Surat : પોલીસના હપ્તા વસૂલીની પોલ ઉઘાડી પાડનાર એડવોકેટ પર ચાલુ ફેસબુક લાઈવમાં જ હુમલો, જુઓ LIVE VIDEO
તેઓએ જેવું ફેસબુક (Facebook )લાઈવ શરૂ કર્યું તો થોડી જ વારમાં કેટલાક ઈસમો દંડા લઈને તેમના ઉપર તૂટી પડયા હતા અને માથામાં ઉપરાછાપરી ઘા મારવામાં આવ્યા હતા.
સુરતના (Surat )લસકાણા ખાતે કેનાલ રોડ ઉપર આજે બપોરે એડવોકેટ મેહુલ (Mehul Boghra )બોધરા ઉપર દંડા વડે જીવલેણ હુમલો(Attack ) કરવામાં આવતા ચકચાર મચી ગઇ હતી. તેઓ પોલીસ દ્વારા કરવામાં આવેલા ઉઘરાણા બાબતે ફેસબુક લાઈવ કરતા હતા ત્યારે પોલીસની હાજરીમાં જ કેટલાક ઈસમો દંડા લઈને તેમના ઉપર તૂટી પડયા હતા. તેમના પર ઉપરાછાપરી વાર કરતા તેઓ ઈજાગ્રત અને લોહીલુહાણ થઈ ગયા હતા. જેથી તેમણે સારવાર માટે સ્મીમેર હોસ્પિટલમાં ખસેડાયા હતા. નોંધનીય છે કે હુમલાની આ આખી ઘટના પણ ફેસબુક લાઈવ પર ગઈ હતી, જેને અસંખ્ય લોકોએ નિહાળી પણ હતી.
સૂત્રો પાસેથી મળતી માહિતી મુજબ એડવોકેટ 26 વર્ષીય મેહુલ મનસુખ બોધરા ઉપર આજે બપોરે લસકાના કેનાલ રોડ ખાતે હુમલો કરવામાં આવ્યો હતો. તેમને લોહીલુહાણ અને ઈજાગ્રસ્ત હાલતમાં સારવાર માટે સ્મીમેર હોસ્પિટલમાં લઇ જવામાં આવ્યા હતા. હોસ્પિટલમાં મેહુલભાઈએ હુમલા અંગે જણાવ્યું હતું કે તેમને કેટલાક સમયથી રિક્ષામાં ઉઘરાણા કરતા હોવાની ફરિયાદ મળી રહી હતી. જેથી આજે સવારે તેઓ કેનાલ રોડ પર પહોંચ્યા હતા જ્યા રિક્ષામાં દંડા રાખીને ઉઘરાણા કરતા હતા. જ્યા ત્રણ પોલીસ કર્મીઓ અને અન્ય ત્રણ ઈસમો હાજર હતા.
તેઓએ જેવું ફેસબુક લાઈવ શરૂ કર્યું તો થોડી જ વારમાં કેટલાક ઈસમો દંડા લઈને તેમના ઉપર તૂટી પડયા હતા અને માથામાં ઉપરાછાપરી ઘા મારવામાં આવ્યા હતા. વધુમાં તેમણે આક્ષેપ કર્યા હતા કે ટ્રાફીક સુપરવાઈઝર સાજન ભરવાડ દવારા તેમના ઉપર હુમલો કરવામાં આવ્યો છે. કેમકે તેઓ રિક્ષામાં અવાર નવાર ઉઘરાણી કરતા હતા. જેથી મેં તેમને આ બધું બંધ કરવા માટે તેમણે એક મહિના પહેલા જ તેમને વોર્નિંગ આપી હતી.
ત્યારે તેમને વળતામાં મને પતાવી દેવાની ધમકી આપેલી હતી. અગાઉથી જ ધમકી આપેલી હતી તે પ્રમાણે આજે રિક્ષામાં દંડા સાથે હુમલા માટે તૈયાર જ હતા. લસકાણા પોલીસ ચોકીથી માત્ર 50 મીટરના અંતરે તેમના ઉપર હુમલો થયો હોવાનું તેમણે જણાવ્યું હતું. સ્મીમેર હોસ્પિટલના સૂત્રોએ જણાવ્યું હતું કે મેહુલભાઈના માથામાં ઈજા થઈ છે અને ત્રણ જેટલા ટાકા આવ્યા છે.
આ રહ્યો હુમલાનો લાઈવ વિડીયો :