Ahmedabad: એવું તો શું થયું કે સગી જનેતાએ જ લીધો બે સંતાનોનો જીવ, 45 વર્ષીય મહિલાએ સગા અને સાવકા દીકરાની કરી નાખી હત્યા

અમદાવાદના કણભામાં સાવકી માતાએ રૂપિયાની લેતીદેતીમાં પુત્રનો ઠપકો સાંભળી નહિ શકતા હત્યાનો પ્લાન ઘડી નાખ્યો.

Ahmedabad: એવું તો શું થયું કે સગી જનેતાએ જ લીધો બે સંતાનોનો જીવ, 45 વર્ષીય મહિલાએ સગા અને સાવકા દીકરાની કરી નાખી હત્યા

Ahmedabad: રૂપિયાની લાલચ વ્યક્તિને કોઈ પણ હદે લઈ જઈ શકે આવા કિસ્સાઓ ફિલ્મોમાં જરૂર જોયા હશે. પરંતુ હાલના સમયે રૂપિયાની લાલચે સબંધોનું ખૂન કરતા સહેજ પણ અચકાતા નથી. આવો જ એક બનાવ અમદાવાદના કણભા પોલીસ સ્ટેશનમાં બન્યાનું સામે આવ્યું. જેમાં સાવકી માતાએ રૂપિયાની લેતીદેતીમાં પુત્રનો ઠપકો સાંભળી નહિ શકતા હત્યાનો પ્લાન ઘડી નાખ્યો. સાવકી માતાએ તેમના મિત્રો સાથે મળીને પુત્રની હત્યા કરીને મૃતદેહને અવાવરૂ જગ્યા પર ફેંકી દીધો હતો. હાલ તો કણભા પોલીસે આરોપી મહિલાની ધરપકડ કરતા અનેક ખુલાસાઓ સામે આવ્યા છે.

ઘટનાની વાત કરીએ તો કણભા પોલીસ સ્ટેશનના વિસ્તારમાં આવેલ ગામમાં રહેતો હાર્દિક રજનીભાઇ પટેલ નામનો 21 વર્ષીય યુવક ગુમ થયો હોવાની જાણ પોલીસ ને કરવામાં આવી હતી. જો કે પોલીસ એ તપાસ શરૂ કરતાં તેની સાવકી માતા શંકાના ઘેર આવી હતી. જેથી પોલીસે તેની ઉલટ તપાસ કરી હતી. જેમાં જાણવા મળ્યું હતું કે, તેણે જ અન્ય ત્રણ ઈસમો સાથે મળીને હાર્દિકની હત્યા કરી દીધી હતી.

અને મૃતદેહનો નિકાલ કરી નાખ્યો હતો. જેમા ગઇકાલે નજીકના વિસ્તાર માંથી કોથળામાંથી વિકૃત હાલતમાં લાશ મળી આવી હતી. આ હત્યા કેસનો ભેદ ગણતરીના કલાકોમાં ખુલી ગયો છે. અને હત્યા કરનાર સાવકી માતા ગૌરી પટેલની ધરપકડ કરી દીધી છે. ગૌરી નાસીકથી તેમના ત્રણ મિત્રોને બોલાવ્યા હતા અને હાર્દિકની હત્યા કરીને તેને એક કોથળામાં પેક કરીને અવાવારૂ જગ્યા પર ફેંકી દીધી હોવાનું સામે આવ્યું.

આરોપી મહિલાની પુછપરછ દરમ્યાન સામે આવ્યું કે હાર્દિકના પિતાએ હાર્દિક સચવાય તે માટે બીજા લગ્ન કર્યા હતા. પિતા રજનીભાઇ પટેલ તેમના બે સંતાનોને સાચવવા માટે તેમને સાત વર્ષ પહેલા નાસીકમાં રહેતી ગૌરી નામની મહિલા સાથે ફુલહાર કરીને લગ્ન કરી દીધા હતા. લગ્ન બાદ ગૌરી રજનીભાઇ અને બે પુત્ર હળી મળીને રહેતા હતા. પરંતુ થોડાક સમય પહેલા રજનીભાઇનું પણ મૃત્યુ થઇ ગયુ હતું. અને ત્યારબાદ માતા અને બે પુત્ર સાથે રહેતા હતા.

જોકે મહિલાએ સંબધીઓ પાસેથી 25 થી 30 લાખ રૂપિયા આરોપી ગૌરીએ સંબધીઓ પાસેથી ઉધરાવવાનું શરૂ કર્યુ હતું. ગૌરીએ હાર્દિકને રૂપિયા જોઇએ છે તેમ કહીને સંબધીઓ પાસેથી રૂપિયા ઉઘરાવ્યા હતા. હાર્કિદને આ વાતની જાણ થતા તેમને ગૌરીને ઠપકો આપ્યો હતો. અને મારા નામ પર રૂપિયા નહી ઉઘરાવવાનું કહ્યુ હતું. બસ ત્યારે જ ગૌરીએ હાર્દિકનું પત્તુ કટ કરવા માટે નાસીક ફોન કર્યો.

અને રૂપિયા માટે થયેલી બબાલમાં ગૌરીએ હાર્દિકની હત્યાનો પ્લાન બનાવ્યો અને નાસીકમાં રહેતા તેમના મિત્રોને ફોન કરીને સમગ્ર હકીકત કહી અને હત્યા કરવાનો પ્લાન બનાવ્યો હતો. નાસીકથી ત્રણ શખ્સો કણભા આવ્યા હતા જ્યાં તેમને હાર્કિદને બપોરે ગળેટુંપો દઇને મોતને ઘાટ ઉતારી દીધો. અને બાદમાં તેના પગને દોરાથી બાંધી દીધા હતા અને લાશને કોથળામાં પેક કરીને ચાર કલાક સુધી તેની પાસે બેસી રહ્યા હતા.

ઘોળા દિવસે હાર્દિકની હત્યા કરીને આરોપી મહિલા ગૌરી હાર્દિકની લાશને અવાવારૂ જગ્યા પર ફેંકી દેવા માટે હત્યારાઓએ રાત થવાની રાહ જોઇ હતી. હત્યા બાદ અંદાજીત ચાર કલાક સુધી સાવકી માતા હાર્દિકની લાશ સાથે બેઠી હતી અને જેવુ અંધારૂ થયુ તેવી તરત જ લાશને અવાવરૂ જગ્યામાં ફેંકી દીધી હતી.

બાદમાં એક ઓળખીતા રિક્ષા ચાલકને બોલાવ્યો હતો અને રિક્ષામાં મૃતદેહ લઈ જઈ અવાવરૂ જગ્યા એ લઈ જઈ ને આરોપીઓ ત્યાંથી નીકળી ગયા હતા. હાલમાં પોલીસે મહિલાની ધરપકડ કરીને અન્ય આરોપીઓને પકડવા માટેના પ્રયત્નો શરૂ કર્યા છે.

 

આ પણ વાંચો: Indian Army: ભારતીય સેના બ્રહ્મપુત્ર નદીની નીચે બનાવશે ટનલ, જાણો ચીનને ઘેરવાના આ Deadly plan વિશે

Read Full Article

Click on your DTH Provider to Add TV9 Gujarati