AHMEDABAD : સોલા સિવિલમાંથી બાળકીના અપહરણ કેસમાં આરોપીના રિમાન્ડ મેળવી તપાસ શરૂ કરાઈ
આરોપી મહિલા ચારેક મહિના પહેલા સોલા સિવિલ હોસ્પિટલ આવી હતી અને જ્યાં તેણે પ્રસુતિ વિભાગમાં અનેક બાળકોને જોતા જ અહીં એક બાળકનું અપહરણ કરવાનો પ્લાન કર્યો હતો.
AHMEDABAD : અમદાવાદના સોલા સિવિલ હોસ્પિટલમાંથી બાળકીના અપહરણ મામલે પોલીસે આરોપીના રિમાન્ડ મેળવીને વધુ તપાસ શરૂ કરી છે.જો કે તપાસ દરમિયાન મહિલાએ છેલ્લા નવ મહિનાથી આ કાવતરું રચ્યું હોવાનું સામે આવ્યું છે અને માસ્ટર પ્લાન બનાવીને આ ઘટનાને અંજામ આપ્યો છે.
સોલા સિવિલ માંથી બાળકીનું અપહરણ કરનાર મહિલા નગ્મા છેલ્લા નવ મહિનાથી માસ્ટર પ્લાન બનાવી રહી હતી મહિલાના લગ્નગાળાને સાત વર્ષ જેટલો સમય થયો હતો.જો કે સંતાન ન થતું હોવાથી તેનું લગ્ન જીવન ભંગાણના આરે હતું. જેથી તે છેલ્લા નવ મહિનાથી તેના સાસરે ગઈ ન હતી અને ત્યાં તેણે પોતે સગર્ભા હોવાનું કહ્યું હતું. જોકે નવ મહિના જેટલો સમય વિતી ગયા બાદ તે સોલાસીવીલમાંથી બાળકીનું અપહરણ કરીને તેની સાસરીયામાં ગઈ હતી અને પોતે બાળકીને જન્મ આપ્યો છે તેવી જાણ કરી હતી.
આરોપી મહિલા ચારેક મહિના પહેલા સોલા સિવિલ હોસ્પિટલ આવી હતી અને જ્યાં તેણે પ્રસુતિ વિભાગમાં અનેક બાળકોને જોતા જ અહીં એક બાળકનું અપહરણ કરવાનો પ્લાન કર્યો હતો.બે મહિના અગાઉ પણ તેણે બે વખત બાળકના અપહરણનો પ્રયાસ કર્યો હતો પરંતુ તે નિષ્ફળ રહી હતી, જેથી ત્રીજી વખત અપહરણ માટે બપોરના સમયે ચાર વાગ્યાથી જ હોસ્પિટલમાં ધામા નાંખી દીધા હતા અને વોર્ડમાં ક્યાંથી પ્રવેશ કરાય કેવી રીતે બહાર નીકળી શકાય ક્યાં ક્યાં સિક્યુરિટીની નજર રહે છે આ તમામ બાબતોની રેકી કરી દીધી હતી.
બાદમાં કોઈને જાણ ન થાય તે માટે સોલા સિવિલ હોસ્પિટલના પાંચમા માળે કે જ્યાં અગાઉ કોરોનાના દર્દીઓને સારવાર આપવામાં આવતી હતી, ત્યાં જઈને છૂપાઈ ગઈ હતી. બાદમાં એક વાગે તે બાળકીનું અપહરણ કરી પલાયન થઈ ગઈ હતી.
આ મહિલાનો પ્રથમ પ્લાન તો બાળકને દત્તક લેવાનો હતો, પરંતુ જટિલ પ્રોસેસના કારણે તે બાળક દત્તક લઇ શકી ન હતી.જોકે બાળકનું અપહરણ કર્યા બાદ જ્યારે તે ઘરે પહોંચી હતી ત્યારે તેની માતા અને બહેનને તો તેણે આ બાળક દત્તક લીધું હોવાની જ જાણ કરી હતીહાલમાં પોલીસે આ સમગ્ર મામલે વધુ તપાસ શરૂ કરી છે.
Latest News Updates
