Ahmedabad: બાપુનગરમાં અસામાજીક તત્વોનો આતંક, પાર્ક કરેલી કારમાં આગ ચાંપી, જુઓ CCTV

બાપુનગર પોલીસે (Bapunagar police) મેળવેલા સીસીટીવી ફુટેજમાં જોઇ શકાય છે કે બાપુનગર ચાર રસ્તાથી ચાલતો અજાણ્યો વ્યક્તિ ગાડી નજીક આવે છે અને કોઈ જ્વલનશીલ પદાર્થ છાંટીને આગ લગાવી દે છે.

Ahmedabad: બાપુનગરમાં અસામાજીક તત્વોનો આતંક, પાર્ક કરેલી કારમાં આગ ચાંપી, જુઓ CCTV
Anti-social elements set fire to a parked car
Follow Us:
Mihir Soni
| Edited By: | Updated on: May 11, 2022 | 2:16 PM

અમદાવાદમાં (Ahmedabad) દિવસેને દિવસે અસામાજીક તત્વોનો આતંક વધતો જઇ રહ્યો છે. બાપુનગર વિસ્તારમાં વધુ એક અસામાજીક તત્વોના આતંકની ઘટના સામે આવી છે. બાપુનગર (Bapunagar) વિસ્તારમાં ડાયમંડ માર્કેટ નજીક આંગડિયા પેઢીના માલિકની ગાડીને અસામાજિક તત્વોએ આગ લગાડી હોવાની પોલીસ ફરિયાદ (Police complaint) નોંધાઇ છે. એક અજાણ્યો વ્યક્તિ પાર્ક કરેલી ગાડીમાં આગ લગાડીને ફરાર થઈ ગયો હતો. આ સમગ્ર ઘટનાના સીસીટીવી પણ સામે આવ્યા છે. બાપુનગર પોલીસે (Bapunagar police) સમગ્ર મામલે વધુ તપાસ શરૂ કરી છે.

અજાણ્યા વ્યક્તિએ કારમાં આગ લગાડી

અમદાવાદ શહેરના બાપુનગર વિસ્તારમાં આવેલા ડાયમંડ પાર્ક વિસ્તારમાં અસામાજીક તત્વોએ માત્ર તેમની મોજ ખાતર કોઇની મિલકતને નુકસાન પહોંચાડ્યુ છે. ડાયમંડ પાર્ક વિસ્તારમાં આંગડિયા પેઢીના માલિક જીગ્નેશ ભાઈ સુતરીયાની ગાડી પાર્કિંગમાં પાર્ક હતી. ત્યારે એક અજાણ્યો વ્યક્તિ ગાડીમાં આગ લગાવતા સીસીટીવીમાં કેદ થયો છે.

ગરમી વધતા જ અપાય છે જુદા - જુદા કલરના એલર્ટ, જાણો શું છે તેનો અર્થ
શરીરમાં કયા વિટામિનની કમી છે કેવી રીતે જાણશો ?
IPL 2024 : આંખોમાં આંસુ, ગૂંગળામણની લાગણી... રિયાન પરાગે તેની તોફાની ઈનિંગ પછી શું કહ્યું?
ગુજરાતમાં ક્યાં છે ક્રિકેટરની પત્ની MLA રિવાબા જાડેજાનું ઘર
IPL 2024માં KKR ના માલિકોની સુંદર દીકરીઓ, જુઓ તસવીરો
IPL 2024: ખરાબ રીતે ફ્લોપ ચાલી રહેલ 17 કરોડનો ખેલાડીએ ભગવાન કૃષ્ણના શરણમાં

CCTV ફુટેજના આધારે પોલીસે શરુ કરી તપાસ

બાપુનગર પોલીસે મેળવેલા સીસીટીવી ફુટેજમાં જોઇ શકાય છે કે બાપુનગર ચાર રસ્તાથી ચાલતો અજાણ્યો વ્યક્તિ ગાડી નજીક આવે છે અને કોઈ જ્વલનશીલ પદાર્થ છાંટીને આગ લગાવી દે છે. હાલમાં તો આ આગ કોણે લગાડી તેને લઈને બાપુનગર પોલીસે ગાડી ચાલક કમલેશભાઈની ફરિયાદ નોંધી છે. બાપુનગર ડાયમંડ માર્કેટમાં આવેલી પી. શૈલેષ આંગડિયા પેઢીના માલિકની ગાડીમાં આગ લાગવાની ઘટનાને લઈને કોઈ અદાવત હતી કે નશામાં આગ લગાવી છે તે મુદ્દે હાલ બાપુનગર પોલીસે તપાસ શરૂ કરી છે.

અગાઉ પણ બનેલી છે આવી ઘટનાઓ

મહત્વનું છે કે અગાઉ પણ અસામાજિક તત્વોએ વાહનોમાં તોડફોડ અને આગ લગાવવાની ઘટના સામે આવેલી છે. ત્યારે આ કેસમાં પણ એક વ્યક્તિની ગુનાહિત કરતૂત સીસીટીવીમાં કેદ થઈ છે. ત્યારે આ અજાણ્યો શખ્સ કોણ છે તેને પકડવા પોલીસે અન્ય વિસ્તારના સીસીટીવી ચેક કરીને તપાસ શરૂ કરી છે. જો કે બાપુનગર વિસ્તારમાં અસામાજિક તત્વોના વધ એક આંતકની ઘટનાના પગલે પોલીસ આરોપી સુધી ક્યારે પહોંચે છે તે જોવું રહ્યું.

Latest News Updates

g clip-path="url(#clip0_868_265)">