ચોકલેટ અપાવવાના બહાને 4 વર્ષની બાળકી પર દુષ્કર્મ, આરોપી 9મા ધોરણનો વિદ્યાર્થી નીકળ્યો

ઘરની બહાર રમતી 4 વર્ષની બાળકી પર દુષ્કર્મનો ચોંકાવનારો કિસ્સો સામે આવ્યો છે. પ્રાપ્ત માહિતી અનુસાર ધોરણ 9માં અભ્યાસ કરતા વિદ્યાર્થીએ ચાર વર્ષની માસૂમ પર દુષ્કર્મ આચર્યું હોવાનું બહાર આવ્યું છે.

પ્રતિકાત્મક તસ્વીર

TV9 Gujarati | Edited By: Jayraj Vala | Updated on: Apr 11, 2022 | 3:21 PM

શ્રીગંગાનગરમાં ઘરની બહાર રમતી 4 વર્ષની બાળકી પર દુષ્કર્મનો (molestation) ચોંકાવનારો કિસ્સો સામે આવ્યો છે. પ્રાપ્ત માહિતી અનુસાર ધોરણ 9માં અભ્યાસ કરતા વિદ્યાર્થીએ ચાર વર્ષની માસૂમ પર દુષ્કર્મ કરવાના કેસમાં વિદ્યાર્થી આરોપી હોવાનું બહાર આવ્યું છે. આરોપી દરરોજ શાળાએ જતો ન હતો અને બાળકીના ઘર પાસે આવેલી દુકાન પર બેસી રહેતો હતો. પોલીસના જણાવ્યા અનુસાર, આ ઘટના 5 એપ્રિલની છે જેની ફરિયાદ પર 8 એપ્રિલના રોજ કેસ નોંધવામાં આવ્યો હતો. ઘટના રાજસ્થાનના (Rajasthan) શ્રીગંગાનગરના અનૂપગઢ વિસ્તારની છે જ્યાં આરોપી બાળકીને ચોકલેટ અપાવવાના બહાને લઈ ગયો અને પછી તેની સાથે દુષ્કર્મ આચર્યું. હાલમાં, પોલીસે સગીર છોકરાની ધરપકડ કરી છે અને તેની પૂછપરછ કરવામાં આવી રહી છે.

4 વર્ષની બાળકીનું અપહરણ

માહિતી આપતાં શ્રી ગંગાનગરના એસપી આનંદ શર્માએ જણાવ્યું કે, 8 એપ્રિલના રોજ યુવતીના પરિવારજનો દ્વારા પોલીસ સ્ટેશન અનુપગઢમાં લેખિત રિપોર્ટ આપવામાં આવ્યો હતો. જેમાં કહેવામાં આવ્યું હતું કે 5 એપ્રિલની સાંજે તેમના ચાર વર્ષના- ઘરની નજીકની ગલીમાં દીકરી રમી રહી હતી, આ દરમિયાન કોઈ અજાણ્યા વ્યક્તિએ બાળકીનું અપહરણ કર્યું અને તેને પોતાની સાથે ક્યાંક લઈ ગયો અને તેની સાથે દુષ્કર્મ આચર્યું. મામલાની ગંભીરતા જોઈને એસપી શર્માએ અજાણ્યા આરોપીઓને શોધવા માટે એક ટીમ બનાવી હતી અને ટીમે સ્થળ પરથી પુરાવા એકઠા કર્યા હતા.

9 વર્ષનો સગીર આરોપી હોવાનું બહાર આવ્યું

એસપીએ જણાવ્યું હતું કે, ઘટનાસ્થળે બાતમીદારના પુરાવા અને માહિતી બાદ રવિવારે એક સગીર આરોપીની અટકાયત કરવામાં આવી હતી, જેની ઉંમર 9 વર્ષની છે. પોલીસની પૂછપરછ દરમિયાન આરોપીએ જણાવ્યું કે, તે શેરીમાં રમતી છોકરીને દુકાનમાંથી ચોકલેટ લેવાના બહાને પોતાની સાથે લઈ ગયો હતો અને પછી તેની સાથે દુષ્કર્મ આચર્યું હતું. પોલીસે અનુપગઢ પોલીસ સ્ટેશનમાં પોક્સો એક્ટ અને આઈપીસીની કલમો હેઠળ કેસ નોંધ્યો છે.

Web Stories View more