Positive Story : અસ્થમાના દર્દી પોતે ઓક્સીજન લગાવી લોકો સુધી ઓક્સીજન પહોંચાડી રહ્યા છે
કોરોનાકાળમાં સમગ્ર દેશમાંથી ઘણી હ્રદયસ્પર્શી તસ્વીરો સામે આવી છે. એક આવી જ તસ્વીર શ્રીનગરથી સામે આવી છે જેને જોઇ આપ પણ વિચારવા મજબૂર થઇ જશો.
Positive Story : કોરોનાકાળમાં સમગ્ર દેશમાંથી ઘણી હ્રદયસ્પર્શી તસ્વીરો સામે આવી છે. એક આવી જ તસ્વીર શ્રીનગરથી સામે આવી છે જેને જોઇ આપ પણ વિચારવા મજબૂર થઇ જશો. 48 વર્ષના મંજૂર અહમદ ચહેરા પર માસ્ક અને નાકમાં ઓક્સીજનની પાઇપ લગાવીને લોકોની મદદ કરી રહ્યા છે. મંજૂર અહેમદ ડ્રાયવર છે અને શ્રીનગરના રનગ્રેથ એરિયામાં બનેલા ઇન્ડસ્ટ્રીયલ એસ્ટેટમાં એક ખાનગી કંપનીમાં ઓક્સીજનના પ્લાન્ટ સાથે જોડાયેલા છે. તેઓ અબ્દુલ પાસેથી ઓક્સીજન સિલિન્ડરની ડિલીવરી અને ખાલી ઓક્સીજનનો સપ્લાઇ અલગ અલગ જગ્યા પર કરે છે.
મંજૂર ખુદ અસ્થમાંના દર્દી છે અને વધારે બિમાર છે. એટલે જેમને 24 કલાક ઓક્સીજન સાથે રહેવુ પડે છે. પરંતુ કોરોનાના કારણે મોટી સંખ્યામાં કોવિડના દર્દીઓ ઘરે જ સારવાર કરી રહ્યા છે અને આમના સુધી સમયસર ઓક્સીજન ન પહોંચે તો મુશ્કેલીઓ વધી શકે છે. તેમનુ કહેવુ છે કે અસ્થમાના કારણે ઓક્સીજનની અછત શું હોય છે તેઓ સારી રીતે જાણે છે. જો આ મહામારીમાં તેઓ કોઇ દર્દી માટે સમય પર ઓક્સીજન સિલિન્ડર લઇને પહોંચવુ તો માણસાઇની જીત થશે.
મંજૂરની હાલતને જોતા તેમનો 14 વર્ષનો દિકરો આજકાલ તેમની મદદ કરવા માટે ઓટોમાં સાથે રહે છે. એક તરફ આ રીતે તે બિમાર પિતા પર નજર પણ રાખે છે અને સિલિન્ડર ઉપાડવાનુ કામ પણ કરે છે. મંજૂર પોતે દર્દીઓ માટે ઓક્સીજન સિલિન્ડર લાવવા લઇ જવાનું કામ કરી રહ્યા છે. આને ઉપરવાળા તરફથી લેવામાં આવેલી પરીક્ષા કહીને તેમાં સંપૂર્ણ રીતે સફળ થવાનો પ્રયાસ કરી રહ્યા છે. પરંતુ ક્યાંક અને ક્યાંક આના પાછળ તેમની ગરીબી પણ એક કારણ છે.
તેમનુ કહેવુ છે કે રિક્ષા ચલાવીને સાત-આઠ હજાર કમાઇ લે છે જેનાથી તેમના પરિવારની દવાનો ખર્ચો નિકળી જાય છે. તેઓ લોકડાઉનના કારણે ઘરમાં બેસી જાય તો વધારે મુશ્કેલી થશે. તેઓ મુશ્કેલ સમયમાં લોકોને હિમ્મત ન હારવાની અને લડાઇ ચાલુ રાખવાનો સંદેશ આપી રહ્યા છે.
Latest News Updates
