શું ચીન નવા કોરોના વેરિઅન્ટને વિશ્વભરમાં ફેલાવી રહ્યું છે ? જુઓ ચીનની ચાલાકીને ઉઘાડી પાડતો આ વિડીયો

હાલ વિશ્વભરમાં કોરોના વાયરસને લઇને ફરી ચિંતાનો માહોલ છે. ત્યારે આ બાબતે WHOએ પણ ચીન સામે લાલ આંખ કરી છે. આ બાબતે ચીન હંમેશા કોરોના ડેટા અને આંકડાઓની હકીકત છુપાવી રહ્યું હોવાના અહેવાલો છાશવારે પ્રકાશિત થતા રહે છે. ચીને તાજેતરમાં જ કોરોના બાબતે ઝીરો પોલિસી અપનાવી હતી. અને, લોકડાઉન અને કડક નિયમો દેશમાં લાગુ કર્યા હતા. ત્યાં જ અચાનક ચીને પોતાના દેશના નાગરિકોને વિદેશ ગમન અને વિદેશ પ્રવાસની છુટ આપી દીધી છે. ત્યારે ચીનની આ નીતિને લઇને હંમેશા પ્રશ્નો ઉભા થઇ રહ્યા છે. Study IQ IASના એક યુ-ટયુબ વીડિયોમાં આ બાબતે ખુલાસો કરવામાં આવ્યો છે.

જગજાહેર વાત છેકે ચીનમાં કોરોનાના અસંખ્ય કેસો સામે આવી રહ્યા હતા. અને, દેશમાં લોકડાઉનના નિયમો લાગુ કરાયા હતા. અને, ત્યારબાદ એવું શું બન્યું કે ચીને અચાનક નિયમો હળવા કર્યા, અને, પોતાના દેશના નાગરિકોને બીજા દેશમાં જવાની છુટ આપી છે. જેના કારણે હાલ વિશ્વભરમાં કોરોનાના નવા વેરિઅન્ટનો ફેલાવો ઝડપથી થઇ રહ્યો છે. જે અતિ ઘાતક હોવાનું પણ સામે આવી રહ્યું છે. ત્યારે Study IQ IASના એક યુ-ટયુબ વીડિયોમાં આ તમામ બાબતે ખુલાસો થયો છે. આ વીડિયોમાં જોઇ શકાય છેકે ચીને કેવી રીતે વિશ્વને કોરોનાની ઝપેટમાં લેવાનો પ્લાન બનાવ્યો છે. અને, પોતાનું પાપ વિશ્વના માથે થોપી રહ્યું છે.

નોંધનીય છેકે હાલ વિશ્વમાં જાપાન, અમેરિકા, સિંગાપોર, વિયેતનામ, યુરોપ સહિતના અનેક દેશોમાં કોરોના વાયરસના કેસોમાં ઉછાળો આવ્યો છે. અને, આ તમામ દેશોમાં ચીનના પ્રવાસીઓ મોટી સંખ્યામાં આવ્યા હોવાનું સામે આવ્યું છે. જેને કારણે  વિશ્વના અનેક દેશોએ ચીની પ્રવાસીઓ પર પ્રતિબંધ પણ લાદી દીધો છે. અને, ચીની પ્રવાસીઓ માટે કડક નિયમો પણ અમલી બનાવ્યા છે. જેથી કોરોનાને ફેલાતો અટકાવી શકાય.