37 ખાતાઓમાં આશરે રૂપિયા 12 કરોડ, ગેરકાયદેસર બંદૂકો, જીવતા કારતુસ અને 5 સ્ટોન ક્રશર… હેમંત સોરેનના સાથી પાસે બીજું શું મળ્યું?
ઈડીએ(ED) 7 જુલાઈએ સાહિબગંજ, બરહૈત, રાજમહેલ, મિર્ઝા ચોકી અને બરહરવામાં 19 સ્થળોએ સર્ચ ઓપરેશન હાથ ધર્યું હતું. જેમાં ગુનાહિત દસ્તાવેજો અને 5.34 કરોડની રોકડ જપ્ત કરવામાં આવી હતી.
ઇડી ઝારખંડના (Jharkhand) સીએમ હેમંત સોરેનના રાજકીય પ્રતિનિધિ પંકજ મિશ્રા અને તેમના સહયોગીઓ પર કડક કાર્યવાહી કરી રહી છે. તેમના 37 બેંક ખાતાઓ પર દરોડા પાડ્યા બાદ EDએ તેમના ખાતામાં પડેલી 11.88 કરોડ રૂપિયાની રોકડ જપ્ત કરી છે. સર્ચ ઓપરેશન દરમિયાન EDએ તેમના છુપા ઠેકાણાઓમાંથી પાંચ સ્ટોન ક્રશર પણ જપ્ત કર્યા છે. તેઓ ગેરકાયદેસર રીતે સંચાલિત હતા. આ સાથે EDએ પાંચ ગેરકાયદેસર બંદૂકો અને કારતુસ પણ જપ્ત કર્યા છે.
જુદા-જુદા લોકોના નિવેદનો અને ડીજીટલ પુરાવાઓ અને દસ્તાવેજોની ચકાસણી પરથી મળેલા પુરાવા મુજબ જંગલ વિસ્તાર સહિત સાહિબગંજ વિસ્તારમાં મોટા પાયે ગેરકાયદેસર ખનન થતું હોવાથી જપ્ત કરાયેલી રકમ અને બેંક બેલેન્સ મળી આવ્યું હતું. ‘ધ ઈન્ડિયન એક્સપ્રેસ’ના સમાચાર અનુસાર, મની લોન્ડરિંગના મામલામાં પંકજ મિશ્રા વિરુદ્ધ તપાસ કરી રહેલી એજન્સીએ દાવો કર્યો છે કે જપ્ત કરવામાં આવેલી રકમ સીએમ હેમંત સોરેનના મતવિસ્તાર સાહિબગંજ સહિત અનેક સ્થળોએથી ગેરકાયદેસર ખનનથી થયેલી આવકનો એક ભાગ છે. એક ભાગ છે. પંકજ મિશ્રા ઉપરાંત ડાહુ યાદવના બેંક ખાતા પણ જપ્ત કરવામાં આવ્યા છે.
19 જગ્યાએથી 5.34 કરોડની રોકડ મળી આવી હતી
અગાઉ 7 જુલાઈએ પણ EDએ સાહિબગંજ, બરહૈત, રાજમહેલ, મિર્ઝા ચોકી અને બરહરવામાં 19 સ્થળોએ સર્ચ ઓપરેશન હાથ ધર્યું હતું. જેમાં ગુનાહિત દસ્તાવેજો અને 5.34 કરોડની રોકડ જપ્ત કરવામાં આવી હતી. EDના નિવેદન અનુસાર, આ બેંક ખાતાઓમાંથી 100 કરોડ રૂપિયાની આવક પણ મળી આવી છે. EDની આ દરોડા એવા સમયે પડી છે જ્યારે સીએમ હેમંત સોરેન પોતે ભ્રષ્ટાચારના આરોપોનો સામનો કરી રહ્યા છે. ચૂંટણી પંચે હેમંત સોરેનના ભાઈ અને દુમકાથી ધારાસભ્ય બસંત સોરેનને માઈનિંગ લીઝના સંબંધમાં પહેલાથી જ નોટિસ પાઠવી છે.
ગેરકાયદેસર ખનનમાંથી મોટી કમાણીનો ખુલાસો
મે મહિનામાં, EDએ કથિત મનરેગા કૌભાંડ સાથે સંબંધિત 36 સ્થળો પર સર્ચ હાથ ધર્યું હતું. ઝારખંડ માઇનિંગ સેક્રેટરી પૂજા સિંઘલના ઘણા ઠેકાણાઓ પણ આમાં સામેલ હતા. તે દરમિયાન તપાસ એજન્સીએ 19.76 કરોડ રૂપિયા રોકડા જપ્ત કર્યા હતા. આ કેસમાં પૂજા સિંઘલ અને તેના CA સુમન કુમારની ધરપકડ કરવામાં આવી હતી. EDએ અત્યાર સુધીમાં ગેરકાયદેસર ખનનમાંથી મળેલી 36.58 કરોડની રોકડ અને બેંક બેલેન્સ જપ્ત કરી છે. જણાવી દઈએ કે જૂન 2020માં એક ટોલ ટેક્સ કોન્ટ્રાક્ટરે સાહિબગંજના બધરવા પોલીસ સ્ટેશનમાં પંકજ મિશ્રા વિરુદ્ધ ફરિયાદ નોંધાવી હતી.