માનવતા થઈ શર્મસાર! પિતા 9 મહિનાથી સગીર દીકરી પર કરતો હતો બળાત્કાર, નાનીની ફરિયાદ બાદ થઈ ધરપકડ
માનવતાને શરમાવે તેવી ઘટના સામે આવી છે. બીમાર પત્નીની આડમાં પિતા છેલ્લા 9 મહિનાથી તેની 14 વર્ષની પુત્રી પર બળાત્કાર ગુજારતો હતો.
પશ્ચિમ બંગાળના ઉત્તર 24 પરગણાના નારાયણપુર વિસ્તારમાં માનવતાને શરમાવે તેવી ઘટના સામે આવી છે. બીમાર પત્નીની આડમાં પિતા છેલ્લા 9 મહિનાથી તેની 14 વર્ષની પુત્રી પર બળાત્કાર ગુજારતો હતો. જ્યારે પુત્રી દુર્ગા પૂજા દરમિયાન મામાના ઘરે ગઈ અને દાદીને શંકા ગઈ તો પૂછપરછ દરમિયાન સમગ્ર મામલો બહાર આવ્યો. જે બાદ પત્નીએ પતિ સામે પોલીસ સ્ટેશનમાં ફરિયાદ કરી હતી. પોલીસે આરોપી પતિ અસીમ કુમાર સાહાની ધરપકડ કરી લીધી છે.
હૃદય હચમચાવી દેનારી ઘટના નારાયણપુર પોલીસ સ્ટેશન વિસ્તારની મનોરંજન પલ્લીમાં બની હતી. આ અંગે નારાયણપુર પોલીસ સ્ટેશનમાં પોક્સો એક્ટ હેઠળ કેસ નોંધવામાં આવ્યો છે. પોલીસે આરોપીની ધરપકડ કરી લીધી છે. મંગળવારે, તેને બેરકપુર કોર્ટમાં રજૂ કરવામાં આવ્યો, જ્યાં તેને પોલીસ કસ્ટડીમાં મોકલવામાં આવ્યો.
લગ્ન 19 વર્ષ પહેલા થયા હતા, પત્ની બીમાર હતી
પીડિતાની માતાના જણાવ્યા અનુસાર તેમના લગ્ન 19 વર્ષ પહેલા થયા હતા. ડોક્ટરની સલાહ બાદ તે બેડ રેસ્ટ પર હતી. તેનો પતિ માર્ચ મહિનાથી તેની જ પુત્રી પર બળાત્કાર ગુજારતો હતો. મહિલાએ તેની સાસુ અને ભાભી પર એવો પણ આરોપ લગાવ્યો છે કે તેઓને સમગ્ર મામલાની જાણ હતી, પરંતુ તેઓએ મામલો દબાવવાનો પ્રયાસ કર્યો હતો. જ્યારે યુવતીએ તેની દાદીને તેના પિતાના દુષ્કર્મ વિશે જણાવ્યું તો તેણે સાંભળ્યું નહીં અને ઉલટું તેને ધમકાવીને ધમકી આપી કે જો તે ફરિયાદ કરશે તો પિતાને જેલમાં પૂરી દેવામાં આવશે.
જ્યારે આ સગીરા દુર્ગા પૂજામાં મામાના ઘરે મળવા ગઈ ત્યારે મામાના પરિવારજનોને તેને જોઈને શંકા ગઈ. પૂછપરછ બાદ તેણે તેના પિતાના કાળા કૃત્યો સામે આવ્યા. ત્યારબાદ દાદીએ પીડિતાની માતાને તમામ માહિતી આપી. માતાએ તેના પતિની વિરુદ્ધ જઈને તેની પુત્રીની પડખે ઊભા રહેવાનું નક્કી કર્યું.
જે બાદ તેની ફરિયાદ નારાયણપુર પોલીસ સ્ટેશનમાં કરવામાં આવી હતી અને પિતા વિરુદ્ધ ફરિયાદ કરવામાં આવી હતી. આ મામલાની તપાસ કરતી વખતે, પોલીસે સોમવારે રાત્રે અસીમ કુમાર સાહાની ધરપકડ કરી હતી અને તેને કોર્ટમાં રજૂ કરવામાં આવ્યો હતો, જ્યાં કોર્ટે પોલીસ કસ્ટડીનો નિર્દેશ કર્યો છે.
આ પણ વાંચો: CBSE 10th 12th Term-1 Admit Card 2021: CBSE ટર્મ-1 પરીક્ષાનું એડમિટ કાર્ડ આવતીકાલે થશે જાહેર, જુઓ વિગતો
Latest News Updates
