યુવકે ડ્રગ્સ ખરીદવા માટે પોતાના અઢી વર્ષના પુત્રને 40 હજાર રૂપિયામાં વેચી દીધો, પત્નીની ફરિયાદ પર થઈ ધરપકડ
એક વ્યક્તિએ કથિત રીતે તેના અઢી વર્ષના પુત્રને 40,000 રૂપિયામાં દવાઓ ખરીદવા માટે વેચી દીધો હોવાની ધટના સામે આવી છે.
આસામના મોરીગાન જિલ્લામાં એક ચોંકાવનારો કિસ્સો પ્રકાશમાં આવ્યો છે. જ્યાં એક વ્યક્તિએ કથિત રીતે તેના અઢી વર્ષના પુત્રને 40,000 રૂપિયામાં દવાઓ ખરીદવા માટે વેચી દીધો હતો. આ ઘટના રાજધાની ગુવાહાટીથી લગભગ 80 કિમી પૂર્વમાં મોરીગાંવના લાહરીઘાટ ગામમાં બની હતી.
બાળકની માતાની ફરિયાદ મુજબ આરોપી અમીનુલ ઇસ્લામે બાળકને સાજીદા બેગમ નામની વ્યક્તિને વેચી દીધો હતો. પોલીસે અમીનુલ ઇસ્લામ અને સાજીદા બેગમ બંનેની ધરપકડ કરી છે અને ડ્રગ સ્મગલિંગથી લઈને સેક્સ રેકેટ ચલાવવા સુધીની પ્રવૃત્તિઓ પર તેમની પૂછપરછ કરી રહી છે. તેને શંકા છે કે, આ પાછળ કોઈ મોટી ડ્રગ સ્મગલિંગ ગેંગ કામ કરી રહી છે.
મળતા અહેવાલ અનુસાર બાળકની માતા રૂક્મિના બેગમ છેલ્લા કેટલાક મહિનાઓથી તેના પિતાના ઘરે રહી હતી કારણ કે, તેના પતિ સાથે ડ્રગ્સની હેરફેરમાં તેના કથિત સંડોવણીને લઈને ઝઘડો થયો હતો. એક દિવસ અમીનુલ તેના સસરાના ઘરે આવ્યો અને તેની પત્નીને પુત્ર આપવાનું કહ્યું. આ માટે તેણે એક બહાનું કાઢ્યું કે તે દીકરાનું આધારકાર્ડ બનાવવા માંગે છે. ત્યારબાદ તે બાળકને ત્યાંથી લઈ ગયો.
બે-ત્રણ દિવસ પછી, જ્યારે અમીનુલે બાળક પાછું ન આપ્યું ત્યારે રુક્મિનાને શંકા ગઈ અને ખબર પડી કે બાળક પૈસા માટે વેચવામાં આવ્યું છે. જલદી તેને આ માહિતી મળી, તેના હોશ ઉડી ગયા અને તે સમજી ન શકી કે આ બધું અચાનક કેવી રીતે થયું. આ પછી તેણે ગુરુવારે 5 ઓગસ્ટના રોજ પોલીસનો સંપર્ક કર્યો અને આ મામલે ફરિયાદ નોંધાવી. મામલાને ગંભીરતાથી લેતા પોલીસે કાર્યવાહી કરી અને બાળકને બચાવી લીધું હતું.
આ બાબતે પોલીસનું કહેવું છે કે, ફરિયાદીએ કહ્યું કે અમીનુલે તેના પુત્રને મોરીગાંવના લહેરીઘાટમાં ગોરીમરીની સાજીદા બેહગમને 40,000 રૂપિયામાં દવાઓ ખરીદવા માટે વેચ્યો હતો. ગુરુવારે નોંધાયેલી તેની ફરિયાદના આધારે પોલીસે સાજીદા બેગમના ઘરેથી બાળકને છોડાવ્યું અને તેની માતાને સોંપ્યું. સાથે જ એવું પણ કહેવામાં આવી રહ્યું છે કે, ડ્રગ્સ લેવા અને વેચવા ઉપરાંત આરોપી સેક્સ રેકેટ ચલાવવા જેવી અન્ય ગેરકાયદેસર પ્રવૃત્તિઓમાં પણ સામેલ હતો. હાલ પોલીસ આક્ષેપોની સંપૂર્ણ તપાસ કરી રહી છે.
આ પણ વાંચો: Independence Day: પ્લાસ્ટિકથી બનેલા ધ્વજનો ઉપયોગ ન કરવા કેન્દ્રની રાજ્ય સરકારોને અપીલ