Paytmમાં 20,000થી વધુ કર્મચારીઓની કરાશે ભરતી, જાણો કોણ કરી શકે છે અરજી
એક અહેવાલ પ્રમાણે ડિજિટલ પેમેન્ટ અને ફાઇનાન્શિયલ સર્વિસ કંપની Paytm ભારતભરમાં લગભગ 20,000 ફિલ્ડ સેલ્સ એક્ઝિક્યુટિવ્સની ભરતી કરી રહી છે.
એક અહેવાલ પ્રમાણે ડિજિટલ પેમેન્ટ અને ફાઇનાન્શિયલ સર્વિસ કંપની Paytm ભારતભરમાં લગભગ 20,000 ફિલ્ડ સેલ્સ એક્ઝિક્યુટિવ્સની ભરતી કરી રહી છે. ડિજિટલ માધ્યમ અપનાવવા અંગે વેપારીઓને શિક્ષિત કરવા માટે આ ભરતી કરવામાં આવી રહી છે. આ બાબતની નજીકના સૂત્રો દ્વારા આ માહિતી આપવામાં આવી હતી. Paytmએ નોકરીની જાહેરાત બહાર પાડી હતી, જેમાં કહેવામાં આવ્યું હતું કે ફીલ્ડ સેલ્સ એક્ઝિક્યુટિવ્સ (FSE) પાસે માસિક પગાર અને કમિશનમાં 35,000 અને તેનાથી વધુ કમાવાની મોટી તક છે. કંપની યુવા અને સ્નાતકોને એફએસઈ તરીકે નિયુક્ત કરવા માંગે છે.
એવી પણ માહિતી સામે આવી રહિ છે કે, Paytmએ FSE માટેની ભરતી કરવાનું શરૂ કર્યું છે. આ તક તે લોકો માટે છે કે જેઓ ધોરણ 10 અને 12 પાસ થયા છે અથવા સ્નાતક છે. આનાથી નાના શહેરો અને નગરોમાં રોજગાર મેળવવામાં મદદ મળશે. ખાસ કરીને તે લોકો માટે જેમણે કોરોના રોગચાળા દરમિયાન નોકરી ગુમાવી છે. કંપની મહિલા વેપારીઓને ડિજિટલ પેમેન્ટ અંગે શિક્ષિત કરવામાં મદદ માટે વધુ મહિલાઓને પ્રોત્સાહિત કરવા માંગે છે.
એફએસઈ કંપનીની ઇકોસિસ્ટમમાં પેટીએમ ઓલ-ઇન-વન ક્યૂઆર કોડ, પેટીએમ ઓલ-ઇન-વન પીઓએસ મશીન, પેટીએમ સાઉન્ડબોક્સ તેમજ વોલેટ્સ, યુપીઆઇ, પેટીએમ પોસ્ટપેડ, મર્ચન્ટ લોન્સ સહિતના ઉત્પાદનોની સમગ્ર શ્રેણીને પ્રોત્સાહન આપશે.
પેટીએમ વેપારીઓને પુરસ્કાર આપવા માટે બાંયધરીકૃત કેશબેક ઓફર પણ ચલાવી રહ્યું છે. એફએસઇ દ્વારા મેળવી શકાય તેવા સાઉન્ડબોક્સ અને આઇઓટી (ઇન્ટરનેટ ઓફ થિંગ્સ) ઉપકરણો પણ ઓફર કરી રહ્યું છે.
કંપનીએ આ વર્ષે કાર્યક્રમ માટે 50 કરોડ રૂપિયા પ્રતિબદ્ધ કર્યા છે, જેમાં બે કરોડથી વધુ વેપારીઓને દૈનિક જીવનમાં પેટીએમનો ઉપયોગ કરવાનો લક્ષ્યાંક છે. ડેટા ફર્મ RedSeer’sના જણાવ્યા અનુસાર, Paytmનું ગ્રોસ મર્ચેન્ડાઇઝ વેલ્યુ (GMV) લગભગ 4 લાખ કરોડ રૂપિયા છે. જે પેમેન્ટ ઉદ્યોગમાં સૌથી વધુ છે.