Ahmedabad: ભરતીની તૈયારી કરી રહેલા 23 વર્ષીય યુવકની છરી ના ઘા મારી હત્યા, પોલીસે ગુનો નોંધી આરોપીની શોધખોળ હાથધરી

ટ્રાફિક બ્રિગેડ ભરતીની તૈયારી કરી રહેલા એક યુવકની હત્યાનો બનાવ સામે આવ્યો છે.

Ahmedabad: ભરતીની તૈયારી કરી રહેલા 23 વર્ષીય યુવકની છરી ના ઘા મારી હત્યા, પોલીસે ગુનો નોંધી આરોપીની શોધખોળ હાથધરી
પ્રતિકાત્મક તસવીર

Ahmedabad: ટ્રાફિક બ્રિગેડ ભરતીની તૈયારી કરી રહેલા એક યુવકની હત્યાનો બનાવ સામે આવ્યો છે. કોઈ અગમ્ય કારણોસર તેના જ વિસ્તારના શખ્સ દ્વારા તીક્ષણ હથિયારના ઘા ઝીંકીને જાહેરમાં હત્યાની ઘટનાને અંજામ આપવામાં આવ્યો છે. હત્યાની શાહીબાગ પોલીસને જાણ થતા હત્યાનો ગુનો નોંધી આરોપીની ધરપકડની કવાયત શરૂ કરી છે.

સચિન ચમનપુરા વિસ્તારમાં રહે છે અને ટ્રાફિક બ્રિગેડ ભરતીની તૈયારી કરે છે. રવિવારે સાંજે મૃતક સચિન પટણી ભરતીની તૈયારીના ભાગરૂપે દોડવા નીકળ્યો હતો ત્યારે કોઈ અગમ્ય કારણોસર તેના પર તીક્ષ્ણ હથિયાર વડે જીવલેણ હુમલો કરવામાં આવ્યો હતો. હુમલો કર્યા બાદ આરોપી ફરાર થઈ ગયા હતા. પરંતુ પોલીસ તપાસમાં હત્યા કરનાર આરોપીનું નામ ખુલી ગયું છે. આરોપી દિનેશ પટણી દ્વારા યુવકની હત્યા કરાઈ હોવાનું સામે આવતા પોલીસે આ મામલે ગુનો નોંધી આગળની તપાસ શરૂ કરી છે.

મૃતક સચિન પોતાની કારકિર્દીની શરૂઆત કરી રહ્યો હતો. ઉજ્જવળ ભવિષ્યના સપનાં સેવી રહ્યો હતો તે દરમિયાનમાં જ ઘાતકી હુમલામાં સચિનનું મોત થયું અને તમામ સપનાઓ અધૂરા રહી જતા તેના પરિવારમાં શોક સાથે દુઃખના પહાડ તૂટી પડ્યા છે. સચિનની હત્યા કરનાર આરોપી દિનેશ પટણી શા માટે તેની હત્યા કરી તેનું કારણ હજી ચોક્કસ જાણવા મળ્યું નથી. પરંતુ મૃતક સચિન પટણીના પરિવારજનો આરોપીને કડકમાં કડક સજા કરી સરકાર ન્યાય અપાવે તેવી માગણી કરી રહ્યા છે. તો બીજી તરફ સચિન પટણીની હત્યા કરનાર આરોપી દિનેશ પટણીને પકડવા અને હત્યા પાછળની સાચી હકીકત જાણવા માટે તપાસના ચક્રો ગતિમાન કર્યા છે.

 

આ પણ વાંચો: Ayushman Bahart Digital Mission: આજથી આયુષ્યમાન ભારત ડિજિટલનો પ્રારંભ, હવે તમામ નાગરિકોના મેડિકલ રેકોર્ડ રહેશે સુરક્ષિત,સાથે વધશે સારવારની સુવિધા: PM મોદી

Read Full Article

Click on your DTH Provider to Add TV9 Gujarati