60 વર્ષીય વૃદ્ધ મહિલા સાથે ગેંગરેપ બાદ પથ્થરથી કચડીને કરાઈ હત્યા, ગટરમાંથી મળી આવ્યો મૃતદેહ
60 વર્ષીય મહિલા પર ગેંગરેપ બાદ હત્યાનો એક કિસ્સો પ્રકાશમાં આવ્યો છે. છે. ગેંગરેપ બાદ વૃદ્ધ મહિલાનું માથું અને ચહેરો પથ્થરોથી કચડી નાખવામાં આવ્યો હતો.
રાજસ્થાનના જયપુરમાં એક 60 વર્ષીય મહિલા પર ગેંગરેપ બાદ હત્યાનો એક (Jaipur Gangrape and Murder) કિસ્સો પ્રકાશમાં આવ્યો છે. ગેંગરેપ બાદ વૃદ્ધ મહિલાનું માથું અને ચહેરો પથ્થરોથી કચડી નાખવામાં આવ્યો હતો. મહિલાનો મૃતદેહ નિર્વસ્ત્ર હાલતમાં ગટરમાંથી મળી આવ્યો છે. હકીકતમાં જ્યારે ગુમ થયેલી મહિલાની શોધ કરવામાં આવી ત્યારે તેનો મૃતદેહ ગટરમાંથી મળી આવ્યો હતો. આ ઘટના બાદ વૃદ્ધ મહિલાના પતિએ બસ્સી પોલીસ સ્ટેશનમાં અપહરણ, સામૂહિક બળાત્કાર અને હત્યાની ફરિયાદ નોંધાવી છે.
પોલીસને શંકા છે કે બે કે તેથી વધુ લોકોએ આ કૃત્ય કર્યું હોઈ શકે છે. વૃદ્ધ મહિલા બસ્સીના રિકો વિસ્તારમાં પ્લાયબોર્ડ બનાવવાની ફેક્ટરીમાં કામ કરતી હતી. શનિવારે સાંજે 6 વાગ્યે પોતાનું કામ પૂરું કર્યા પછી તે કારખાનાથી ઘરે જવા નીકળી. પરંતુ મોડી રાત સુધી તે તેના ઘરે પહોંચી ન હતી. જે બાદ મહિલાની શોધખોળ શરૂ કરવામાં આવી હતી. તેમના પરિવારે અન્ય મહિલાઓ પાસેથી આ અંગે પૂછપરછ કરી હતી જેઓ સાથે કામ કરતા હતા. જોકે તેઓ કંઈ જાણતા ન હતા.
ગટરમાંથી મહિલાની ઇજાગ્રસ્ત હાલતમાં મળી લાશ
તે રવિવારે સવારે પણ તેના ઘરે પહોંચી ન હતી. સવારે 11 વાગ્યા બાદ તેનો પતિ પોલીસ સ્ટેશન પહોંચ્યો અને ગુમ થયાની ફરિયાદ નોંધાવી. રવિવારે બસ્સીના ઝાર ગામની ધાનીમાં કેટલાક લોકોને મહિલાનો મૃતદેહ જોવા મળ્યો હતો. બકરા ચરાવવા જંગલમાં ગયેલા લોકોએ આ જોયું તેની નજર ગટરમાં ઘાયલ મૃત શરીર પર પડી. તેમણે તરત જ ઝાર ગામના સરપંચને આ અંગે જાણ કરી. પોલીસને ઘટનાની જાણ થતાં જ બસ્સી એસપી સુરેશ સાંખલા સ્ટેશન ઇન્ચાર્જ સાથે તાત્કાલિક ઘટનાસ્થળે પહોંચી ગયા હતા.
અપહરણ બાદ નિર્દયતાથી હત્યા
સ્થળ પરથી મળેલા પુરાવાના આધારે પોલીસે અપહરણ બાદ ગેંગરેપની શક્યતા વ્યક્ત કરી છે. પોલીસનું કહેવું છે કે, મહિલાનું અપહરણ કરીને જંગલમાં લઈ જવામાં આવ્યું હશે અને પછી સામુહિક બળાત્કાર થયો હશે. ગુનો કર્યા બાદ તેનું માથું કચડીને ક્રૂરતાપૂર્વક હત્યા કરવામાં આવી હતી. પોલીસનું કહેવું છે કે, એકલા હોવાને કારણે મહિલા પોતાની જાતને બચાવી શકી નથી. જોકે તેણે પોતાનો જીવ બચાવવા ઘણો સંઘર્ષ કર્યો. પોલીસે આ ઘટનામાં કેટલાક જાણકારની સંડોવણી અંગે આશંકા વ્યક્ત કરી છે. પોલીસનું કહેવું છે કે, તે મહિલા સાથે કામ કરતો કર્મચારી પણ હોઈ શકે છે.