Black market in Corona : કાળાબજારીમાં રેમડેસીવીર ઇન્જેક્શનના દોઢ લાખ, 40 હજારમાં ઓક્સીજનનો એક સીલીન્ડર

Black market in Corona : દેશમાં હાલ કોરોનાની બીજી લહેર ચાલી રહી છે, જેમાં કોરોનાના દૈનિક કેસો 1 લાખને પાર થઇ ગયા છે. નવા કેસોની સાથે એક્ટીવ કેસો અને મૃત્યુઆંકમાં પણ વધારો થઇ રહ્યો છે. એક્ટીવ કેસો વધતા લાઈફ સેવર રેમડેસીવીર ઇન્જેક્શન (Ramdesivir injection) અને ઓક્સીજનની ભારે માંગ ઉભી થઇ છે અને અછત સર્જાઈ છે. પણ સપ્લાયરોએ આ અછતને અવસરમાં બદલી અને કાળાબજારી કરી મજબુર દર્દીઓ પાસેથી લાખો રૂપિયા પડાવી રહ્યા છે.

કાળાબજારીમાં રેમડેસીવીરની કિંમત 1000 ગણી દેશમાં ફરી એકવાર ઓક્સિજન સિલિન્ડર અને રેમેડિસવીરને લઈને બ્લેક માર્કેટિંગ (Black market in Corona) વધ્યું છે. કોવિડ ટ્રીટમેન્ટ પ્રોટોકોલમાં શામેલ રેમેડિસવીર ઇન્જેક્શન (Ramdesivir injection) આ દિવસોમાં નિર્ધારિત કિંમત કરતા 1000 ગણા વધારે ભાવે વેચાઇ રહ્યું છે.

મહારાષ્ટ્ર, મધ્યપ્રદેશ, દિલ્હી અને હરિયાણા સહિત દેશના ઘણા ભાગોથી રેમડેસીવીર ઇન્જેક્શનની કાળાબજારી થવાની ફરિયાદો આવી રહી છે. રેમડેસીવીર ઇન્જેક્શનનું બ્લેક માર્કેટિંગ છેલ્લા એક અઠવાડિયાથી શરૂ થયું છે. 28 માર્ચથી તેની માંગમાં 50 ગણો વધારો થયો છે. જોકે કેન્દ્ર સરકારે ફાર્માસ્યુટિકલ કંપનીઓને દવાનું ઉત્પાદન વધારવાનો આદેશ આપ્યો છે, પરંતુ હાલની સ્થિતિ એવી છે કે વ્યક્તિએ દરેક ડોઝ માટે દોઢ થી બે લાખ રૂપિયા ખર્ચ કરવા પડે છે.

Web Stories View more

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

સાત કંપનીઓ બનાવે છે રેમડેસીવીર ભારતમાં સાત કંપનીઓ આ દવા બનાવી રહી છે. તેઓની ઉત્પાદન ક્ષમતા દર મહિને 31.60 લાખ વોયલની છે. તાજેતરમાં, કંપનીને મહારાષ્ટ્રથી 42,518 અને મધ્યપ્રદેશથી 5,932 વોયલના ઓર્ડર મળ્યા છે. જ્યારે ડ્રગ ડીલર સંગઠન મુજબ આ સમયે મહારાષ્ટ્રમાં એક લાખ અને મધ્યપ્રદેશમાં 20 હજાર રેમડેસીવીર ઇન્જેક્શનની માંગ છે.

કાળાબજારીમાં ઓક્સીજન સીલીન્ડરના 40 હજાર રૂપિયા રેમેડસવીર સિવાય મહારાષ્ટ્રના નાસિક સહિતના અનેક શહેરોમાંથી ઓક્સિજનની અછત હોવાની ફરિયાદો છે. નાસિકની સુવિચર હોસ્પિટલે ફરિયાદ કરી છે કે ઓક્સિજનનો સ્ટોક ખાલી થઇ ગયો છે. તેલંગાણામાં પણ આ જ સસ્માયા જોવા મળી રહી છે. હોસ્પિટલોમાં ઓક્સિજનની માંગ પણ વધી રહી છે, પરંતુ પુરતો પુરવઠો મળતો નથી જેને કારણે કાળાબજારી થઇ રહી છે અને એક ઓક્સીજન સીલીન્ડર 40 હજાર રૂપિયા સુધી વેચાઇ રહ્યો છે.

જો કે, ઓક્સિજન પરની રાષ્ટ્રીય સમિતિના જણાવ્યા મુજબ, દેશમાં ઓક્સિજનની અછત નથી. સમિતિએ માહિતી આપી છે કે હાલમાં આઠ હજાર મેટ્રિક ટનથી વધુ ઉત્પાદન કરવામાં આવી રહ્યું છે. તે જ સમયે, તેના પુરવઠા માટે ગ્રીન કોરિડોર બનાવવામાં આવી રહ્યા છે.