ભરૂચ સિવિલ હોસ્પિટલના ગાર્ડરૂમમાંથી બે કેદી ફરાર, ગાર્ડની આંખો ઘેરાઈ અને બંને આરોપી વેન્ટીલેશન કુદી રફુચક્કર
ભરૂચ સિવિલ હોસ્પિટલમાંથી બે કાચા કામના આરોપીઓ ફરાર થઈ જતા પોલીસ દોડતી થઈ છે. રાતના સુમારે ગાર્ડરૂમના વેન્ટિલેશનમાંથી બંને ફરાર થઈ જતા એ ડિવિઝન પોલીસે ગુનો નોંધી શોધખોળ શરુ કરી છે. અંકલેશ્વર શહેર પોલીસ દ્વારા સગીરાને ભગાડી જવાના ગુનામાં પોક્સો એક્ટ હેઠળ ધરપકડ કરાયેલ ધરપકડ કરાયેલ અર્જુન પરમારમાં કોરોનના લક્ષણ દેખાતા તેને ૩ સપ્ટેમ્બરે સિવિલ […]
ભરૂચ સિવિલ હોસ્પિટલમાંથી બે કાચા કામના આરોપીઓ ફરાર થઈ જતા પોલીસ દોડતી થઈ છે. રાતના સુમારે ગાર્ડરૂમના વેન્ટિલેશનમાંથી બંને ફરાર થઈ જતા એ ડિવિઝન પોલીસે ગુનો નોંધી શોધખોળ શરુ કરી છે.
અંકલેશ્વર શહેર પોલીસ દ્વારા સગીરાને ભગાડી જવાના ગુનામાં પોક્સો એક્ટ હેઠળ ધરપકડ કરાયેલ ધરપકડ કરાયેલ અર્જુન પરમારમાં કોરોનના લક્ષણ દેખાતા તેને ૩ સપ્ટેમ્બરે સિવિલ હોસ્પિટલ સારવાર માટે ખસેડાયો હતો.
તો આકાશ વસાવા નામનો હત્યાનો આરોપી જેલમાં સાબુ ખાઈ ગયો હતો જે બાદ પેટમાં દુઃખાવાની ફરિયાદ કરતા તેને ૫ સપ્ટેમ્બરે સિવિલ હોસ્પિટલ ખસેડયો હતો.
ગાર્ડ રૂમમાં પહેરા વચ્ચે રખાયેલ બંને કેદી રાતે ૩ વાગ્યા બાદ ગાર્ડની આંખ લાગી જતા વેન્ટિલેશનમાંથી બહાર નીકળી ફરાર થઇ ગયા હતા. સવારે બે કાચા કામના કેદી ગાર્ડરૂમમાં નજરે ન પડતા પોલીસને જાણ કરાઈ હતી. ઘટના સંદર્ભે એ ડિવિઝન પોલીસે ગુનો નોંધી ફરાર બંને આરોપીઓની શોધખોળ હાથ ધરી છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો