મોહાલી MMS કાંડ: શું મહિલાઓને પણ બનાવવામાં આવી હતી શિકાર? Truecaller દ્વારા ખુલ્યુ રાઝ
આરોપી વિદ્યાર્થી જે નંબર પર વીડિયો મોકલતો હતો તે નંબર FIRમાં નોંધાયેલ છે. True caller પર તે નંબર સર્ચ કરતાં ઘણા લોકોના મેસેજ મળી આવ્યા હતા. એક યુઝરે 15 ફેબ્રુઆરીએ ફાઈલ કરેલા પોતાના મેસેજમાં લખ્યું છે કે બ્લેકમેલ મેસેજ અને કોલિંગ.
મોહાલીના MMS કાંડ (Mohali MMS Case)માં એક નવો ખુલાસો થયો છે. પોલીસ જે મોબાઈલ નંબરની તપાસ કરી રહી છે તેને ટ્રુકોલર (True caller)એપ પર સ્કેમર્સની શ્રેણીમાં સામેલ કરવામાં આવ્યો છે. અહીં ઘણા લોકોએ આ નંબર પરથી બ્લેકમેલિંગ મેસેજ પણ રેકોર્ડ કર્યા છે. આ સંદેશાઓ ફેબ્રુઆરીથી પોસ્ટ કરવામાં આવ્યા છે. પોલીસને શંકા છે કે આરોપી પહેલાથી જ મહિલાઓ અને યુવતીઓને બ્લેકમેલ કરી રહ્યો છે. આવી સ્થિતિમાં સાયબર સેલે આ મામલાની તપાસ શરૂ કરી છે.
પોલીસે ચંદીગઢ યુનિવર્સિટીના વીડિયો કાંડમાં રવિવારે કેસ નોંધ્યો હતો. આરોપી વિદ્યાર્થી જે નંબર પર વીડિયો મોકલતો હતો તે નંબર FIRમાં નોંધાયેલ છે. True caller પર તે નંબર સર્ચ કરતાં ઘણા લોકોના મેસેજ મળી આવ્યા હતા. એક યુઝરે 15 ફેબ્રુઆરીએ ફાઈલ કરેલા પોતાના મેસેજમાં લખ્યું છે કે બ્લેકમેલ મેસેજ અને કોલિંગ.
અન્ય યુઝરે 19 જૂને લખ્યું છે કે મારી સાથે પણ આવું જ થઈ રહ્યું છે, શું કોઈને ખબર છે કે તે શું છે. અન્ય એક યુઝરે અહીં લખ્યું છે કે આ વ્યક્તિ મારી પત્નીને ફોન કરી રહ્યો છે. તેવી જ રીતે અન્ય ઘણા યુઝર્સે આ એપ પર આરોપીના આ નંબરને બ્લેકમેલરનો નંબર જણાવ્યો છે.
આરોપીની ટ્રુકોલર પ્રોફાઈલમાં અત્યાર સુધીમાં 55 લોકોએ તેને સ્કેમર કહ્યો છે, જ્યારે ટ્રુકોલરના રેકોર્ડ મુજબ, આ વ્યક્તિએ છેલ્લા બે મહિનામાં આવા 135 કોલ કર્યા છે, જેમાંથી મોટા ભાગના બપોરે 3:00 થી સાંજના 6:00 વાગ્યાના સમય સુધીમાં કરેલા હતા. પોલીસની સાયબર ટીમ આ મામલાની તપાસમાં લાગી ગઈ છે. આ મામલે પોલીસ આરોપીની પણ પૂછપરછ કરી રહી છે. આ દરમિયાન પોલીસ ઘણા મોટા ખુલાસા કરે તેવી શક્યતા છે.
શું છે True caller
આ Android અને iPhone માટે કોલિંગ અને મેસેજિંગ એપ છે. તેના દ્વારા કોઈપણ યુઝર કોલ અને મેસેજ કરી શકે છે. ઉપરાંત, આ એપ દ્વારા, કોઈપણ મોબાઇલ નંબરના વપરાશકર્તાની પ્રોફાઇલ જેમ કે તેનું નામ, તેનો વ્યવસાય અને સરનામું પણ તપાસી શકાય છે. આ એપ્લિકેશન દ્વારા તેના અન્ય વપરાશકર્તાઓની કમેન્ટ્સના આધારે, કોઈ પણ નંબરને સ્કેમની શ્રેણીમાં રાખવામાં આવે છે.
Latest News Updates
