Aravalli: ભાજપના આગેવાન પુત્ર સહિત 9 શખ્સ જુગાર રમતા ઝડપાયા, પોલીસે 9 લાખનો મુદ્દામાલ જપ્ત કર્યો

અરવલ્લી જીલ્લાનુ રાજકારણ હાલમાં છેલ્લા કેટલાક દિવસો થી ચર્ચામાં છવાયેલુ છે. જીલ્લા પ્રમુખ સામે પત્ર લખવા થી લઇને વિવાદની શરુઆત થઇ હતી. હવે આગેવાન પુત્ર જુગાર રમતો ઝડપાઇ આવ્યો છે.

Avnish Goswami | Updated on: Jul 25, 2021 | 12:51 PM

અરવલ્લી (Aravalli) જીલ્લાના ફરેડી ગામની સીમમાંથી, નવ જુગારીઓને મોડાસા રુરલ પોલીસે (Modasa Rural Police) ઝડપી પાડ્યા છે. ફરેડી ગામ નજીક આવેલી એક રુમમાં જુગાર રમતા હોવાની જાણકારી મળતા મોડાસા રુરલ પોલીસે દરોડો પાડતા એક સાગમટે જ 9 નબીરાઓ જુગાર રમતા દરમ્યાન જ રંગેહાથ પોલીસે ઝડપ્યા હતા. ઝડપાયેલા શખ્શમાં જિલ્લાના ભાજપ (BJP) ના પૂર્વ મહામંત્રીનો પુત્ર પણ સામેલ હતો.

રાજકીય આગેવાનનો પુત્ર કેતન પ્રજાપતિ ઝડપાયો હતો. આ ઉપરાંત સિંચાઇ વિભાગનો એન્જીનીયર આન પટેલ જુગાર રમતા ઝડપાઇ આવ્યો હતો. જ્યારે એક વકીલ પણ જુગારમાં સામેલ હોવાને લઇ ઘટનાની જિલ્લામાં ચર્ચામાં છવાઇ છે.

મોડાસા રુરલ પોલીસ મુજબ આરોપી 9 શખ્સ ગંજીફાના પાના વડે હાર જીતનો જુગાર રમતા હતા. આ દરમ્યાન આ અંગેની બાતમી મળતા સ્થાનિક પોલીસની ટીમો દ્વારા ફરેડી ગામની સીમમાં દરોડો પાડ્યો હતો. જ્યાં બાતમીનુસાર જ આરોપીઓ જુગાર રમતા અને રમાડતા હોવાનુ જણાઇ આવ્યુ હતુ. પોલીસે નેતા પુત્ર સહિત તમામ શખ્સને રંગે હાથ ઝડપી લઇ આરોપીઓને રુરલ પોલીસ મથકે લઇ અવાયા હતા.

Web Stories View more

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

દરોડા દરમ્યાન પોલીસને દાવ પર લગાવેલી રોકડ રકમ માત્ર 1700 રુપિયા જ હાથ લાગ્યા હોવાનુ ફરિયાદમાં નોંધવામાં આવ્યુ છે. જ્યારે અન્ય રકમ 56,650 તેમની અંગઝડતી દરમ્યાન મળી આવી હતી. આરોપીઓના મોંઘાદાટ 7 મોબાઇલ ફોન અને 3 કાર સહિત 9 લાખ રુપિયાનો મુદ્દામાલ જપ્ત કરવામાં આવ્યો હતો.