BSFએ 1.72 કરોડના 30 સોનાના બિસ્કીટ કર્યા જપ્ત, 2 ભારતીય તસ્કરોની કરાઈ ધરપકડ
પશ્ચિમ બંગાળને અડીને ભારત-બાંગ્લાદેશ સરહદ પર તહેનાત બોર્ડર સિક્યુરિટી ફોર્સની ટીમે 2 ભારતીય તસ્કરોને 1.72 કરોડના સોના સાથે ધરપકડ કરી છે.
પશ્ચિમ બંગાળને (West Bengal) અડીને ભારત-બાંગ્લાદેશ સરહદ (India-Bangladesh Border) પર તૈનાત બોર્ડર સિક્યુરિટી ફોર્સ (BSF)ની ટીમે 2 ભારતીય તસ્કરોને 1.72 કરોડના સોના સાથે ધરપકડ કરી છે. બીએસએફ દ્વારા સોમવારે રાત્રે જારી કરાયેલા નિવેદનમાં આ અંગેની માહિતી આપવામાં આવી છે. એવું કહેવામાં આવ્યું છે કે ઉત્તર 24 પરગણા જિલ્લામાં બે ભારતીય તસ્કરો 30 આંતરરાષ્ટ્રીય બોર્ડર પરથી 30 સોનાના બિસ્કીટ સાથે પકડાયા હતા.
જપ્ત કરેલા સોનાના બિસ્કિટનું કુલ વજન 3499.78 ગ્રામ છે. જેની ભારતીય બજારમાં અંદાજિત કિંમત 1 કરોડ 72 લાખ 60 હજાર 420 રૂપિયા છે. ઉત્તર 24 પરગણા જિલ્લાના બીઓપી પેટ્રાપોથી દાણચોરી દ્વારા આ તમામ ગોલ્ડ બિસ્કિટને બાંગ્લાદેશથી ભારત લાવવાનો પ્રયાસ થયો હતો. તેમની ઓળખ સુમન તરફદાર (29 વર્ષ) અને આશિક હલદર (23 વર્ષ) તરીકે થઈ છે. પકડાયેલા તસ્કરો સાથે જપ્ત કરેલા સોનાના બિસ્કીટને આગળની કાયદેસરની કાર્યવાહી માટે કસ્ટમ ઓફિસ પેટ્રાપોલને સોંપવામાં આવ્યા છે.
નિવેદનમાં કહેવામાં આવ્યું છે કે, દૈનિક રૂટિની ફરજ દરમિયાન બીએસએફના જવાનો આઈસીપી પેટ્રાપોલ રેલ્વે ક્રોસિંગ નજીક રૂટિન સર્ચ ઓપરેશન પર હતા. બોર્ડર સિક્યુરિટી ફોર્સના જવાનોએ એક શંકાસ્પદ મોટરસાયકલ સવાર પાર્કિંગ એરિયાની બહાર જયંતિપુર તરફ જતા જોયો હતો. જ્યારે બોર્ડર સિક્યુરિટી ફોર્સના જવાનોએ મોટરસાયકલ ચલાવનારને અટકાવી તેની તલાશી લીધી ત્યારે તેના કપડાની અંદર કમરમાં બાંધીને 30 સોનાના બિસ્કીટ મળી આવ્યા હતા. સૈનિકોએ સોનાના બિસ્કિટ જપ્ત કર્યા હતા.
પૂછપરછ દરમિયાન પકડાયેલા સુમન તરફદારે જણાવ્યું હતું કે, તે વ્યવસાયે ટ્રક ડ્રાઈવર છે. તેણે વધુમાં જણાવ્યું હતું કે તે ફુકટો કંપનીની ટ્રક સાથે સમયે સમયે બાંગ્લાદેશ જતો રહે છે. 179 વી વાહિનીના કમાન્ડિંગ ઓફિસર અરૂણ કુમારે જણાવ્યું હતું કે, આઈસીપી પેટ્રાપોલે કસ્ટમ્સ અધિકારીઓ સાથે આયાત અને નિકાસ વાહનો અને મુસાફરોના અંગત સામાનની આડમાં તસ્કરી અટકાવવા માટે વાતચીત કરી છે, જેથી સામાનની આડમાં કોઈપણ પ્રકારના તસ્કરી થઈ શકે નહીં. તેમણે કહ્યું હતું કે આયાત-નિકાસ વાહનોની આડમાં કોઈ દાણચોરી થતી નથી તેની અવગણના કરી શકાય નહીં.