સાબરકાંઠા: ચોરીનો આંતક મચાવતી ગરબાડાની ચડ્ડી ગેંગ પ્રાંતિજ પોલીસના હાથે ઝડપાઈ, 35 ચોરીઓના ભેદ ઉકેલાયા
પ્રાંતિજ પોલીસે ચડ્ડી ગેંગને ઝડપી પાડી છે. પ્રાંતિજ વિસ્તારમાં થયેલી ચોરીની તપાસને લઈને પોલીસ તસ્કરોનું પગેરુ મેળવતા ગરબાડાની ચડ્ડી ગેંગના ત્રણ શખ્શોને ઝડપી લીધા છે. સાબરકાંઠા અને રાજ્યના અન્ય જિલ્લાઓના મળીને 35 જેટલા ગુન્હાઓને પ્રાંતિજ પોલીસ શોધવામાં સફળ રહી છે. સાબરકાંઠા જિલ્લામાં છેલ્લા કેટલાક સમયથી તસ્કરો માટે જાણે કે મોકળુ મેદાન બની ચૂક્યુ છે. વાહન ચોરી અને ઘરફોડ […]
પ્રાંતિજ પોલીસે ચડ્ડી ગેંગને ઝડપી પાડી છે. પ્રાંતિજ વિસ્તારમાં થયેલી ચોરીની તપાસને લઈને પોલીસ તસ્કરોનું પગેરુ મેળવતા ગરબાડાની ચડ્ડી ગેંગના ત્રણ શખ્શોને ઝડપી લીધા છે. સાબરકાંઠા અને રાજ્યના અન્ય જિલ્લાઓના મળીને 35 જેટલા ગુન્હાઓને પ્રાંતિજ પોલીસ શોધવામાં સફળ રહી છે. સાબરકાંઠા જિલ્લામાં છેલ્લા કેટલાક સમયથી તસ્કરો માટે જાણે કે મોકળુ મેદાન બની ચૂક્યુ છે. વાહન ચોરી અને ઘરફોડ તેમજ મંદીર ચોરી પણ જાણે કે સામાન્ય બની ચૂકી છે. આ દરમ્યાન પ્રાંતિજ પોલીસે પણ પોતાના વિસ્તારમાં થયેલી ચોરીને લઈ તપાસ હાથ ધરી હતી. તસ્કરોને ઝડપી પાડવા માટે હાથ ધરેલી કવાયત દરમ્યાન પ્રાંતિજ પોલીસને હિંમતનગરના ગઢોડા નજીક એક રોડ પ્લાન્ટમાં કામ કરતા શ્રમીકો સુધી કડી મળી આવી હતી. જેને લઈને પ્રાંતિજ પોલીસે ત્રણ શંકાના દાયરામાં રહેલા શખશો પર ધોંસ વધારી દીધી હતી અને જેને લઈને પોલીસને તેઓ ચડ્ડી ગેંગના સભ્યો હોવાની ચોંકાવનારી કડીઓ મળતા જ ત્રણેય શખ્શોને ઝડપી પાડ્યા હતા.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
ત્રણેય શખ્શોને ઝડપી લઈને તપાસ હાથ ધરતા તેમણે સાબરકાંઠા જિલ્લામાં આચરેલા ત્રણ જેટલા ગુન્હાઓનો ભેદ ઉકેલ્યો હતો. ગરબાડાની ચડ્ડી ગેંગ તરીકે ઓળખાતી સાબરકાંઠા પોલીસે ગુન્હાઓ તો ઉકેલ્યા છે, પરંતુ તેમના ચડ્ડી ગેંગ તરીકેની ઓળખનું પણ કારણ છે. આ ગેંગના લોકો શરીર પર ચડ્ડી પહેરવા સિવાય કોઈ જ કપડુ પહેરતા નહીં જેથી તેઓ સરળતાથી ઝડપાઈ ના શકે તેમજ તેમની ઓળખ કરવામાં પણ મુશ્કેલી રહે. ચડ્ડી પહેરીને દોડવા અને દિવાલ કુદવામાં પણ સરળતા રહેવાના કારણે ચડ્ડી પહેરી ચોરી કરવાનું પસંદ કરતા હતા. ચડ્ડીના ખિસ્સામાં પથ્થરના ટુકડા પણ રાખતા જેથી કોઈ જાગી જાય તો છુટા પથ્થર પણ મારતા હતા. આમ ચડ્ડી ગેંગ જ્યાં પણ જતી ત્યાં આંતક મચાવતી હતી. પ્રાંતિજ પોલીસ મથકના પોલીસ ઈન્સપેકટર પ્રહલાદસિંહ વાઘેલા કહ્યું હતુ કે વિસ્તારમાં કેટલીક ચોરીઓને લઈને તપાસ હાથ ધરી જેમાં બાતમી અને શંકાને આધારે આ ત્રણેય શખ્શોની ભુમિકા તપાસતા શંકા મજબુત બનતા તેમની પુછપરછ હાથ ધરી હતી અને તેમની પાસેથી ચોરીના ભેદ ઉકલવામાં સફળતા મળી છે.
