Corona : જો તમને ડાયાબિટીસ છે, તો કોરોનાના આ 5 લક્ષણોને નજર અંદાજ ન કરો
Corona : ડાયબિટીસના દર્દીઓ માટે કોરોના વધુ જોખમી સાબિત થઈ રહ્યો છે. કોરોનાની બીજી લહેરમાં તંદુરસ્ત લોકો ઝપેટમાં આવી રહ્યાં છે, પરંતુ હજી પણ કોરોનાની તીવ્રતા ડાયાબિટીસના દર્દીઓમાં થોડી વધારે છે.
Corona : ડાયબિટીસના દર્દીઓ માટે કોરોના વધુ જોખમી સાબિત થઈ રહ્યો છે. અને, ડાયબિટીસ કોરોના દર્દીઓની મુશ્કેલીઓમાં વધારો કરી રહ્યો છે. કોરોનાની બીજી લહેરમાં તંદુરસ્ત લોકો ઝપેટમાં આવી રહ્યાં છે, પરંતુ હજી પણ કોરોનાની તીવ્રતા ડાયાબિટીસના દર્દીઓમાં થોડી વધારે છે.
લોહીમાં ગ્લકોઝનું વધારે સ્તર ઇન્સ્યુલિનના ઉત્પાદનને અસર કરે છે. કે જે શરીરમાં નબળાઈ સાથે રોગપ્રતિકારક શક્તિ પર અસર કરે છે. આ ઉપરાંત ડાયાબિટીસના દર્દીઓમાં લોહીનો પ્રવાહ પણ બહુ સારો રહેતો નથી. જેને પુન: રિકવરી પ્રાપ્ત કરવામાં થોડો સમય લાગે છે.
જો ડાયાબિટીસના દર્દીને કોરોના થાય, તો તેને વાયરલ લોડ સામે લડવું વધુ મુશ્કેલ બને છે. એટલું જ નહીં, બીજી ઘણી બીમારીઓ થવાનું જોખમ પણ વધે છે. કોરોના થયા પછી, ડાયાબિટીઝના દર્દીઓમાં હૃદય, શ્વસન સમસ્યાઓ અને ફેફસાના રોગની સંભાવના પણ વધી જાય છે.
ડાયાબિટીસના દર્દીઓ કોરોનાનાં અન્ય કેટલાક લક્ષણો પણ અનુભવી શકે છે. જો સમયસર કાળજી લેવામાં ન આવે તો જીવલેણ સાબિત થઇ શકે છે. ચાલો જાણીએ આ લક્ષણો વિશે કે જેની અવગણના કરવી ડાયબિટીસના દર્દીઓ માટે ભારે પડી શકે છે.
ત્વચા પર ફોલ્લીઓ અને નખ પર અસર-બીજી લહેરમાં, ઘણા લોકોમાં પહેલાં ત્વચા પર ફોલ્લીઓ, સોજો અથવા એલર્જી જેવી સમસ્યાઓ અનુભવી રહ્યા છે. હાથ અને પગની આંગળીઓ પર અસર અને ત્વચા પર લાલ ફોલ્લીઓ, જેવા લક્ષણો જોવા મળે છે કે જેમનું બ્લડ સુગરનું સ્તર ખૂબ વધારે છે.
ડાયાબિટીઝના દર્દીઓમાં શરીરમાં ઘા ઝડપથી મટતા નથી. હાઈ બ્લડ સુગરને કારણે ત્વચા ખૂબ જ શુષ્ક થઈ જાય છે. આ સિવાય ત્વચા પર સોજો, લાલ પેચો, પિમ્પલ્સ થવાની સંભાવના વધારે છે. આ દરેક બાબતો કોરોના વખતે પણ થઈ શકે છે. તેથી, ડાયાબિટીસ અને કોરોના દર્દીઓએ તેમની ત્વચાની વિશેષ કાળજી લેવી જોઈએ. અને આ પ્રારંભિક લક્ષણો પર ધ્યાન આપવું જોઈએ.
કોવિડ ન્યુમોનિયા- કોરોના દર્દીઓમાં ન્યુમોનિયા જોખમી બની શકે છે, ખાસ કરીને જેમને પહેલાથી ડાયાબિટીઝ છે. બ્લડ સુગરમાં વધારો થવાથી શ્વાસ લેવામાં તકલીફ થાય છે જેના કારણે કોરોના વધુ તીવ્ર બને છે. ડોકટરોના જણાવ્યા અનુસાર હાઈ બ્લડ શુગરમાં વાયરસ શરીરમાં સરળતાથી ફેલાય છે અને અન્ય અવયવોને બગાડવાનું શરૂ કરે છે.
ઓક્સિજનનો અભાવ – બીજી લહેરમાં, ઓક્સિજનની ઉણપ કોરોના દર્દીઓમાં સૌથી વધુ જોવા મળે છે. ડાયાબિટીઝના દર્દીઓની પ્રતિરક્ષા નબળી છે, તેથી તે લોકોમાં ઓક્સિજનનો અભાવ થવાનું જોખમ વધુ વધે છે. ડાયાબિટીસના દર્દીઓ શ્વાસ લેવામાં મુશ્કેલીઓ અને છાતીમાં દુખાવો વધારે હોય છે. આ સિવાય ડાયાબિટીસના દર્દીઓમાં પણ હાઈપોક્સિયાનું સૌથી વધુ જોખમ રહેલું છે. હાયપોક્સિયામાં, કોઈપણ લક્ષણો વગર ઓક્સિજનનું સ્તર ઘટવાનું શરૂ કરે છે.
બ્લેક ફંગસ – કોવીડ -19 માં બ્લેક ફંગસનું જોખમ અચાનક વધી ગયું છે. આને કારણે દર્દીઓમાં માથાનો દુખાવો, નબળી આંખો અને સોજો જેવા લક્ષણો જોવા મળે છે. કેટલાક કેસોમાં, દર્દીઓએ જીવન પણ ગુમાવ્યું છે. આ ખાસ કરીને તે દર્દીઓ માટે થઈ રહ્યું છે કે જેઓ કોરોનાથી સાજા થયા છે, જેમને હાઈ બ્લડ શુગર છે અથવા જેમણે સ્ટેરોઇડ્સનો વધુ ડોઝ અપાયો છે.
Latest News Updates
