારો નોંધાયો છે. એ જ રીતે તેલંગાણામાં 0.88 લાખ હેક્ટર, તમિલનાડુમાં 0.56 લાખ હેક્ટર, ગુજરાતમાં 0.55 લાખ હેક્ટર, રાજસ્થાન 0.37 લાખ હેક્ટર, હિમાચલમાં 0.14 લાખ હેક્ટર, મહારાષ્ટ્ર 0.09 લાખ હેક્ટર, જમ્મુ અને કાશ્મીરમાં 0.04 લાખ હેક્ટર, અરૂણાચલ પ્રદેશમાં 0.04 લાખ હેક્ટર, 0.04 લાખ હેક્ટર, ઉત્તરાખંડ 0.03 લાખ હેક્ટર અને કર્ણાટકમાં 0.01 લાખ હેક્ટરમાં ધાનના વાવેતર વિસ્તારમાં વધારો નોંધાયો છે.