Rajkot: દારૂના 26 ગુના અને 3 વખત પાસાની હવા ખાનાર કુખ્યાત બુટલેગર ફિરોજ સંઘી પોલીસના સકંજામાં

રાજકોટ (Rajkot) સહિત સૌરાષ્ટ્રમાં વિદેશી દારૂનો કાળો કારોબાર કરનારા ફિરોજ સંઘી (Feroze Sanghi)ની પોલીસે ધરપકડ કરી છે. રાજકોટ ક્રાઈમ બ્રાન્ચે એક વર્ષ પહેલા વિદેશી દારૂનો જથ્થો ઝડપી પાડ્યો હતો. જેમાં તે વોન્ટેડ હતો, જે બાદ ગત 23મી જૂનના રોજ વાંકાનેર પોલીસ સ્ટેશન વિસ્તારમાંથી ક્રાઈમ બ્રાન્ચે વાંકાનેર પોલીસને સાથે રાખીને 5,100 જેટલી વિદેશી દારૂની બોટલ ઝડપી પાડી હતી.

જેમાં ફિરોજની સંડોવણી ખુલી હતી, આ બંન્ને ગુનામાં પોલીસ પકડથી ફિરોજ નાસતો ફરતો હતો. જેને આજે પોલીસે મહિકા ગામના પાટીયા નજીકથી પકડી પાડ્યો છે અને તેની સામે કાયદેસરની કાર્યવાહી હાથ ધરી છે. ફિરોજ જંગલેશ્વર વિસ્તારનો રહેવાસી છે અને અગાઉ અનેક વખત પ્રોહિબીશનના ગુનામાં પોલીસ ચોપડે ચડી ચૂક્યો છે.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

1 શેર પર ટાટા કંપની ઈતિહાસનું સૌથી મોટું ડિવિડન્ડ આપશે

ફિરોજનો ગુનાહિત ઈતિહાસ

પોલીસના કહેવા પ્રમાણે ફિરોજ સંઘી સૌરાષ્ટ્રનો કુખ્યાત બુટલેગર છે, તેની વિરુદ્ધ વર્ષ 2000થી લઈને 2021 સુધી સૌરાષ્ટ્રના રાજકોટ, રાજકોટ ગ્રામ્ય, મોરબી, સુરેન્દ્રનગર અને જામનગરના ધ્રોલ સહિત પોલીસ ચોપડે ખુન, મારામારી, પ્રોહિબીશનના 29 જેટલા ગુનાઓ નોંધાઈ ચૂક્યા છે. આ ઉપરાંત ત્રણ વખત પાસા હેઠળ નડિયાદ, મહેસાણા અને સુરત જેલની હવા ખાઈ ચૂક્યો છે.

પોલીસની પ્રાથમિક તપાસમાં ફિરોજે અમદાવાદ અને વાંકાનેરની વાડી વિસ્તારમાં ભાગતો ફરતો હોવાની કબૂલાત આપી છે. જો કે હજુ સુધી પોલીસ ફિરોજની વિદેશી દારૂની નક્કર કડી મેળવી શકી નથી. પોલીસની તપાસમાં આ શખ્સ બહારના રાજ્યોમાંથી દારૂ મંગાવતો હોવાની કબૂલાત આપી છે. જો કે તે કોની પાસેથી તે અંગે પોલીસ તપાસ કરી રહી છે. હાલ પોલીસ ફિરોજની વધુ પુછપરછ કરી રહી છે. આ શખ્સ સૌરાષ્ટ્રમાં કોને કોને વિદેશી દારૂ સપ્લાય કરતો હતો, તેની સાથે અન્ય કોણ કોણ સંડોવાયેલું છે તે દિશામાં તપાસ શરૂ કરી છે.

જો કે ફિરોજની ઓળખ પોલીસ મિત્ર તરીકે પણ કરવામાં આવે છે અને દરેક વખતે તે પોલીસના હાથમાંથી છટકી જાય છે. પોલીસના સિનિયર અધિકારીઓએ આ અંગે પણ તપાસ શરૂ કરી છે કે પોલીસ ફિરોજ સુધી પહોંચે તે પહેલા કોણ તેને માહિતી આપતું હતુ. હાલમાં પોલીસે ફિરોજની આગવી ઢબે પુછપરછ શરૂ કરી છે.

આ પણ વાંચો: Ahmedabad: ન્યુ ક્લોથ માર્કેટમાં કાપડ બજારના 40 વેપારીઓ સાથે રૂ 3.50 કરોડની છેતરપિંડી, ગૃહપ્રધાન પ્રદિપસિંહ જાડેજા સમક્ષ રજૂઆત