ગજબ કિસ્સો, ATMમાંથી 11 વખત પૈસા કાઢીને આરોપીએ બેંક પર દાવો કર્યો કે પૈસા નથી નીકળતાં, અંતે CCTVમાં સમગ્ર ભાંડો ફૂટી ગયો !

અમદાવાદ ની યુનિયન બેન્ક દ્વારા જાન્યુઆરી મહિનાથી ઓક્ટોબર 2018 સુધીમાં એટીએમમાં કેશ અને થયેલા વ્યવહારોનો હિસાબ ન મળતા એટીએમની સિસ્ટમની તપાસ કરવામાં આવી હતી. જેમાં એટીએમની સિસ્ટમ બરાબર હોવાનું સામે આવ્યું હતું. બીજી તરફ એક જ ગ્રાહકનો એટીએમમાંથી પૈસા ન મળ્યા હોવાનો ક્લેમ પણ આવતો હતો. વાંરવાર આવેલા આ કોલને પગલે સ્ટાફ એલર્ટ થઇ ગયો. જેના પગલે તપાસ કરાતા સુરતની હરિપુરા શાખામાં ખાતુ ધરાવતા હરેશ પટેલ નામના વ્યક્તિનો ક્લેમ થતો હોવાનું બહાર આવ્યું હતું અને સીસીટીવીની ફૂટેજની તપાસ કરતા હરેશ પટેલએ ચાંદખેડામાં 11 વખત કાર્ડ દ્વારા પૈસા કાઢ્યા હતા અને એટીએમની અંદર ચેડા કરી રૂપિયા કાઢી લીધા હતા.

જ્યારે શાહીબાગની અસારવાર બ્રાંચમાં સાત વાર એટીએમ સાથે ચેડા કરી વારંવાર ક્લેમ કરી ડબલ રૂપિયા મેળવ્યા હોવાનું સામે આવ્યું. આરોપીની મોડ્સ ઓપરેન્ડી વાત કરીએ તો એટીએમમાં હાર્ડવેર એરર હોવાનું કહી પૈસા ન મળ્યા હોવાનું ક્લેમ કરતો હતો. આરોપી હરેશે એટીએમમાંથી જે ખાનામાંથી પૈસા આવે ત્યાં આંગળી નાખીને પૈસા આવી ગયા બાદ આંગળી નાખતો હતો. જેથી તેને રૂપિયા તો મળી જતા પણ તેની એન્ટ્રી પડતી ન હતી અને આ જ રીતે તેણે અલગ-અલગ તારીખે ચાંદખેડામાં કુલ રૂ 1.54 લાખ  અને શાહીબાગમાં 94 હજાર રૂપિયા કાઢી લીધા હતા અને બેંકની સામે ખોટો ક્લેમ કર્યો હતો.