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
હજુ અમને આશા છે કે ચડ્ડી ગેંગનો લીડર મળી આવશે તો વધુ ભેદ ઉકેલી શકાશે અને એ દિશામા પ્રાંતિજ પોલીસે તપાસ હાથ ધરી છે. પ્રાંતિજ પોલીસે ત્રણેય ચડ્ડી ગેંગના સભ્યોની તપાસ દરમ્યાન ના માત્ર પ્રાંતિજ વિસ્તારના જ ગુન્હાઓનો ભેદ ઉકેલ્યો હતો. પરંતુ તેઓએ એક બાદ એક જિલ્લાઓમાં પણ આચરેલી ચોરીઓ અંગેના પણ ખુલાસાઓ કરતા પોલીસ પણ ચોંકી ઉઠી હતી. તેઓેએ પ્રાંતિજ પોલીસની પુછપરછ દરમ્યાન અમદાવાદ શહેરમાં 14 જેટલી ચોરીઓ આચરી હોવાનું કબૂલ કર્યુ હતુ. જેમાં અમદાવાદના સોલા, વેજલપુર, કાગડાપીઠ, વાડજ, સરખેજ, કાલુપુર, માધુપુરા વિસ્તારમાંથી રોકડ અને ઘરેણાંની ચોરી આચરી હતી. આ ઉપરાંત વડોદરા, સુરત, રાજકોટ જેવા મહાનગરો, તેમજ અમરેલી, ખેડા, ગાંધીનગર અને નવસારી જિલ્લાઓમાં પણ ગરબાડાની ચડ્ડી ગેંગે ચોરીઓ આચરી છે. કુલ 35 જેટલી ચોરીઓ આચરી હોવાનું સામે આવ્યુ છે. મુખ્ય સુત્રધાર સહિત અન્ય ત્રણ આરોપીઓની પણ પ્રાંતિજ પોલીસે શોધખોળ હાથ ધરી છે. ગાંધીનગર રેન્જ આઈજી અભય ચુડાસમાના આવ્યા પછી તેમના માર્ગદર્શનને લઈ ગુન્હાશોધક માટે હોંશીયાર અધિકારીઓ અને પોલીસ કર્મીઓમાં પ્રોત્સાહન વધ્યુ હોય એમ છેલ્લા એક માસ દરમ્યાન ગુન્હા શોધવાની હારમાળા સર્જાઈ છે.
ઝડપાયેલા આરોપી
1. વિજયકુમાર શકરાભાઈ બારીયા 2. મુકેશભાઈ રાયસંગભાઈ બારીયા
3. મુકેશભાઈ દિપાભાઇ પલાસ
(ત્રણેય રહે. સરસોડા તા.ગરબાડા. જિ. દાહોદ)
ફરાર આરોપીઓ
1. પ્રકાશ દિતીયાભાઈ પલાસ મુખ્ય આરોપી
2. પંકજભાઈ મગનભાઈ પલાસ
3. રઈલાભાઈ ઉર્ફે રઈલો કાળાભાઈ ઉર્ફે કાળીયો પલાસ
(ત્રણેય રહે. સરસોડા તા.ગરબાડા. જિ. દાહોદ)
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Latest News Updates
