Big B પરિવારે લીધી કોરોના વેક્સિન: વેક્સિન લીધા બાદ અમિતાભે કહ્યું કંઇક આવું
તાજેતરમાં અમિતાભ બચ્ચને પરિવાર સહીત કોરોનાની વેક્સિન લીધી હતી. ત્યાર બાદ બચ્ચને તેનો અનુભવ પણ શેર કર્યો હતો.
બોલિવૂડ સુપરસ્ટાર અમિતાભે એક દિવસ પહેલા કોરોના વેક્સિનનો પહેલો ડોઝ લીધો છે. આ માહિતી તેણે પોતાના બ્લોગ અને સોશ્યલ મીડિયા એકાઉન્ટ દ્વારા આપી હતી. તેમણે એમ પણ કહ્યું હતું કે અભિષેક બચ્ચન સિવાય તેમના પરિવારના બધા સભ્યોને કોરોના રસીનો પ્રથમ ડોઝ મળ્યો છે.
અમિતાભ બચ્ચને પોતાની ટ્વિટમાં લખ્યું છે, “લગાવડાવી લીધી, મેં આજે બપોરે કોરોના રસી લીધી છે. બધુ ઠીક છે.” આ સાથે, તેમણે તેમના ટ્વિટમાં હાથ જોડતા ઇમોજીનો પણ સમાવેશ કર્યો હતો. આ સિવાય, તેમણે બ્લોગમાં કોવિડ રસી લાગુ કરવાના અનુભવને વિગતવાર લખ્યું છે. તેમણે લખ્યું, “ડન … રસી લગાવી દીધી છે … બધુ બરાબર છે. ગઈકાલે મારા પરિવાર અને સ્ટાફનો કોવિડ ટેસ્ટ કરાવ્યો હતો.”
T 3861 – Got it done ! My CoviD vaccination this afternoon ..All well .. 🙏
— Amitabh Bachchan (@SrBachchan) April 1, 2021
અભિષેકે ના લીધી વેક્સિન
અમિતાભે આગળ લખ્યું છે કે, “આજે તેનો રીપોર્ટ આવ્યો હતો… બધું સારું છે, દરેકનો રિપોર્ટ નેગેટિવ આવ્યો … તો રસી લઇ લીધી.. અભિષેક બચ્ચન સિવાય આખા પરિવારે રસી લીધી છે.. હાલમાં તે શૂટિંગ માટે લોકેશન પર છે અને થોડા દિવસોમાં જલ્દીથી આવી જશે… આવતી કાલથી ફરીથી કામ પર હું જઈશ.”
જોકે તમને જણાવી દઈએ કે ગત ફેબ્રુઆરીની 5 તારીખે જ અભિષેકને 45 વર્ષ પુરા થયા છે. અને ઐશ્વર્યાની ઉંમર તેનાથી મોટી છે. તે હાલ 47 વર્ષના છે.
ઐતિહાસિક અનુભવ
આ સિવાય અમિતાભ બચ્ચને એમ પણ લખ્યું હતું કે તેની અને તેના પરિવારની રસી લેવાની પ્રક્રિયા અંગેનો વિસ્તાર પૂર્વક બ્લોગ લખવાની જરૂર છે … તે પછીથી તે લખશે … તેમના માટે તે ખૂબ ઐતિહાસિક હતું. જણાવી દઈએ કે ગયા વર્ષે જુલાઈના અંતમાં અમિતાભ બચ્ચનને કોરોના વાયરસનો ચેપ લાગ્યો હતો. તે લગભગ એક મહિના સુધી હોસ્પિટલમાં દાખલ હતા.
બચ્ચન પરિવારમાં ચેપ લાગ્યો હતો
અમિતાભ ઉપરાંત તેમના પુત્ર અભિષેક બચ્ચનને પણ કોરોના વાયરસનો ચેપ લાગ્યો હતો અને તે પણ અમિતાભ સાથે જ હોસ્પિટલમાં દાખલ થયો હતો. તે જ સમયે, બિગ બીની પુત્રવધૂ ઐશ્વર્યા રાય બચ્ચનને પણ કોરોનાનો ચેપ લાગ્યો હતો. જયા બચ્ચન બચ્ચન પરિવારમાં એકલા જ હતા કે જેણે કોરોનાનો ચેપ લાગ્યો નહોતો.
આ પણ વાંચો: Corona: બોયફ્રેન્ડ રણબીર કપૂર બાદ હવે ગર્લફ્રેન્ડ આલિયા ભટ્ટ કોરોનાની ઝપેટમાં
Latest News Updates
