NTSE Stage 2 Exam: આવતીકાલે નેશનલ ટેલેન્ટ સર્ચ એક્ઝામિનેશન યોજાશે, આ રીતે ડાઉનલોડ કરો એડમિટ કાર્ડ
નેશનલ ટેલેન્ટ સર્ચ એક્ઝામિનેશન 2021 આવતીકાલે 24 ઓક્ટોબરે લેવામાં આવશે. નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ, NCERTએ NTSE સ્ટેજ II એડમિટ કાર્ડ 2021 જાહેર કરી દીધું છે.
નેશનલ ટેલેન્ટ સર્ચ એક્ઝામિનેશન 2021 (National Talent Search Examination 2021) આવતીકાલે 24 ઓક્ટોબરે લેવામાં આવશે. નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ, NCERTએ NTSE સ્ટેજ II એડમિટ કાર્ડ 2021 જાહેર કરી દીધું છે. NTSE દર વર્ષે બે તબક્કામાં હાથ ધરવામાં આવે છે. પ્રથમ તબક્કામાં રાજ્ય કક્ષાએ વિદ્યાર્થીઓની પરીક્ષા લેવામાં આવે છે. શોર્ટલિસ્ટ કરેલા ઉમેદવારો પછી સ્ટેજ 2 અથવા NCERT દ્વારા લેવાયેલી રાષ્ટ્રીય કક્ષાની પરીક્ષા આપી શકે છે. જે વિદ્યાર્થીઓ બીજા તબક્કામાં લાયક ઠરે છે તેઓ શિષ્યવૃત્તિ માટે પાત્ર બને છે.
જે ઉમેદવારો નેશનલ ટેલેન્ટ સર્ચ પરીક્ષા 2021 માટે બેસશે તેઓ NCERTની અધિકૃત વેબસાઇટ ncert.nic.in પરથી એડમિટ કાર્ડ (National Talent Search Examination 2021) ડાઉનલોડ કરી શકે છે. આ પરીક્ષા અગાઉ 13 જૂન, 2021ના રોજ યોજાવાની હતી, જે મોકૂફ રાખવામાં આવી હતી. અગાઉ પરીક્ષા 7 ફેબ્રુઆરી અને પછી 14 ફેબ્રુઆરી 2021ના રોજ યોજાવાની હતી જે સમગ્ર દેશમાં COVID19 કેસોમાં વધારાને કારણે મુલતવી રાખવામાં આવી હતી. પરંતુ હવે પરીક્ષા આવતીકાલે એટલે કે 24 ઓક્ટોબરે યોજાવાની છે.
NTSE પરીક્ષા દેશભરના વિવિધ કેન્દ્રો પર લેવામાં આવશે. સત્તાવાર સૂચના મુજબ તેમના સંબંધિત રાજ્યો/કેન્દ્રશાસિત પ્રદેશો દ્વારા ભલામણ કરાયેલ ઉમેદવારોને જ સ્ટેજ II પરીક્ષામાં બેસવાની મંજૂરી આપવામાં આવશે. એડમિટ કાર્ડ ડાઉનલોડ કરવા માટે, ઉમેદવારો નીચે દર્શાવેલ સીધી લિંક અને સરળ પગલાંને અનુસરી શકે છે.
NTSE Stage II Admit Card 2021 આ સીધી લિંક પરથી કરો ડાઉનલોડ
ઉમેદવારો નીચે આપેલ સીધી લિંક પર ક્લિક કરીને તેમનું એડમિટ કાર્ડ ડાઉનલોડ કરી શકે છે.
NTSE Stage II Admit Card 2021 Direct Link
NTSE Stage II Admit Card 2021 આ રીતે કરો ડાઉનલોડ
સ્ટેપ 1: સૌ પ્રથમ સત્તાવાર વેબસાઇટ ncert.nic.in પર જાઓ. સ્ટેપ 2: વેબસાઇટ પર આપવામાં આવેલી એડમિટ કાર્ડ લિંક પર ક્લિક કરો. સ્ટેપ 3: હવે તમારો રોલ નંબર અને જન્મ તારીખ ભરો અને સબમિટ કરો. સ્ટેપ 4: તમારું એડમિટ કાર્ડ સ્ક્રીન પર દેખાશે. સ્ટેપ 5: હવે તેને તપાસો અને ડાઉનલોડ કરો. સ્ટેપ 6: પરીક્ષા હોલમાં લઈ જવા માટે તેની પ્રિન્ટ આઉટ લો.