Rajkot : પ્રેમસંબંધમાં મહિલાને તાબે કરવા બાળકનું અપહરણ, દોઢ કલાકમાં આરોપી ઝડપાયો
પોલીસના કહેવા પ્રમાણે દિનેશ ફરિયાદી મહિલાના પ્રેમ સંબંધમાં હતો.અવારનવાર તે ફરિયાદી યુવતીને મળતો હતો.જો કે આ વાત ફરિયાદી મહિલાના ભાઇને પસંદ ન હતું અને તેના કારણે ફરિયાદીના ભાઇ અને દિનેશ વચ્ચે ઝઘડો થયો હતો.
પ્રેમ સંબંધમાં મહિલાને તાબે કરવા એક યુવકે 4 વર્ષના બાળકનું કર્યું અપહરણ, અપહરણ બાદ આપતો હતો સ્યુસાઇડની ધમકી
રાજકોટ (Rajkot)જિલ્લાના ધોરાજી તાલુકાના સૂપેડીમાંથી ગુરૂવારે સાંજે 4 વર્ષના બાળકના (Child) અપહરણ (Kidnapping)કેસમાં પોલીસે દોઢ કલાકમાં આરોપીને પકડી પાડ્યો છે.ગુરૂવારે સાંજના સમયે 4 વર્ષના બાળકનું અપહરણ કરીને એક શખ્સ ફરાર થયો હોવાની પોલીસને જાણ કરવામાં આવી હતી. જેના આધારે પોલીસે તપાસ શરૂ કરી પોલીસ માટે પડકારજનક બાબત એ હતી કે અપહરણ કરનાર યુવક ફરિયાદીને પોતે બાળકને નુકસાન પહોંચાડશે. અને ત્યારબાદ આત્મહત્યા કરી લેશે તેવી ધમકી આપતો હતો. પોલીસે કુનેહપૂર્વક આ શખ્સનો પીછો કર્યો અને ગોંડલ તાલુકાના અનીડા ગામ નજીકથી દિનેશ રાઠોડ નામના શખ્સને પકડી પાડ્યો હતો. અને બાળકને તેના ચુંગાલમાંથી છોડાવ્યો હતો.
શા માટે કર્યુ અપહરણ ?
પોલીસના કહેવા પ્રમાણે દિનેશ ફરિયાદી મહિલાના પ્રેમ સંબંધમાં હતો.અવારનવાર તે ફરિયાદી યુવતીને મળતો હતો.જો કે આ વાત ફરિયાદી મહિલાના ભાઇને પસંદ ન હતું અને તેના કારણે ફરિયાદીના ભાઇ અને દિનેશ વચ્ચે ઝઘડો થયો હતો. જેનો ખાર રાખીને દિનેશે ગુરૂવારે રાત્રીના સમયે ફરિયાદી અને તેના ભાઇને આંતરીને બાળકનું અપહરણ કરીને બાઇકમાં ફરાર થઇ ગયો હતો.અપહરણ કર્યા બાદ તે ફરિયાદીને પોતે આત્મહત્યા કરી લેશે તેવી ધમકી આપતો હતો.
પોલીસે સામાજિક આગેવાનની ભુમિકા ભજવી
દિનેશના કબ્જામાં બાળક હતો અને દિનેશ તેને નુકસાન પહોંચાડીને પોતે આત્મહત્યા કરવાની ચીમકી આપતો હતો જેથી પોલીસ માટે સૌથી વધુ ચિંતાનો વિષય હતો.આરોપીને વિશ્વાસમાં લેવા માટે સામાજિક અગ્રણી હોવાનું નાટક કર્યું હતુ અને તેમના જે પણ પ્રશ્ન છે તેનો નિકાલ કરવાની બાંહેધરી આપી હતી.જેથી વિશ્વાસમાં લઇને અનિડા નજીકથી તેને પકડી પાડવામાં આવ્યો હતો.
Latest News Updates
