MAHARASHTRA : કર્ફ્યુ અને કડક પ્રતિબંધોને કારણે પુણેમાં Tata Motors નો પ્લાન્ટ બંધ થયો

MAHARASHTRA : કોરોનાની બીજી લહેરમાં સમગ્ર દેશમાં કોરોના સંક્રમણ ભયજનક રીતે વધી રહ્યું છે. સૌથી વધુ ખરાબ સ્થિતિ મહારાષ્ટ્રની છે. મહારાષ્ટ્રમાં પુણે, મુંબઈ અને નાગપુરમાં કોરોનાના કેસો અને મૃત્યુના આંકડાઓ સતત નવા રેકોર્ડ સર્જી રહ્યાં છે. પુણેમાં વધતા સંક્રમણને કારણેપુણેમાં Tata Motors નો પ્લાન્ટ બંધ કરવામાં આવ્યો છે.

પુણેમાં Tata Motors નો પ્લાન્ટ બંધ કરાયો ટાટા મોટર્સે 15 એપ્રિલથી મહારાષ્ટ્રના પુણે સ્થિત પ્લાન્ટ પર વાહનના નિર્માણ પર પ્રતિબંધ મૂક્યો છે. કંપનીએ જણાવ્યું હતું કે, કોરોના વાયરસના વધતા જતા કેસો વચ્ચે મહારાષ્ટ્ર સરકારે લગાવેલા પ્રતિબંધોનું પાલન કરવા માટે 30 એપ્રિલ સુધીમાં પુણેના તમામ મેન્યુફેક્ચરિંગ પ્લાન્ટોને બંધ કરવાનો નિર્ણય લેવામાં આવ્યો છે.

તમામ કર્મચારીઓ ઘરે રહેશે ટાટા મોટર્સે પુણે ભોસારી એમઆઈડીસી પોલીસ સ્ટેશનને લખેલા પત્રમાં કહ્યું છે કે કોવિડ-19ને નિયંત્રણમાં રાખવા માટે મહારાષ્ટ્ર સરકારે લાગુ કરેલા લોકડાઉનનું પાલન કરવા માટે અમે 15 એપ્રિલથી 30 એપ્રિલ સુધી વાહન નિર્માણ બંધ કર્યું છે. અમારા તમામ કર્મચારીઓને ઘરે રહેવાની સલાહ આપવામાં આવી છે.

Web Stories View more

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

આવશ્યક સેવાઓ માટે જ કર્મચારીઓને બોલાવશે Tata Motors પહેલી આવી ઓટો કંપની છે, જેણે 13 એપ્રિલના રોજ મહારાષ્ટ્ર સરકાર દ્વારા જાહેર કરાયેલા આદેશ બાદ તેના પ્લાન્ટોને બંધ કરવાનો નિર્ણય લીધો છે. કંપનીએ આવશ્યક સેવાઓમાં રોકાયેલા કર્મચારીઓની મુસાફરી માટે બસ સેવાઓ ચાલુ રાખવા માટે મંજૂરી માંગી છે.

પત્રમાં કહેવામાં આવ્યું છે કે વીજળી, પાણી અને હવાની સલામતી અને પુરવઠો સુનિશ્ચિત કરવા કર્મચારીઓને ત્રણ પાળીમાં બોલાવવામાં આવશે. ત્રણેય પાળીમાં આવતા કર્મચારીઓને ડિસ્પેન્સરી, ડીજી સેટ ઓપરેશન, ફાયર ફાઇટિંગ, પાણી પુરવઠો, 22 કેવી સબસ્ટેશન, સલામતી તપાસ અને સમૃદ્ધ ટ્રીટમેન્ટ પ્લાન્ટ્સ જેવી આવશ્યક સેવાઓનું કામ જોશે.

અન્ય પ્લાન્ટ પણ થઇ શકે છે બંધ મહારાષ્ટ્રમાં એક ડઝનથી વધુ ઓટો કંપનીઓના પ્લાન્ટ છે, તેમાંથી ટાટા મોટર્સ, મહિન્દ્રા અને મહિન્દ્રા, ફોક્સવેગન, બજાજ ઓટો, સ્કોડા ઓટો, મર્સિડીઝ બેન્ઝ, જગુઆર લેન્ડ રોવર, ફિયાટ ક્રિસ્લર, પિયાજિયો વાહન અને ફોર્સ મોટર્સ છે. આ ઉપરાંત છ બાંધકામ ઉપકરણોનું ઉત્પાદન કરનારા 6 પ્લાન્ટ છે, જે ક્રેન્સ, રોડ લેવલર્સ અને ખોદકામ કરનારાઓ સાધનોનું ઉત્પાદન કરે છે. આ સિવાય તેમાં ટ્રેક્ટર મેન્યુફેક્ચરિંગ યુનિટ અને કેટલાંક ઓટો પાર્ટ્સ પ્લાન્ટ પણ છે, જે ટાયર, વિન્ડશિલ્ડ અને સ્ટીઅરિંગ મશીન બનાવે છે.