દેવભૂમિ દ્વારકા ડ્રગ્સ કેસમાં ગુજરાત ATSએ ઝડપ્યા વધુ 4 આરોપી, અત્યાર સુધીમાં 730 કરોડનું ડ્રગ્સ જપ્ત
તપાસ દરમિયાન વધુ 2 કિલો હેરોઈનનો જથ્થો જામનગરના રોઝી બંદરેથી રિકવર કરવામાં આવ્યું છે.અત્યારસુધીમાં આ ગુનામાં 11 આરોપીઓની ધરપકડ કરવામાં આવી છે.
AHMEDABAD : પાકિસ્તાનથી ઘૂસાડવામાં આવેલા 120 કિલો હેરોઈન કેસમાં ગુજરાત ATSસે મોટી કાર્યવાહી કરી છે.આ કેસમાં સોમવારે વધુ ચાર આરોપીઓને ઝડપી લેવામાં આવ્યાં છે.તપાસ દરમિયાન વધુ 2 કિલો હેરોઈનનો જથ્થો જામનગરના રોઝી બંદરેથી રિકવર કરવામાં આવ્યું છે.અત્યારસુધીમાં આ ગુનામાં 11 આરોપીઓની ધરપકડ કરવામાં આવી છે.
ગુજરાત ATSની ટીમે અત્યારસુધી 146 કિલો ડ્રગ્સ જપ્ત કર્યું છે, જેની આંતરરાષ્ટ્રીય બજારમાં 730 કરોડ આસપાસની કિંમત છે.પાકિસ્તાનથી ગુજરાતમાં ડ્રગ્સ ઘુસાડવામાં આવતું હતું.પાકિસ્તાનથી ડ્રગ્સની હેરાફેરી જામનગરના જોડિયાનો રહેવાસી ઈશા રાવ કરતો હતો, જે ડ્રગ્સ કેસનો મુખ્ય આરોપી છે.
આરોપી ઈશા રાવ પાકિસ્તાનથી ગુજરાત ડ્રગ્સ લાવતો હતો, ત્યારબાદ, પંજાબ સુધી પહોંચાડતો હતો..ઈશા રાવે અનેકવાર દૂબઈ અવર-જવર કરી હોવાનું પણ તપાસમાં બહાર આવ્યું છે.ઈશા રાવ આ ગુનામાં વોન્ટેડ છે.અલગ-અલગ ટીમ બનાવી નશાના નેટવર્કના મૂળ સુધી પહોંચવાના ગુજરાત ATSએ પ્રયાસ હાથ ધર્યા છે.
ઉલ્લેખનીય છે કે ગત 17 નવેમ્બરે દેવભૂમિ દ્વારકાના કલ્યાણપુરના નાવદ્રા ગામેથી 120 કરોડની કિંમતનું વધુ 24 કિલો હીરોઇન ઝડપાયું હતું. ગુજરાત ATSએ હેરોઈન સાથે વધુ 3 લોકોની ધરપકડ પણ કરી હતી. સાથે જ ATSની તપાસમાં સામે આવ્યું છે કે, પંજાબની ફરિદકોટ જેલમાં બંધ ભૂષણ શર્મા ઉર્ફે ભોલો શૂટર નામનો શખ્સ ડ્રગ્સનું નેટવર્ક ચલાવતો હતો.
ભૂષણ શર્મા ઉર્ફે ભોલા શૂટર સામે અનેક રાજ્યોમાં ખંડણી અને હત્યાના કેસ નોંધાયેલા હોવાનો પણ ખુલાસો થયો છે. મોરબીના ઝિંઝુડામાંથી ઝડપાયેલા આરોપીની પૂછપરછમાં આરોપીએ નાવદ્રામાં ડ્રગ્સ છૂપાવાયું હોવાનું કબૂલ્યું હતું.
