SURAT : વેપારીની આંખમાં મરચું નાખી 3 લૂંટારુઓએ 15 લાખની લૂંટ કરી

વેપારી પાસે 15 લાખની રોકડ હતી જે દુકાન વેચાણની આવક હતી. વેપારીની સલાબતપુરાની દુકાનના સોદા પેટે 15 લાખ રૂપિયા આવ્યા હતા. વેપારી પાસે 15 લાખ હોવાની લૂંટારુઓને ટીપ કોઇ જાણભેદુએ આપ્યા હોવાની પોલીસને આશંકા છે.

Robbers loot Rs. 15 lakhs from a trader using chili powder in Surat

TV9 Gujarati | Edited By: Nakulsinh Gohil | Updated on: Nov 28, 2021 | 4:05 PM

SURAT : સુરતમાં વેપારીની આંખમાં મરચું નાખી 3 લૂંટારુઓએ 15 લાખની લૂંટ કરી છે. સુરતના સિટીલાઈટ વિસ્તારમાં વેપારી દુકાન બંધ કરી ઘરે જતા હતા ત્યારે આંખમાં મરચાંની ભૂકી નાંખી 15.25 લાખની લૂંટ કરતા ભાગદોડ મચી હતી.સિટીલાઇટ ચંદન પાર્ક સોસાયટીમાં રહેતા અને FYBcomમાં અભ્યાસ કરતો 18 વર્ષીય યશ તેના નાના સાથે ડ્રેસ મટીરીયલ્સની દુકાનમાં મદદ કરે છે.દુકાન બંધ કરી યશ નાના સાથે કારમાં ઘરે આવવા નીકળ્યો હતો.રસ્તામાં સિટીલાઇટ તીર્થ સ્ટુડિયોની સામે 3 લૂટારૂઓ મોપેડ પર આવી કારને આંતરી હતી.

બે બદમાશે યશ અને તેના નાનાની આંખમાં મરચા ભૂકી નાખી ઝપાઝપી કરી હતી.જયારે ત્રીજા લૂંટારૂએ પાછળનો દરવાજો ખોલી બે બેગોમાં જેમાં એક બેગમાં 25 હજારની ધંધાના વકરાની રોકડ અને બીજી બેગમાં 15 લાખની રોકડ હતી જેની લૂંટ ચલાવી.આમ 15.25 લાખની રોકડની લૂંટ કરી ત્રણેય ભાગી છૂટ્યા હતા.વેપારીએ ઉમરા પોલીસ સ્ટેશને ફરિયાદ કરી હતી.કોઇ જાણભેદુએ લૂંટારુઓને ટીપ આપ્યા હોવાની પોલીસને આશંકા છે.હાલમાં તો પોલીસે સીસીટીવી ના આધારે તપાસ શરૂ કરી છે.

વેપારી પાસે 15 લાખની રોકડ હતી જે દુકાન વેચાણની આવક હતી. વેપારીની સલાબતપુરાની દુકાનના સોદા પેટે 15 લાખ રૂપિયા આવ્યા હતા. વેપારી પાસે 15 લાખ હોવાની લૂંટારુઓને ટીપ કોઇ જાણભેદુએ આપ્યા હોવાની પોલીસને આશંકા છે.

Web Stories View more