RAJKOT : યુવતી પર અત્યાચારનો વરવો કિસ્સો, યુવતીએ સોશિયલ મીડિયા થકી માગી મદદ
પૂર્વ પતિની હેરાનગતિથી પરેશાન એક યુવતીએ સોશિયલ મીડિયા પર એક વીડિયો વાયરલ કર્યો છે. જેમાં યુવતીએ પતિ પર ગંભીર આક્ષેપો લગાવ્યા છે.
ગુજરાતમાં ઘરકંકાસ, શારીરિક-માનસિક અત્યાચાર, પારિવારીક ઝઘડા, આડા સંબંધોની ઘટના અને છુટાછેડા બાદ વિવાદની ઘટનાઓ સામે આવતી રહે છે. ત્યારે રાજકોટમાં એક યુવતી પર અત્યાચારનો કિસ્સો સામે આવ્યો છે. પૂર્વ પતિની હેરાનગતિથી પરેશાન એક યુવતીએ સોશિયલ મીડિયા પર એક વીડિયો વાયરલ કર્યો છે. જેમાં યુવતીએ પતિ પર ગંભીર આક્ષેપો લગાવ્યા છે. ડિવોર્સ લીધા બાદ પણ પતિ હેરાન કરે છે, પૂર્વ પતિ સોશિયલ મીડિયામાં બદનામ કરવાની ધમકી આપે છે. આવા આરોપો યુવતીએ લગાવ્યા છે.
તો પૂર્વ પતિના ત્રાસથી યુવતીનું જીવવું મુશ્કેલ બન્યું છે અને પીડિત યુવતીએ પોતાનું જીવન બચાવવા મદદ માંગી છે. પોતાના 4 વર્ષના પુત્ર સાથે સોશિયલ મીડિયામાં યુવતીએ મદદ માંગી છે. દ્રશ્યોમાં જોઈ શકાય છે કે, યુવતી રડતા રડતા આજીજી કરી રહી છે કે મદદ કરો, પૂર્વ પતિના ત્રાસથી બચાવો. નહીં તો આપઘાત કરી લઈશ. રાજકોટમાં ચારિત્ર્ય પર શંકા રાખીને મારપીટ કરતા પતિ સાથે યુવતીએ છુટાછેડા લઇ લીધા હતા. છુટાછેડા બાદ પણ પૂર્વ પતિ હેરાન કરતો હોવાનો આક્ષેપ કરી રહી છે યુવતી. હાલ તો આ યુવતી અત્યાચારને લઇને મદદની માગ કરી રહી છે.
આ પણ વાંચો : Good News: ખેડૂતોને કપાસના મળશે સારા ભાવ, પરંતુ ખેડૂતોને આ બાબતોનું ધ્યાન રાખવા વૈજ્ઞાનિકોની સલાહ
